ಬೆಂಗಳೂರು: ಕಳೆದ ಎರಡು ಮೂರು ದಿನಗಳ ಹಿಂದೆಯಷ್ಟೇ ಟೀ ಅಂಗಡಿಯ ಹುಡುಗರು ಸಿಗರೇಟ್ ಹಣ ಕೇಳಿದ್ದಕ್ಕೆ ಪುಡಿ ರೌಡಿಗಳು ಹಿಗ್ಗಾಮುಗ್ಗಾ ಹಲ್ಲೆ ನಡೆಸಿದ್ದರು. ಈ ಬೆನ್ನಲ್ಲೇ ಇದೀಗ ಬೆಂಗಳೂರಿನಲ್ಲಿ ಹಫ್ತಾ ಕೊಡಲಿಲ್ಲ ಎಂಬುದಾಗಿ ಹೋಟೆಲ್ ಮಾಲೀಕರೊಬ್ಬರ ಮೇಲೆ ಲಾಂಗ್ ಬೀಸಿರೋದಾಗಿ ತಿಳಿದು ಬಂದಿದೆ.
ನಿನ್ನೆ ರಾತ್ರಿ ಬಾಣಸವಾಡಿಯಲ್ಲಿನ ಮೀನಿನ ಅಂಗಡಿಗೆ ತೆರಳಿರುವಂತ ಸುಜಿತ್ ಎಂಬ ಪುಂಡ, ಮೀನಿನ ಅಂಗಡಿ ಮಾಲೀಕನಿಗೆ ಹಫ್ತ ಹಣ ನೀಡುವಂತೆ ಕೇಳಿದ್ದಾನೆ. ಇದಕ್ಕೆ ಒಬ್ಬದಿದ್ದಾಗ ಸಿಟ್ಟಿನಿಂದಾಗಿ ವ್ಯಾಪಾರಿಯ ಮೇಲೆ ಲಾಂಗ್ ಬೀಸಿ ಹಲ್ಲೆ ನಡೆಸಿದ್ದಾರೆ ಎನ್ನಲಾಗಿದೆ.
ಹೋಟೆಲ್ ಮಾಲೀಕನ ಮೇಲೆ ಲಾಂಗ್ ಬೀಸಿದ ವಿಷಯ ತಿಳಿದು ಸ್ಥಳಕ್ಕೆ ತೆರಳಿದಂತ ಬಾಣಸವಾಡಿ ಪೊಲೀಸರು ಪುಂಡ ಸುಜಿತ್ ನನ್ನು ಬಂಧಿಸಿದ್ದಾರೆ. ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.
