ಕೆಎನ್ಎನ್‍ಡಿಜಿಟಲ್ ಡೆಸ್ಕ್ : ಹೈದರಾಬಾದ್‌ನ 50 ವರ್ಷದ ಮಹಿಳೆಯೊಬ್ಬರು ತಮ್ಮ ಕೂದಲನ್ನ ಸುಂದರವಾಗಿ ಮತ್ತು ಆರೋಗ್ಯವಾಗಿಡಲು ಪಾರ್ಲರ್‌ಗೆ ಹೋಗಿದ್ದಾರೆ. ತೀರಾ ಅಲ್ಲಿಗೆ ಹೋದಾಗ ಆಕೆಗೆ ಆಘಾತ ಕಾದಿತ್ತು. ಯಾಕಂದ್ರೆ, ಹೇರ್ ವಾಶ್ ಮಾಡಿ ಕೂದಲು ಕತ್ತರಿಸುವಾಗ ಪಾರ್ಶ್ವವಾಯುವಿಗೆ ಒಳಗಾಗಿದ್ದಾಳೆ. ಅಂದ್ಹಾಗೆ, ಅದರೊಂದಿಗೆ ಅಲ್ಲಿಯವರೆಗೂ ಚುರುಕಾಗಿದ್ದ ಆಕೆ ಏಕಾಏಕಿ ಕುಸಿದು ಬಿದ್ದಿದ್ದು, ಸಲೂನ್’ನಲ್ಲಿದ್ದವರಿಗಷ್ಟೇ ಅಲ್ಲ ಸುದ್ದಿ ತಿಳಿದವರನ್ನು ಅಚ್ಚರಿ ಪಡೆಸಿದೆ. ಇನ್ನೀದು ಸುದ್ದಿಯಾದ ನಂತ್ರ ಜನ ಪಾರ್ಲರ್’ಗೆ ಹೋದ್ರೆ ಈ ರೀತಿ ಪಾರ್ಶ್ವವಾಯು ಬರಬಹುದಾ.? ಅಂತಾ ಭಯಭೀತರಾಗಿದ್ದಾರೆ. ಇಷ್ಟಕ್ಕೂ ಅಲ್ಲಿ ನಡೆದಿದ್ದಾದ್ರು ಏನು.? ಆ ಮಹಿಳೆ ಪಾರ್ಶ್ವವಾಯುವಿಗೆ ತುತ್ತಾಗಲು ಕಾರಣವಾದ್ರು ಏನು.?
ಮಹಿಳೆಗೆ ಚಿಕಿತ್ಸೆ ನೀಡಿದ ವೈದ್ಯರು ಹೇಳುವಂತೆ, ಕೂದಲನ್ನ ತೊಳೆಯುವಾಗ, ಹಿಂದಕ್ಕೆ ಮತ್ತು ಮುಂದಕ್ಕೆ ಎಳೆಯುವುದರಿಂದ ಕುತ್ತಿಗೆಯ ಸಮೀಪವಿರುವ ರಕ್ತನಾಳಗಳ ಮೇಲೆ ಒತ್ತಡ ಬೀಳುತ್ತದೆ. ಮೆದುಳಿಗೆ ರಕ್ತ ಪೂರೈಕೆ ಮಾಡುವ ಪ್ರಮುಖ ರಕ್ತನಾಳದ ಮೇಲೆ ಒತ್ತಡವಿದ್ದು, ಮೆದುಳಿಗೆ ರಕ್ತ ಪೂರೈಕೆಯಾಗದೆ ಪಾರ್ಶ್ವವಾಯು ಕಾಣಿಸಿಕೊಂಡಿದೆ.
1993ರಲ್ಲಿ ಜರ್ನಲ್ ಆಫ್ ದಿ ಅಮೇರಿಕನ್ ಮೆಡಿಕಲ್ ಅಸೋಸಿಯೇಶನ್‌ನಲ್ಲಿ, ಡಾ. ಮೈಕೆಲ್ ವೈನ್ ಟ್ರೌಬ್ ಮೊದಲು ಪಾರ್ಲರ್ ಸ್ಟ್ರೋಕ್ ಸಿಂಡ್ರೋಮ್ ಎಂಬ ಹೆಸರನ್ನ ಉಲ್ಲೇಖಿಸಿದ್ದಾರೆ. ಕೂದಲು ತೊಳೆಯಲು ಬ್ಯೂಟಿ ಪಾರ್ಲರ್‌ಗೆ ಹೋದ ನಂತ್ರ ಅವರು ಐದು ಮಹಿಳೆಯರಲ್ಲಿ ತೀವ್ರವಾದ ನರವೈಜ್ಞಾನಿಕ ಸಮಸ್ಯೆಗಳನ್ನ ಗಮನಿಸಿದರು. ಐವರು ಮಹಿಳೆಯರು ಪಾರ್ಲರ್‌ಗೆ ಹೋದಾಗ ಪುರುಷರಂತೆ ಭಾಸವಾಗುತ್ತದೆ, ಸಮತೋಲನ ಕಳೆದುಕೊಂಡು ಮುಖ ಪೂರ್ತಿ ಮರಗಟ್ಟುತ್ತದೆ ಎಂದು ಹೇಳಿದ್ದಾರೆ. ಅವರಲ್ಲಿ ನಾಲ್ವರು ಪಾರ್ಶ್ವವಾಯುವಿಗೆ ಒಳಗಾದರು. ಡಾ. ಮೈಕೆಲ್ ಅವರ ರೋಗಲಕ್ಷಣಗಳ ಆಧಾರದ ಮೇಲೆ ಈ ಸಮಸ್ಯೆಯನ್ನ ಬ್ಯೂಟಿ ಪಾರ್ಲರ್ ಸ್ಟ್ರೋಕ್ ಸಿಂಡ್ರೋಮ್ ಎಂದು ಹೆಸರಿಸಿದ್ದಾರೆ.
ರಕ್ತ ಹೆಪ್ಪುಗಟ್ಟುವಿಕೆಯಿಂದಾಗಿ ಸಮಸ್ಯೆ
ಕತ್ತಿನ ಮುಂಭಾಗ ಮತ್ತು ಹಿಂಭಾಗದಲ್ಲಿ ಎರಡು ಪ್ರಮುಖ ರಕ್ತನಾಳಗಳಿವೆ. ಕತ್ತಿನ ಹಿಂಭಾಗದಲ್ಲಿರುವ ರಕ್ತನಾಳಗಳನ್ನ ಕಶೇರುಕ ಅಪಧಮನಿಗಳು ಎಂದು ಕರೆಯಲಾಗುತ್ತದೆ. ಪಾರ್ಲರ್‌ನಲ್ಲಿ ಕೂದಲು ತೊಳೆಯುವಾಗ ಒತ್ತಡದಿಂದ ಅವು ಹಾಳಾಗುತ್ತವೆ. ಇನ್ನು ಅಲ್ಲಿ ರಕ್ತ ಹೆಪ್ಪುಗಟ್ಟುತ್ತದೆ. ಆಗ ಮೆದುಳಿಗೆ ಪಾರ್ಶ್ವವಾಯು ಬರುತ್ತದೆ. ಅಪಧಮನಿಕಾಠಿಣ್ಯದ ಸಮಸ್ಯೆ ಇರುವವರು ಇಂತಹ ಪಾರ್ಶ್ವವಾಯುಗಳಿಂದ ಪ್ರಭಾವಿತರಾಗುತ್ತಾರೆ ಎಂದು ವೈದ್ಯರು ಹೇಳುತ್ತಾರೆ.
ವಿಶ್ವದ ಅತಿ ದೊಡ್ಡ ‘ದೇವಾಲಯ’ ಎಲ್ಲಿದೆ ಗೊತ್ತಾ? ದೇಗುಲದ ವಿಶೇಷತೆ ತಿಳಿದ್ರೆ, ನಿಜಕ್ಕೂ ಅಚ್ಚರಿ ಪಡ್ತೀರಾ.!
BREAKING NEWS : ಕಾಶ್ಮೀರದಲ್ಲಿ ಭಯೋತ್ಪಾದನಾ ನಿಗ್ರಹ ಕಾರ್ಯಾಚರಣೆ ; ನಾಲ್ವರು ಉಗ್ರರು ಉಡೀಸ್
