ನವದೆಹಲಿ : ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಮತ್ತು ಪ್ರಧಾನ ಕಛೇರಿ, ಸಂಯೋಜಿತ ರಕ್ಷಣಾ ಸಿಬ್ಬಂದಿ ಶುಕ್ರವಾರ ಜಂಟಿಯಾಗಿ ಹೈಪರ್ಸಾನಿಕ್ ವಾಹನ ಪ್ರಯೋಗಗಳನ್ನು ನಡೆಸಿದರು.
ಪ್ರಯೋಗಗಳು ಅಗತ್ಯವಿರುವ ಎಲ್ಲಾ ನಿಯತಾಂಕಗಳನ್ನು ಸಾಧಿಸಿವೆ. ಹೈಪರ್ಸಾನಿಕ್ ವಾಹನ ಸಾಮರ್ಥ್ಯವನ್ನು ಪ್ರದರ್ಶಿಸಿದವು ಎಂದು ಇಸ್ರೋ ಹೇಳಿಕೆಯಲ್ಲಿ ತಿಳಿಸಿದೆ.
ಹೈಪರ್ಸಾನಿಕ್ ವಾಹನವು ಶಬ್ದದ ವೇಗಕ್ಕಿಂತ ಕನಿಷ್ಠ ಐದು ಪಟ್ಟು ವೇಗವಾಗಿ ಚಲಿಸುವ ವಾಹನವಾಗಿದೆ. ಈ ವಾಹನವು ವಿಮಾನ, ಕ್ಷಿಪಣಿ ಅಥವಾ ಬಾಹ್ಯಾಕಾಶ ನೌಕೆಯಾಗಿರಬಹುದು.
ಹೈಪರ್ಸಾನಿಕ್ ತಂತ್ರಜ್ಞಾನವನ್ನು ಇತ್ತೀಚಿನ ಅತ್ಯಾಧುನಿಕ ತಂತ್ರಜ್ಞಾನವೆಂದು ಪರಿಗಣಿಸಲಾಗಿದೆ. ಚೀನಾ, ಭಾರತ, ರಷ್ಯಾ ಮತ್ತು ಯುಎಸ್ ಸೇರಿದಂತೆ ಹಲವು ದೇಶಗಳು ಹೈಪರ್ಸಾನಿಕ್ ಶಸ್ತ್ರಾಸ್ತ್ರಗಳ ಮತ್ತಷ್ಟು ಪ್ರಗತಿಯಲ್ಲಿ ತೊಡಗಿವೆ.
ಭಾರತವು ಕಳೆದೆರಡು ವರ್ಷಗಳಿಂದ ಹೈಪರ್ಸಾನಿಕ್ ತಂತ್ರಜ್ಞಾನದಲ್ಲಿ ಕೆಲಸ ಮಾಡುತ್ತಿದೆ. ಯುಎಸ್ ಕಾಂಗ್ರೆಸ್ ನಲ್ಲಿ ಪ್ರಸ್ತುತಪಡಿಸಿದ ವರದಿಯ ಪ್ರಕಾರ, ಭಾರತವು ಹೈಪರ್ಸಾನಿಕ್ ಕ್ಷಿಪಣಿಗಳನ್ನು ಸ್ವದೇಶಿಯಾಗಿ ತಯಾರಿಸುವಲ್ಲಿ ತೊಡಗಿದೆ.
ಭಾರತವು ಈ ಹಿಂದೆ 2019 ಮತ್ತು ಸೆಪ್ಟೆಂಬರ್ 2020 ರಲ್ಲಿ ಇಂತಹ ತಂತ್ರಜ್ಞಾನವನ್ನು ಪರೀಕ್ಷಿಸಿದೆ. ಯುಎಸ್ ವರದಿಯ ಪ್ರಕಾರ, ಭಾರತವು ಅಂತಹ 12 ಹೈಪರ್ಸಾನಿಕ್ ವಿಂಡ್ ಟನಲ್ ಗಳನ್ನು ನಿರ್ಮಿಸಿದೆ.
