ನವದೆಹಲಿ : ನೀವು ಆಗಾಗ್ಗೆ ವಿಮಾನದಲ್ಲಿ ಪ್ರಯಾಣಿಸುತ್ತೀರಾ? ಹಾಗಿದ್ರೆ, ನಿಮಗಿದು ಒಳ್ಳೆಯ ಸುದ್ದಿಯಾಗಲಿದೆ. ವಿಮಾನ ಪ್ರಯಾಣಿಕರ ಅನುಕೂಲಕ್ಕಾಗಿ ಡಿಜಿಸಿಎ ಮಹತ್ವದ ನಿರ್ಧಾರಗಳನ್ನ ತೆಗೆದುಕೊಂಡಿದೆ. ಹಾಗಿದ್ರೆ, ವಿಮಾನ ಪ್ರಯಾಣಿಕರಿಗೆ ಯಾವೆಲ್ಲಾ ಪ್ರಯೋಜನಗಳು ಲಭ್ಯ ಅನ್ನೋದನ್ನ ನೋಡೋಣಾ.
ನಾಗರಿಕ ವಿಮಾನಯಾನ ನಿರ್ದೇಶನಾಲಯ (DGCA) ವಿಮಾನ ಪ್ರಯಾಣಿಕರ ಅನುಕೂಲಕ್ಕಾಗಿ ಹಲವು ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಂಡಿದೆ. ವಿಮಾನಗಳ ರದ್ದತಿ ಮತ್ತು ವರ್ಗದ ವಿಮಾನ ಟಿಕೆಟ್ಗಳ ವರ್ಗಾವಣೆಗೆ ಸಂಬಂಧಿಸಿದಂತೆ ವಿಮಾನಯಾನ ಸಂಸ್ಥೆಗಳಿಗೆ ಹೊಸ ಮಾರ್ಗಸೂಚಿಗಳನ್ನ ಪರಿಚಯಿಸಲಿದೆ.
ನಾವು ಮೇಲ್ದರ್ಜೆ’ಯಲ್ಲಿ ಪ್ರಯಾಣಿಸಲು ಟಿಕೆಟ್ ಕಾಯ್ದಿರಿಸಿದಾಗ ಕೆಲವೊಮ್ಮೆ ನಮ್ಮ ಪಾಲ್ಗೊಳ್ಳುವಿಕೆ ಇಲ್ಲದೇ ವಿಮಾನಯಾನ ಸಂಸ್ಥೆಗಳು ಆ ಟಿಕೆಟ್ಗಳನ್ನ ಕೆಳ ವರ್ಗಕ್ಕೆ ವರ್ಗಾಯಿಸುತ್ತವೆ. ಆದ್ರೆ, ಇನ್ಮುಂದೆ ಹಾಗೆ ಮಾಡಿದರೆ, ನಿಮ್ಮ ಸಂಪೂರ್ಣ ಪ್ರಯಾಣ ವೆಚ್ಚವನ್ನ ವಿಮಾನಯಾನ ಸಂಸ್ಥೆಗಳು ಭರಿಸುತ್ತವೆ.
ಪ್ರಯಾಣಿಕರು ಕಾಯ್ದಿರಿಸಿದ ಮೇಲ್ದರ್ಜೆಯ ಟಿಕೆಟನ್ನ ಕೆಳ ವರ್ಗಕ್ಕೆ ವರ್ಗಾಯಿಸಿದ್ರೆ, ಟಿಕೆಟ್ ಖರೀದಿಸುವಾಗ ಸಂಬಂಧಪಟ್ಟ ಪ್ರಯಾಣಿಕರು ತೆರಿಗೆ ಸೇರಿದಂತೆ ಪಾವತಿಸಿದ ಮೊತ್ತವನ್ನ ಅವರಿಗೆ ಪಾವತಿಸಲಾಗುತ್ತದೆ. ಮೇಲಾಗಿ ಆ ಕೆಳವರ್ಗದವರಿಗೆ ಉಚಿತ ಪ್ರಯಾಣವನ್ನು ಒದಗಿಸಬೇಕು.
ವಿಮಾನಯಾನ ಸಂಸ್ಥೆಗಳು ತಾವು ತೆಗೆದುಕೊಂಡಿರುವ ಟಿಕೆಟ್ಗಳನ್ನ ಕೆಳವರ್ಗದವರಿಗೆ ತಮ್ಮ ಸಹಭಾಗಿತ್ವ ಮತ್ತು ಅನುಮತಿಯಿಲ್ಲದೇ ಇಚ್ಛಾನುಸಾರ ವರ್ಗಾಯಿಸುತ್ತಿವೆ ಎಂದು ಇತ್ತೀಚೆಗೆ ಡಿಜಿಸಿಎಗೆ ದೂರುಗಳು ಬಂದಿರುವ ಹಿನ್ನೆಲೆಯಲ್ಲಿ ಡಿಜಿಸಿಎ ಈ ಮಹತ್ವದ ನಿರ್ಧಾರ ಕೈಗೊಂಡಿದೆ.
ವಿಮಾನಗಳ ರದ್ದತಿಗೆ ಸಂಬಂಧಿಸಿದಂತೆ ಪ್ರಮುಖ ಬದಲಾವಣೆಗಳನ್ನ ಮಾಡಲಾಗಿದೆ. ಯಾವುದೇ ವಿಮಾನಯಾನ ಸಂಸ್ಥೆಯು ತಮ್ಮ ಹಾರಾಟವನ್ನ ರದ್ದುಗೊಳಿಸಲು ಬಯಸಿದ್ರೆ, ಅವರು 2 ವಾರಗಳ ಮುಂಚಿತವಾಗಿ ಪ್ರಯಾಣಿಕರಿಗೆ ತಿಳಿಸಬೇಕು. ಮೇಲಾಗಿ ಪರ್ಯಾಯ ವ್ಯವಸ್ಥೆ ಮಾಡುವ ಜವಾಬ್ದಾರಿಯೂ ಕಂಪನಿಯ ಮೇಲಿರುತ್ತೆ.
ಪ್ರಯಾಣದ ಒಂದು ದಿನ ಅಥವಾ ಎರಡು ವಾರಗಳಲ್ಲಿ ರದ್ದುಗೊಳಿಸಿದ್ರೆ, ಪರ್ಯಾಯ ವಿಮಾನವನ್ನ ವ್ಯವಸ್ಥೆಗೊಳಿಸಬೇಕು ಅಥವಾ ಟಿಕೆಟ್ ಹಣವನ್ನ ಮರುಪಾವತಿಸಬೇಕು. 21 ಗಂಟೆಯೊಳಗೆ ವಿಮಾನ ಹಾರಾಟ ರದ್ದುಗೊಳಿಸಬೇಕಾದ್ರೆ, ಪ್ರಯಾಣಿಕರು ಗರಿಷ್ಠ ರೂ.10 ಸಾವಿರದವರೆಗೆ ಪರಿಹಾರ ನೀಡಬೇಕಾಗುತ್ತದೆ.
ಹೊಸ ನಿಯಮಗಳಿಗೆ ಸಂಬಂಧಿಸಿದಂತೆ ಡಿಜಿಸಿಎ ಎಲ್ಲಾ ಪಾಲುದಾರ ಸಂಸ್ಥೆಗಳೊಂದಿಗೆ ಚರ್ಚೆ ನಡೆಸಲಿದೆ. ಅದರ ನಂತ್ರ ಫೆಬ್ರವರಿಯಲ್ಲಿ ಈ ಮಾರ್ಗಸೂಚಿಗಳನ್ನ ಜಾರಿಗೆ ತರುವ ಸಾಧ್ಯತೆಯಿದೆ.
BIGG NEWS: ಬೆಂಗಳೂರಿನಲ್ಲಿ ಕೊರೊನಾ ಹೆಚ್ಚಳ ಭೀತಿ; ನಮ್ಮ ಮೆಟ್ರೋ, ಬಿಎಂಟಿಸಿ ಬಸ್‌ ನಲ್ಲಿ ಕಟ್ಟುನಿಟ್ಟಿನ ಕ್ರಮ
BIGG NEWS: ಬೆಂಗಳೂರಿನಲ್ಲಿ ಕೊರೊನಾ ಹೆಚ್ಚಳ ಭೀತಿ; ನಮ್ಮ ಮೆಟ್ರೋ, ಬಿಎಂಟಿಸಿ ಬಸ್‌ ನಲ್ಲಿ ಕಟ್ಟುನಿಟ್ಟಿನ ಕ್ರಮ
WATCH VIDEO: ಬ್ಯಾಂಕ್‌ಗೆ 10 ಅಡಿ ಉದ್ದದ ಸುರಂಗ ಕೊರೆದು 1 ಕೋಟಿ ಮೌಲ್ಯದ ಚಿನ್ನಾಭರಣ ಕದ್ದ ಖದೀಮರು
