ಮೈಸೂರು: ಮೈಸೂರು ಅರಮನೆ ಪ್ರವೇಶ ಶುಲ್ಕವನ್ನು ಪರಿಷ್ಕರಿಸಿ, ಅರಮನೆ ಆಡಳಿತ ಮಂಡಳಿ ಆದೇಶಿಸಿದೆ. ಇಂದಿನಿಂದಲೇ ಮೈಸೂರು ಅರಮನೆ ಪ್ರವೇಶ ಶುಲ್ಕ ಹೆಚ್ಚಳದ ಆದೇಶ ಜಾರಿಗೆ ಬರಲಿದೆ.
ಈ ಸಂಬಂಧ ಮೈಸೂರು ಅರಮನೆ ಮಂಡಳಿಯ ಉಪ ನಿರ್ದೇಶಕರು ಪತ್ರಿಕಾ ಪ್ರಕಟಣೆಯಲ್ಲಿ ಆದೇಶ ಹೊರಡಿಸಿದ್ದು, ವಿಶ್ವವಿಖ್ಯಾತ ಮೈಸೂರು ಅರಮನೆಗೆ ದಿನನಿತ್ಯ ದೇಶ, ವಿದೇಶಗಳಿಂದ ಸಹಸ್ರಾರು ಸಂಖ್ಯೆಯಲ್ಲಿ ಅರಮನೆ ವೀಕ್ಷಣೆಗಾಗಿ ಆಗಮಿಸುವ ಪ್ರವಾಸಿಗರ ಅನುಕೂಲಕ್ಕಾಗಿ ಮೈಸೂರು ಆಡಳಿತ ಮಂಡಳಿ ಸಭೆಯ ತೀರ್ಮಾನದಂತೆ ದಿನಾಂಕ 25-10-2024ರಿಂದ ಜಾರಿಗೆ ಬರುವಂತೆ ಅರಮನೆ ಪ್ರವೇಶ ಶುಲ್ಕವನ್ನು ಪರಿಷ್ಕರಿಸಿರುವುದಾಗಿ ತಿಳಿಸಿದೆ.
ಹೀಗಿದೆ ನೂತನ ಮೈಸೂರು ಅರಮನೆ ಪ್ರವೇಶದ ಪರಿಷ್ಕೃತ ದರಪಟ್ಟಿ
- ಭಾರತೀಯ ವಯಸ್ಕರಿಗೆ ರೂ.100 ಇದ್ದ ಶುಲ್ಕವನ್ನು ರೂ.120ಕ್ಕೆ ಏರಿಕೆ ಮಾಡಲಾಗಿದೆ.
- 10 ರಿಂದ 18 ವರ್ಷದೊಳಗಿನ ಮಕ್ಕಳಿಗೆ ರೂ.50 ಇದ್ದ ಶುಲ್ಕವನ್ನು ರೂ.70ಕ್ಕೆ ಹೆಚ್ಚಳ
- ಶೈಕ್ಷಣಿಕ ಪ್ರವಾಸ ಕೈಗೊಳ್ಳುವ ಶಾಲಾ, ಕಾಲೇಜು ವಿದ್ಯಾರ್ಥಿಗಳಿಗೆ ರೂ.30ರ ದರವನ್ನು ರೂ.50ಕ್ಕೆ ಏರಿಕೆ
- ವಿದೇಶಿಗರಿಗೆ ರೂ.100 ಇದ್ದ ಶುಲ್ಕವನ್ನು ರೂ.1000ಕ್ಕೆ ಹೆಚ್ಚಳ ಮಾಡಲಾಗಿದೆ.
- ಇನ್ನೂ 10 ವರ್ಷದೊಳಗಿನ ಎಲ್ಲಾ ಮಕ್ಕಳಿಗೆ ಮೈಸೂರು ಅರಮನೆ ಪ್ರವೇಶ ಉಚಿತವಾಗಿದೆ.
ದಿನಾಂಕ 25-10-2024ರ ಇಂದಿನಿಂದ ಈ ಪರಿಷ್ಕೃತ ಪ್ರವೇಶ ಶುಲ್ಕದ ದರಗಳು ಜಾರಿಗೆ ಬರಲಿದೆ. ಅಲ್ಲದೇ ಇಂದಿನಿಂದ ಅರಮನೆ ಒಳಾವರಣದಲ್ಲಿ ಬರುವ ಚಪ್ಪಲಿ ಸ್ಟಾಂಡ್, ಲಗ್ಗೇಜ್ ಕೊಠಡಿ ಮತ್ತು ಶೌಚಾಲಯಗಳನ್ನು ಪ್ರವಾಸಿಗರಿಗೆ ಉಚಿತಗೊಳಿಸಲಾಗಿದೆ.