ರೈಲ್ವೆ ಪ್ರಯಾಣಿಕರ ಗಮನಕ್ಕೆ: ಈ ಮಾರ್ಗದಲ್ಲಿ ವಿಶೇಷ ರೈಲು ಸಂಚಾರ, ಪ್ಯಾಸೆಂಜರ್ ಸ್ಪೆಷಲ್ ಸಮಯ ಪರಿಷ್ಕರಣೆ

ಬೆಂಗಳೂರು: ರೈಲ್ವೆ ಪ್ರಯಾಣಿಕರಿಗೆ ಅನುಕೂಲ ಕಲ್ಪಿಸೋ ನಿಟ್ಟಿನಲ್ಲಿ ಯಶವಂತಪುರ ಹಾಗೂ ಹೈದರಾಬಾದ್ ನಡುವೆ ವಿಶೇಷ ರೈಲು ಸಂಚಾರದ ವ್ಯವಸ್ಥೆ ಮಾಡಿದೆ. ಇದರಲ್ಲದೇ ಮುಜಫರ್‌ಪುರದಿಂದ ಬೇಡಿಕೆಯ ಮೇಲೆ ಒಂದು ಮಾರ್ಗದ ವಿಶೇಷ ರೈಲು ಹಾಗೂ ಅರಸೀಕೆರೆ – ಕೆಎಸ್ಆರ್ ಬೆಂಗಳೂರು ಪ್ಯಾಸೆಂಜರ್ ಸ್ಪೆಷಲ್ ಸಮಯ ಪರಿಷ್ಕರಣೆ ಮಾಡಲಾಗಿದೆ.

ಈ ಕುರಿತಂತೆ ನೈರುತ್ಯ ರೈಲ್ವೆಯಿಂದ ಪತ್ರಿಕಾ ಪ್ರಕಟಣೆಯಲ್ಲಿ ಮಾಹಿತಿ ನೀಡಿದ್ದು, ಯಶವಂತಪುರ ಮತ್ತು ಹೈದರಾಬಾದ್ ನಡುವೆ ಬೇಡಿಕೆಯ ಮೇಲೆ ವಿಶೇಷ ರೈಲು (TOD) ಸಂಚಾರದ ವ್ಯವಸ್ಥೆ ಮಾಡಿರುವುದಾಗಿ ತಿಳಿಸಿದೆ.

Job Alert: ಡಿ.21ರಂದು ಜಿಲ್ಲಾ ಕಾರ್ಯಕ್ರಮ ಸಂಯೋಜಕರ ನೇಮಕಾತಿ ನೇರ ಸಂದರ್ಶನ

ಯಶವಂತಪುರ ಮತ್ತು ಹೈದರಾಬಾದ್ ನಡುವೆ ಬೇಡಿಕೆಯ ಮೇಲೆ ಒಂದು ಟ್ರಿಪ್ ರೈಲು ಸಂಖ್ಯೆ.07153 / 07154 ಹೈದರಾಬಾದ್ – ಯಶವಂತಪುರ – ಹೈದರಾಬಾದ್ ವಿಶೇಷ ಎಕ್ಸ್ಪ್ರೆಸ್(TOD) ಸಂಚರಿಸಲಿದೆ. ರೈಲು ಸಂಖ್ಯೆ.07153 ಹೈದರಾಬಾದ್ – ಯಶವಂತಪುರ ವಿಶೇಷ ಎಕ್ಸ್ಪ್ರೆಸ್ ಹೈದರಾಬಾದ್‌ನಿಂದ 16.12.2022 ರಂದು 21.00 ಗಂಟೆಗೆ ಹೊರಟು ಮರುದಿನ 10.30 ಗಂಟೆಗೆ ಯಶವಂತಪುರವನ್ನು ತಲುಪುತ್ತದೆ ಎಂದಿದೆ.

ಮರಳಿ, ರೈಲು ನಂ.07154 ಯಶವಂತಪುರ – ಹೈದರಾಬಾದ್ ಎಕ್ಸ್ಪ್ರೆಸ್ ವಿಶೇಷವು 17.12.2022 ರಂದು 17.20 ಗಂಟೆಗೆ ಯಶವಂತಪುರದಿಂದ ಮರುದಿನ ಹೈದರಾಬಾದ್ ತಲುಪುತ್ತದೆ.

ಅಡ್ವಾಣಿಯಂತಹ ನಾಯಕರನ್ನೇ ಮುಗಿಸಿದ ಬಿಜೆಪಿ, BSY ಬಿಡುವುದೇ: ಟ್ವಿಟ್ ಮೂಲಕ ಕಾಲೆಳೆದ ಕಾಂಗ್ರೆಸ್

ರೈಲು ಮಾರ್ಗದಲ್ಲಿ ಬೇಗಂಪೇಟ್, ಲಿಂಗಂಪಲ್ಲಿ, ವಿಕಾರಾಬಾದ್, ತಾಂಡೂರು, ಸೇಡಂ, ಸೂಳೇಹಳ್ಳಿ, ಯಾದಗಿರಿ, ರಾಯಚೂರು, ಮಂತ್ರಾಲಯ, ಗುಂತಕಲ್, ಅನಂತಪುರ, ಧರ್ಮಾವರಂ, ಹಿಂದೂಪುರ ಮತ್ತು ಯಲಹಂಕದಲ್ಲಿ ನಿಲುಗಡೆ ಇರುತ್ತದೆ.

ರೈಲು, 2-ಎಸಿ ಟೂ ಟೈರ್ ಕೋಚ್‌ಗಳು, 10-ಎಸಿ ತ್ರೀ ಟೈರ್ ಕೋಚ್‌ಗಳು, 5-ತ್ರೀ ಟೈರ್ ಸ್ಲೀಪರ್ ಕೋಚ್‌ಗಳು, 3-ಜನರಲ್ ಸಿಟ್ಟಿಂಗ್ ಕೋಚ್‌ಗಳು, 1-ಸಿಟ್ಟಿಂಗ್ ವಿಕಲಚೇತನರ ಕಮ್ ಲಗೇಜ್ ಮತ್ತು ಬ್ರೇಕ್ ವ್ಯಾನ್ ಮತ್ತು 1-ಜನರೇಟರ್ ಕಾರ್ ಸಂಯೋಜನೆಯನ್ನು ಹೊಂದಿರುತ್ತದೆ.

ಮುಜಫರ್‌ಪುರದಿಂದ ಬೇಡಿಕೆಯ ಮೇಲೆ ಒಂದು ಮಾರ್ಗದ ವಿಶೇಷ ರೈಲು (TOD)

ಪೂರ್ವ ಮಧ್ಯ ರೈಲ್ವೆಯು 17.12.2022 ರಂದು ಮುಜಫರ್‌ಪುರದಿಂದ ಯಶವಂತಪುರಕ್ಕೆ ಬೇಡಿಕೆಯ ಮೇಲೆ ಏಕಮುಖ ಎಕ್ಸ್ಪ್ರೆಸ್ ವಿಶೇಷ ರೈಲು (TOD) ನ ಒಂದು ಟ್ರಿಪ್ ಅನ್ನು ಕೆಳಗೆ ವಿವರಿಸಿದಂತೆ ಓಡಿಸಲು ಸೂಚಿಸಿದೆ.

ರೈಲು ಸಂಖ್ಯೆ.05227 ಮುಜಾಫರ್‌ಪುರ-ಯಶವಂತಪುರ ಒನ್‌ವೇ ಎಕ್ಸ್ಪ್ರೆಸ್ ವಿಶೇಷ ರೈಲು 17.12.2022 ರಂದು 16.00 ಗಂಟೆಗೆ ಮುಜಫರ್‌ಪುರದಿಂದ ಹೊರಟು 19.12.2022 ರಂದು 18.40 ಗಂಟೆಗೆ ಯಶವಂತಪುರವನ್ನು ತಲುಪುತ್ತದೆ.

ಮಾರ್ಗದಲ್ಲಿ ರೈಲು ಹಾಜಿಪುರ, ದಾನಾಪುರ, ಅರಾ, ಬಕ್ಸರ್, ದೀನ್ ದಯಾಳ್ ಉಪಾಧ್ಯಾಯ ಜೂ., ಪ್ರಯಾಗ್ರಾಜ್ ಚಿಯೋಕಿ, ಸತ್ನಾ, ಜಬಲ್ಪುರ್, ಎಟಾರ್ಸಿ, ನಾಗ್ಪುರ, ಬಲ್ಹರ್ಷಾ, ವಾರಂಗಲ್, ವಿಜಯವಾಡ, ಪೆರಂಬೂರ್, ಕಟ್ಪಾಡಿ, ಜೋಲಾರ್ಪೆಟ್ಟೈ ಜಂ ಮತ್ತು ಕೃಷ್ಣರಾಜಪುರಂನಲ್ಲಿ ನಿಲುಗಡೆಗಳನ್ನು ಹೊಂದಿರುತ್ತದೆ.

ರೈಲು 1-ಎಸಿ ಟೂ ಟೈರ್ ಕೋಚ್, 3-ಎಸಿ ತ್ರೀ ಟೈರ್ ಕೋಚ್‌ಗಳು, 2-ಎಸಿ ಟೂ ಟೈರ್ ಕಮ್ ಎಸಿ ತ್ರೀ ಟೈರ್ ಕೋಚ್‌ಗಳು, 11- ಮೂರು ಟೈರ್ ಸ್ಲೀಪರ್ ಕೋಚ್‌ಗಳು, 4 ಜನರಲ್ ಸಿಟ್ಟಿಂಗ್ ಕೋಚ್‌ಗಳು, 2 ಸೆಕೆಂಡ್ ಸಿಟ್ಟಿಂಗ್ ಕಮ್ ಲಗೇಜ್ ಮತ್ತು ಬ್ರೇಕ್ ವ್ಯಾನ್‌ಗಳು ಮತ್ತು 1- ಪ್ಯಾಂಟ್ರಿ ಕಾರ್ (ಒಟ್ಟು: 24 ಕೋಚ್‌ಗಳು)

ಅರಸೀಕೆರೆ – ಕೆಎಸ್ಆರ್ ಬೆಂಗಳೂರು ಪ್ಯಾಸೆಂಜರ್ ಸ್ಪೆಷಲ್ ಸಮಯ ಪರಿಷ್ಕರಣೆ

7.12.2022 ರಿಂದ ಜಾರಿಗೆ ಬರುವಂತೆ, ರೈಲು ಸಂಖ್ಯೆ, 06274 ಅರಸೀಕೆರೆ-ಕೆಎಸ್ಆರ್ ಬೆಂಗಳೂರು ಪ್ಯಾಸೆಂಜರ್ ವಿಶೇಷ ರೈಲು ಅರಸೀಕೆರೆಯಿಂದ 05.15 ಗಂಟೆಗೆ ಬದಲಾಗಿ 05.05 ಗಂಟೆಗೆ ಹೊರಡುತ್ತದೆ.

ಮಾರ್ಗದಲ್ಲಿ, ರೈಲು ಆದಿಹಳ್ಳಿ-05.15 / 05.16 ಹೊನ್ನವಳ್ಳಿ-05.20 / 05.21 ಗಂಟೆ; ಶಿಶುವಿನಹಳ್ಳಿ-05.29 / 05.30ಲೀ. ತಿಪಟೂರು- 05.34 / 05.35 ಗಂಟೆ; ಬನಶಂಕರಿ ಹಾಲ್ಟ್-05.40 / 05.41 ಗಂಟೆ; ಕರಡಿ-05.47 / 05.48 ಗಂಟೆ; ಅರಳಗುಪ್ಪೆ ನಿಲುಗಡೆ-05.53 / 05.54 ಗಂಟೆ; ಬಾಣಸಂದ್ರ-05.59 / 06.00 ಗಂಟೆ; ಅಮ್ಮಸಂದ್ರ-06.07 / 06.08 ಗಂಟೆ; ಸಂಪಗೆ ರಸ್ತೆ-06.16 / 06.17 ಗಂಟೆಗೆ ಆಗಮಿಸುತ್ತದೆ/ನಿರ್ಗಮಿಸುತ್ತದೆ. ಸಂಪಿಗೆ ರಸ್ತೆಯ ನಂತರ ಅಂದರೆ ನಿಟ್ಟೂರಿನಿಂದ ಕೆಎಸ್‌ಆರ್ ಬೆಂಗಳೂರುವರೆಗಿನ ಸಮಯದಲ್ಲಿ ಯಾವುದೇ ಬದಲಾವಣೆ ಇಲ್ಲ ಎಂದು ಮಾಹಿತಿ ನೀಡಿದೆ.