ಚೀನಾ : ವಾರದ ರಜಾದಿನಗಳಲ್ಲಿ ಹೊಸ ದೈನಂದಿನ ಕೋವಿಡ್ ಪ್ರಕರಣಗಳ ಸಂಖ್ಯೆ ಮೂರು ಪಟ್ಟು ಹೆಚ್ಚಾದ ಹಿನ್ನೆಲೆಯಲ್ಲಿ ಚೀನಾ ನಗರಗಳಲ್ಲಿ ಲಾಕ್ಡೌನ್ ಸೇರಿದಂತೆ ಪ್ರಯಾಣ ನಿರ್ಬಂಧಗಳನ್ನು ಹೇರುತ್ತಿದೆ.
ನಗರದಾದ್ಯಂತ ನಡೆಸಿದ ಕೋವಿಡ್ ಪರೀಕ್ಷೆ ನಡೆಸಿತ್ತು. ಈ ವೇಳೆ ಅನೇಕ ಪ್ಪಾನಿಟಿವ್ ಕೇಸ್ ಗಳು ಪತ್ತೆಯಾದ ಹಿನ್ನೆಲೆಯಲ್ಲಿ ಉತ್ತರ ಚೀನಾದ ಶಾಂಕ್ಸಿ ಪ್ರಾಂತ್ಯದ ಫೆನ್ಯಾಂಗ್ ನಗರದಲ್ಲಿ ಇಂದಿನಿಂದ ಲಾಕ್ಡೌನ್ ಹೇರಲಾಗಿದೆ ಎಂದು ರಾಜ್ಯ ಬ್ರಾಡ್‌ಕಾಸ್ಟರ್ ಸಿಸಿಟಿವಿ ವರದಿ ಮಾಡಿದೆ.
ಸಮೀಪದ ಇನ್ನರ್ ಮಂಗೋಲಿಯಾ ಪ್ರದೇಶದಲ್ಲಿ, ಮಂಗಳವಾರದಿಂದ(ನಾಳೆಯಿಂದ) ಹೊರಗಿನ ವಾಹನಗಳು ಮತ್ತು ಪ್ರಯಾಣಿಕರು ನಗರವನ್ನು ಪ್ರವೇಶಿಸುವುದನ್ನು ನಿಷೇಧಿಸಲಾಗಿದೆ ಎಂದು ರಾಜಧಾನಿ ಹೊಹೋಟ್ ಘೋಷಿಸಿತು. ಚೀನಾದಲ್ಲಿ ಸುಮಾರು 12 ದಿನಗಳಲ್ಲಿ 2,000 ಕ್ಕೂ ಹೆಚ್ಚು ಪ್ರಕರಣಗಳನ್ನು ದಾಖಲಾಗಿವೆ.
ರೋಗ ಹರಡುವುದನ್ನು ತಡೆಯಲು ಇನ್ನೂ ಕಠಿಣ ಕ್ರಮಗಳನ್ನು ಅನುಸರಿಸುತ್ತಿರುವ ವಿಶ್ವದ ಕೆಲವೇ ಸ್ಥಳಗಳಲ್ಲಿ ಚೀನಾ ಕೂಡ ಒಂದು. ದೀರ್ಘಾವಧಿಯ ಆಡಳಿತದಲ್ಲಿರುವ ಕಮ್ಯುನಿಸ್ಟ್ ಪಕ್ಷವು ಭಾನುವಾರ ಪ್ರಾರಂಭವಾಗುವ ಐದು ವರ್ಷಗಳಿಗೊಮ್ಮೆ ನಡೆಯುವ ಪಕ್ಷದ ಕಾಂಗ್ರೆಸ್‌ನ ಪೂರ್ವಭಾವಿಯಾಗಿ ರಾಷ್ಟ್ರದ ಸಕಾರಾತ್ಮಕ ಚಿತ್ರಣವನ್ನು ಪ್ರಸ್ತುತಪಡಿಸಲು ಪ್ರಯತ್ನಿಸುತ್ತಿದೆ.
ಜನರು ತಮ್ಮ ನಗರಗಳು ಮತ್ತು ಪ್ರಾಂತ್ಯಗಳನ್ನು ತೊರೆಯದಂತೆ ಅಧಿಕಾರಿಗಳು ನಿರುತ್ಸಾಹಗೊಳಿಸಿದ್ದರಿಂದ ಅಕ್ಟೋಬರ್ 1 ರಂದು ಪ್ರಾರಂಭವಾದ ವಾರ್ಷಿಕ ರಾಷ್ಟ್ರೀಯ ದಿನದ ರಜೆಯ ಸಮಯದಲ್ಲಿ ಪ್ರಯಾಣವು ಕಡಿಮೆಯಾಗಿತ್ತು. ಆದರೆ ಹೊಸ ದೈನಂದಿನ ಪ್ರಕರಣಗಳ ಸಂಖ್ಯೆಯು ವಿರಾಮದ ಆರಂಭದಲ್ಲಿ 600 ರಿಂದ 1,800 ಕ್ಕೆ ಏರಿದೆ.
ಏಕಾಏಕಿ ಚೀನಾ ದೇಶದಲ್ಲಿ ಪ್ರಕಣಗಳು ವರದಿಯಾಗಿದ್ದು, ಒಳ ಮಂಗೋಲಿಯಾ ಮತ್ತು ದೂರದ-ಪಶ್ಚಿಮ ಕ್ಸಿನ್‌ಜಿಯಾಂಗ್ ಪ್ರದೇಶದಲ್ಲಿ ಹೆಚ್ಚು ಪ್ರಕರಣಗಳು ಪತ್ತೆಯಾಗಿವೆ. ಇಲ್ಲಿ ದಿನಕ್ಕೆ ನೂರಾರು ಹೊಸ ಕೇಸ್ ಗಳು ವರದಿಯಾಗುತ್ತಿವೆ.
ಈ ವರ್ಷದ ಆರಂಭದಲ್ಲಿ ಶಾಂಘೈ ಮತ್ತು ರಾಜಧಾನಿ ಬೀಜಿಂಗ್ ನಲ್ಲಿ ದೀರ್ಘಕಾಲದ ಲಾಕ್ಡೌನ್ ಹೇರಲಾಗಿತ್ತು. ಈ ಎರಡು ಪ್ರಾಂತ್ಯದಲ್ಲಿ ಕೋವಿಡ್ ಕೇಸ್ ಗಳು ಹೆಚ್ಚಿವೆ. ಶಾಂಘೈ ಜಿಲ್ಲೆಗಳು ಸೋಮವಾರ ಚಿತ್ರಮಂದಿರಗಳು ಮತ್ತು ಇತರ ಮನರಂಜನಾ ಸ್ಥಳಗಳನ್ನು ಮುಚ್ಚುವುದಾಗಿ ಘೋಷಿಸಿವೆ.
ವಾರದಲ್ಲಿ ಹಲವಾರು ಬಾರಿ ಉಚಿತ ವೈರಸ್ ಪರೀಕ್ಷೆಗಾಗಿ ಸಾಲುಗಟ್ಟಿ ನಿಲ್ಲುವುದು ಅನೇಕ ಚೀನಿಯರಿಗೆ ರೂಢಿಯಾಗಿದೆ. ಬೀಜಿಂಗ್ ಮತ್ತು ಇತರ ನಗರಗಳು ಉದ್ಯಾನವನಗಳು, ಕಚೇರಿ ಕಟ್ಟಡಗಳು, ಅಂಗಡಿಗಳು ಮತ್ತು ಇತರ ಸಾರ್ವಜನಿಕ ಸ್ಥಳಗಳನ್ನು ಪ್ರವೇಶಿಸಲು 72 ಗಂಟೆಗಳ ಒಳಗೆ ನೆಗೆಟಿವ್ ಪರೀಕ್ಷಾ ವರದಿ ಕಡ್ಡಾಯಗೊಳಿಸಲಾಗಿದೆ.
BREAKING NEWS ; ಅ.17ರವರೆಗೆ ಶಿವಸೇನಾ ನಾಯಕ ‘ಸಂಜಯ್ ರಾವತ್’ ನ್ಯಾಯಾಂಗ ಬಂಧನ ವಿಸ್ತರಿಸಿದ ಕೋರ್ಟ್
