ಕೆಎನ್‍ಎನ್‍ಡಿಜಿಟಲ್ ಡೆಸ್ಕ್ : ಇತ್ತೀಚಿನ ದಿನಗಳಲ್ಲಿ ತಂತ್ರಜ್ಞಾನವು ಅಭಿವೃದ್ಧಿ ಹೊಂದುತ್ತಿರುವಂತೆಯೇ ದುರ್ಬಳಕೆಯಾಗುತ್ತಿದೆ. ಇದನ್ನು ಬಳಸಿಕೊಂಡು ಆಹಾರ ಧಾನ್ಯಗಳಲ್ಲಿ ಕಲಬೆರಕೆ ಪ್ರಮಾಣವೂ ಹೆಚ್ಚಿದೆ. ಇದರಿಂದ ಭಾರತದ ಬಾಸ್ಮತಿ ಅಕ್ಕಿಯೂ ಬಿಟ್ಟಿಲ್ಲ. ದೇಶದಲ್ಲಿ ಮತ್ತು ವಿಶ್ವದಲ್ಲಿ ಭಾರತೀಯ ಬಾಸ್ಮತಿ ಅಕ್ಕಿಯ ಬಳಕೆ ಹೆಚ್ಚುತ್ತಿದೆ. ಇದನ್ನ ಪೂರೈಸಲು ಅನೇಕರು ನಕಲಿ ಪ್ಲಾಸ್ಟಿಕ್ ಅಕ್ಕಿಯನ್ನ ಮಾರಾಟ ಮಾಡುತ್ತಿದ್ದಾರೆ. ಈ ಪ್ಲಾಸ್ಟಿಕ್ ಅಕ್ಕಿಯನ್ನ ಕೈಯಲ್ಲಿ ಹಿಡಿದರೆ ನಿಜವಾದ ಬಾಸ್ಮತಿ ಅಕ್ಕಿಯಂತೆ ಕಾಣುತ್ತದೆ. ಅದೇ ಬಣ್ಣ, ಬಹುತೇಕ ಅದೇ ಪರಿಮಳ ಮತ್ತು ರುಚಿ. ಆದ್ರೆ, ಈ ಅನ್ನವನ್ನು ತಿನ್ನುವುದರಿಂದ ಅನೇಕ ರೋಗಗಳು ಬರುತ್ತವೆ.
ಅಂದ್ಹಾಗೆ, ಈ ಪ್ಲಾಸ್ಟಿಕ್ ಅಕ್ಕಿಯನ್ನು ಕಲಬೆರಕೆ ಮಾಡಿ ಮಾರಾಟ ಮಾಡುತ್ತಿರುವುದು ನಿಜಕ್ಕೂ ಕಳವಳಕಾರಿ. ಈ ವಂಚನೆಯನ್ನ ತಪ್ಪಿಸಲು, ಅಕ್ಕಿಯನ್ನ ಗುರುತಿಸುವುದು ಬಹಳ ಮುಖ್ಯ. ಅದ್ಹೇಗೆ ಅನ್ನೋದನ್ನ ನಾವು ಇಂದು ನಿಮಗೆ ತಿಳಿಸಲಿದ್ದೇವೆ. ಅದ್ರಂತೆ, ಅಕ್ಕಿಯ ಕಾಳುಗಳನ್ನ ಹಿಡಿದಿಟ್ಟುಕೊಂಡ ಮಾತ್ರಕ್ಕೆ ಅದು ನಿಜ ಅಕ್ಕಿಯೋ? ನಕಲಿಯೋ? ಎಂದು ಹೇಳಲು ಸಾಧ್ಯವಿಲ್ಲ. ಅದಕ್ಕಾಗಿ ಬಾಸುಮತಿ ಅಕ್ಕಿ ಮತ್ತು ಪ್ಲಾಸ್ಟಿಕ್ ಅಕ್ಕಿಯ ಬಗ್ಗೆ ನೈಜ ಜ್ಞಾನ ಹೊಂದಬೇಕು. ಮನೆಯಲ್ಲಿ ಕೆಲವು ಸರಳ ವಿಧಾನಗಳನ್ನ ಮಾಡುವ ಮೂಲಕ ನೀವು ಅದರ ಸತ್ಯಾಸತ್ಯತೆಯನ್ನ ಪರಿಶೀಲಿಸಬಹುದು.
ಬಾಸ್ಮತಿ ರೈಸ್.!
ಬಾಸ್ಮತಿ ರೈಸ್’ಗೆ ಪ್ರಪಂಚದಾದ್ಯಂತ ಭಾರಿ ಬೇಡಿಕೆಯಿದೆ. ಈ ಅಕ್ಕಿಯ ಪೇಟೆಂಟ್’ನ್ನ ಭಾರತ ಪಡೆದುಕೊಂಡಿದೆ. ಭಾರತೀಯ ಬಾಸ್ಮತಿ ಅಕ್ಕಿಗೆ ಯುರೋಪಿಯನ್ ಮಾರುಕಟ್ಟೆಯಲ್ಲೂ ಭಾರಿ ಬೇಡಿಕೆಯಿದೆ. ಬಾಸ್ಮತಿ ಅಕ್ಕಿಯನ್ನ ಭಾರತ, ಪಾಕಿಸ್ತಾನ ಮತ್ತು ನೇಪಾಳದಲ್ಲಿ ಬೆಳೆಯಲಾಗುತ್ತದೆ. ಇದರ ದೊಡ್ಡ ವೈಶಿಷ್ಟ್ಯವೆಂದರೆ ಈ ಅಕ್ಕಿ ಬೇಯಿಸಿದ ನಂತರವೂ ಅಂಟಿಕೊಳ್ಳುವುದಿಲ್ಲ.
ಪ್ಲಾಸ್ಟಿಕ್ ಅಕ್ಕಿ.!
ಬಾಸುಮತಿ ಅಕ್ಕಿಯ ಜಾಗತಿಕ ಬೇಡಿಕೆಯನ್ನ ಪೂರೈಸಲು ವಂಚಕರು ಪ್ಲಾಸ್ಟಿಕ್ ಅಕ್ಕಿಯನ್ನ ಉತ್ಪಾದಿಸುತ್ತಿದ್ದಾರೆ. ಈ ಅಕ್ಕಿಯನ್ನ ಆಲೂಗಡ್ಡೆ, ಟರ್ನಿಪ್, ಪ್ಲಾಸ್ಟಿಕ್ ಮತ್ತು ರಾಳದಿಂದ ತಯಾರಿಸಲಾಗುತ್ತದೆ, ಇದು ಜೀರ್ಣಿಸಿಕೊಳ್ಳಲು ತುಂಬಾ ಕಷ್ಟ. ಈ ಅಕ್ಕಿ ಆರೋಗ್ಯಕ್ಕೆ ತುಂಬಾ ಹಾನಿಕಾರಕ. ಒಂದಿಷ್ಟು ಕಾಳಜಿ ವಹಿಸಿದರೆ ಪ್ಲಾಸ್ಟಿಕ್ ಅಕ್ಕಿ ಖರೀದಿಸುವುದನ್ನ ತಪ್ಪಿಸಬಹುದು.
ಸುಣ್ಣದಿಂದ ಗುರುತಿಸಿ.!
ನೀವು ಅಕ್ಕಿಯನ್ನು ನಿಮ್ಮ ಕೈಯಿಂದ ನೋಡಬೇಕು, ಆದರೆ ನಕಲಿ ಅಕ್ಕಿ ಮತ್ತು ನಿಜವಾದ ಅಕ್ಕಿಯ ನಡುವಿನ ವ್ಯತ್ಯಾಸವನ್ನು ನೀವು ಹೇಳಲಾಗುವುದಿಲ್ಲ, ಏಕೆಂದರೆ ಎರಡೂ ಅಕ್ಕಿಗಳು ಒಂದೇ ರೀತಿ ಕಾಣುತ್ತವೆ.
* ಈ ಮೋಸವನ್ನ ತಪ್ಪಿಸಲು, ಅಕ್ಕಿಯ ಕೆಲವು ಮಾದರಿಗಳನ್ನ ತೆಗೆದುಕೊಂಡು ಅವುಗಳನ್ನ ಬಟ್ಟಲಿನಲ್ಲಿ ಇರಿಸಿ.
* ಅದರ ನಂತರ ಸುಣ್ಣ ಮತ್ತು ನೀರನ್ನ ಬೆರೆಸಿ ದ್ರಾವಣ ತಯಾರಿಸಿ.
* ಈಗ ಈ ದ್ರಾವಣದಲ್ಲಿ ಅಕ್ಕಿಯನ್ನ ನೆನೆಸಿ ಸ್ವಲ್ಪ ಸಮಯ ಬಿಡಿ.
* ಸ್ವಲ್ಪ ಸಮಯದ ನಂತರ ಅಕ್ಕಿಯ ಬಣ್ಣ ಬದಲಾದರೆ ಅಥವಾ ಅದರ ಬಣ್ಣವನ್ನ ಕಳೆದುಕೊಂಡರೆ, ಅದು ಅಕ್ಕಿ ನಕಲಿ ಎಂದು ಅರ್ಥಮಾಡಿಕೊಳ್ಳಿ.
ಪ್ಲಾಸ್ಟಿಕ್ ಅಕ್ಕಿ ಮತ್ತು ಅಪ್ಪಟ ಬಾಸ್ಮತಿ ಅಕ್ಕಿಯನ್ನು ಪ್ರತ್ಯೇಕಿಸುವುದು ತುಂಬಾ ಸುಲಭ
* ಒಂದು ಲೋಟ ನೀರಿನಲ್ಲಿ ಒಂದು ಚಮಚ ಅಕ್ಕಿ ಹಾಕಿ. ಅಕ್ಕಿ ನೀರಿನ ಮೇಲೆ ತೇಲುತ್ತಿದ್ದರೆ, ಅದು ನಕಲಿ ಅಕ್ಕಿ ಎಂದು ಅರ್ಥಮಾಡಿಕೊಳ್ಳಿ, ಏಕೆಂದರೆ ನಿಜವಾದ ಅಕ್ಕಿ ಅಥವಾ ಧಾನ್ಯವನ್ನು ನೀರಿನಲ್ಲಿ ಹಾಕಿದ ತಕ್ಷಣ ಮುಳುಗುತ್ತದೆ.
* ಒಂದು ಚಮಚದಲ್ಲಿ ಸ್ವಲ್ಪ ಅಕ್ಕಿ ತೆಗೆದುಕೊಂಡು ಅದನ್ನ ಸುಟ್ಟುಹಾಕಿ. ಅಕ್ಕಿ ಉರಿಯುವಾಗ ಪ್ಲಾಸ್ಟಿಕ್ ಸುಟ್ಟ ವಾಸನೆ ಬರುತ್ತಿದ್ದರೆ ಅಕ್ಕಿ ನಕಲಿ ಎಂದು ತಿಳಿಯಿರಿ.
* ಕಾದ ಎಣ್ಣೆಯಲ್ಲಿ ಹಾಕಿದರೂ ನಕಲಿ ಅಕ್ಕಿಯನ್ನು ಗುರುತಿಸಬಹುದು. ಇದಕ್ಕಾಗಿ ಕೆಲವು ಅಕ್ಕಿ ಕಾಳುಗಳನ್ನ ತುಂಬಾ ಬಿಸಿ ಎಣ್ಣೆಯಲ್ಲಿ ಹಾಕಿ. ಇದಾದ ನಂತರ ಅಕ್ಕಿಯ ಆಕಾರ ಬದಲಾದರೆ ಜಾಗರೂಕರಾಗಿರಿ.
