ನವದೆಹಲಿ: ರೈಲು ಪ್ರಯಾಣದ ವೇಳೆ ಪ್ರಯಾಣಿಕರು ಸಾಮಾನುಗಳನ್ನು ಮರೆಯುವುದು, ಕಳೆದುಕೊಳ್ಳುವುದು ತೀರಾ ಸಾಮಾನ್ಯ. ಆ ವಸ್ತಗಳು ನಮಗೆ ವಾಪಸ್‌ ಸಿಗೋದಿಲ್ಲ ಅನ್ನೋದು ಪಕ್ಕಾ. ಆದ್ರೆ, ಇಲ್ಲೊಂದು ಅಪರೂಪದ ಘಟನೆಯಲ್ಲಿ, ಕಳೆದುಹೋದ ವಸ್ತುವೊಂದನ್ನು ಸ್ವತಃ ರೈಲ್ವೆ ಅಧಿಕಾರಿಗಳೇ ಮನೆ ಬಾಗಿಲಿಗೆ ತಲುಪಿಸಿದ್ದಾರೆ.
ಹೌದು, ಜನವರಿ 4, 2023 ರಂದು ಕುಟುಂಬವೊಂದು ಸಿಕಂದರಾಬಾದ್-ಅಗರ್ತಲಾ ವಿಶೇಷ ರೈಲು ಕೋಚ್‌ನಲ್ಲಿ ಪ್ರಯಾಣಿಸುತ್ತಿತ್ತು. ಈ ವೇಳೆ ಆ ಕುಟುಂಬದ ಮಗುವೊಂದು ಆಟಿಕೆಯೊಂದಿಗೆ ಆಟವಾಡುತ್ತಿತ್ತು. ಕುಟುಂಬವು ಪಶ್ಚಿಮ ಬಂಗಾಳದ ಉತ್ತರ ದಿನಾಜ್‌ಪುರ ಜಿಲ್ಲೆಯ ಅಲಿಯಾಬುರಿ ರೈಲು ನಿಲ್ದಾಣದಲ್ಲಿ ಇಳಿದಿದೆ. ಆದ್ರೆ, ರೈಲಿನಿಂದ ಇಳಿಯುವಾಗ ಕುಟುಂಬ ಸದಸ್ಯರು ಆಟಿಕೆ ತೆಗೆದುಕೊಂಡು ಹೋಗುವುದನ್ನು ಮರೆತಿದ್ದಾರೆ.
ಇದನ್ನು ಗಮನಿಸಿದ ಸಹ ಪ್ರಯಾಣಿಕ ಭೂಸಿನ್ ಪಟ್ನಾಯಕ್, ಮಗುವಿನ ಆಟಿಕೆಯನ್ನು ಹೇಗಾದರೂ ಮಾಡಿ ಅವರಿಗೆ ತಲುಪಿಸಬೇಕೆಂದು ಬಯಸಿದ್ದರು. ಕೂಡಲೇ ‘ರೈಲ್ ಮದದ್’ ಆ್ಯಪ್ ಮೂಲಕ 139ಕ್ಕೆ ಕರೆ ಮಾಡಿ ಸಿಕಂದರಾಬಾದ್ ರೈಲ್ವೆ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ.
ಆದರೆ, ಆ ಕುಟುಂಬದ ಬಗ್ಗೆ ಯಾವುದೇ ವಿವರ ಗೊತ್ತಿಲ್ಲ. ಸೀಟ್ ನಂಬರ್ (ಬಿ-2 ಕೋಚ್‌, ಸೀಟ್ ನಂಬರ್ 19)ಮಾತ್ರ ಗೊತ್ತಿತ್ತು ಎಂದರು. ಆ ಸೀಟ್ ನಂಬರ್ ಆಧರಿಸಿ ಸಿಕಂದರಾಬಾದ್ ರೈಲ್ವೆ ಅಧಿಕಾರಿಗಳು ವಿವರಗಳನ್ನು ಪಡೆದರು. ಮೋಹಿತ್ ಮತ್ತು ನಸ್ರೀನ್ ಬೇಗಂ ಆ ಸೀಟಿನಲ್ಲಿ ಪ್ರಯಾಣಿಸಿರುವುದು ಕಂಡುಬಂದಿದೆ. ಪಶ್ಚಿಮ ಬಂಗಾಳದ ಉತ್ತರ ದಿನಾಜ್‌ಪುರ ಜಿಲ್ಲೆಯ ಖಾಜಿಗಾಂವ್ ಅವರ ಹುಟ್ಟೂರು. ಅದರ ನಂತರ ರೈಲಿನ ಲೈವ್ ಸ್ಥಳವನ್ನು ಪತ್ತೆಹಚ್ಚಲಾಯಿತು. ನ್ಯೂ ಜಲ್ಪೈ ಗುರಿ ನಿಲ್ದಾಣಕ್ಕೆ ಆಗಮಿಸಿದಾಗ ಅಲ್ಲಿ ರೈಲ್ವೆ ಸಿಬ್ಬಂದಿ ಟ್ರಕ್‌ನ ಆಟಿಕೆಯನ್ನು ಬುಸಿನ್‌ನಿಂದ ತೆಗೆದುಕೊಂಡರು. ಆ ನಂತರ ಅಲಿಯಾಬುರಿ ನಿಲ್ದಾಣಕ್ಕೆ 20 ಕಿ.ಮೀ. ದೂರದಲ್ಲಿದ್ದ ತಮ್ಮ ಮನೆಗೆ ಹೋದ ಹುಡುಗನಿಗೆ ಆಟಿಕೆಯನ್ನು ತಲುಪಿಸಿದೆ.
ಈ ಸಂದರ್ಭದಲ್ಲಿ ಮಗುವಿನ ತಂದೆ ಮೋಹಿತ್, ನನ್ನ ಮಗನ ಆಟಿಕೆ ರೈಲಿನಲ್ಲಿ ಕಳೆದು ಹೋಗಿತ್ತು. ಆ ಆಟಿಕೆ ಇಲ್ಲದೇ ನನ್ನ ಮಗ ಅಳುತ್ತಿದ್ದ. ನಾನು ಈ ಬಗ್ಗೆ ರೈಲ್ವೆ ಸಿಬ್ಬಂದಿಗೆ ದೂರು ನೀಡಿಲ್ಲ. ಆದರೆ, ಸ್ವತಃ ರೈಲ್ವೆ ಸಿಬ್ಬಂದಿಯೇ ಮನೆಗೆ ಬಂದು ಆಟಿಕೆ ನೀಡಿದ್ದಾರೆ. ಇದ್ರಿಂದ ನನ್ನ ಮಗ ಸಂತೋಷವಾಗಿದ್ದಾನೆ ಎಂದು ತಿಳಿಸಿದ್ದು, ರೈಲ್ವೆ ಸಿಬ್ಬಂದಿಗೆ ಕೃತಜ್ಞತೆ ಸಲ್ಲಿಸಿದರು.
BIG NEWS : 2024ರ ಸಾರ್ವತ್ರಿಕ ಚುನಾವಣೆಗೂ ಮುನ್ನ ನಮ್ಮ ದೇಶ ನಕ್ಸಲಿಸಂ ಮುಕ್ತ: ಅಮಿತ್ ಶಾ ಭರವಸೆ
BIG NEWS : 2024ರ ಸಾರ್ವತ್ರಿಕ ಚುನಾವಣೆಗೂ ಮುನ್ನ ನಮ್ಮ ದೇಶ ನಕ್ಸಲಿಸಂ ಮುಕ್ತ: ಅಮಿತ್ ಶಾ ಭರವಸೆ
