ನವದೆಹಲಿ : ಮಲೇರಿಯಾದಿಂದ ಸಾವನ್ನ ಸೋಲಿಸಲು ಜಗತ್ತು ಮತ್ತೊಮ್ಮೆ ಸಿದ್ಧವಾಗಿದೆ. ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯವು ಸಿದ್ಧಪಡಿಸಿದ ಹೊಸ ಮಲೇರಿಯಾ ಲಸಿಕೆ ಅತ್ಯಂತ ಪರಿಣಾಮಕಾರಿ ಲಸಿಕೆ ಎಂದು ಪರಿಗಣಿಸಲಾಗಿದೆ. ಮುಂದಿನ ವರ್ಷದ ವೇಳೆಗೆ ಈ ಲಸಿಕೆ ಮಾರುಕಟ್ಟೆಗೆ ಬರಲಿದೆ ಎಂದು ಹೇಳಲಾಗುತ್ತಿದೆ. ಪ್ರಯೋಗಗಳ ನಂತ್ರ ರೋಗಿಯು ತೀವ್ರವಾದ ಮಲೇರಿಯಾದಿಂದ 80 ಪ್ರತಿಶತದಷ್ಟು ರಕ್ಷಣೆಯನ್ನ ಪಡೆಯುತ್ತಾನೆ. ಇನ್ನಿದರ ಬೆಲೆ ಕಡಿಮೆ ಎನ್ನಲಾಗ್ತಿದ್ದು, ಪ್ರತಿ ವರ್ಷ 100 ಮಿಲಿಯನ್ ಡೋಸ್‌ಗಳನ್ನ ತಯಾರಿಸಲು ಒಪ್ಪಂದ ಮಾಡಲಾಗಿದೆ.
ಈಗಾಗಲೇ ಲಸಿಕೆ ತಯಾರಿಸಲಾಗಿದೆ.!
ಇಲ್ಲಿಯವರೆಗೆ, ಆಫ್ರಿಕಾದಲ್ಲಿ ಮಲೇರಿಯಾಕ್ಕೆ ಒಂದೇ ಒಂದು ಲಸಿಕೆಯನ್ನ ಅಭಿವೃದ್ಧಿಪಡಿಸಲಾಗಿದೆ. ಆದರೂ ಇದು ಯಾವುದೇ ಲಸಿಕೆಗಿಂತ ಉತ್ತಮವಾಗಿದೆ, ಆದ್ರೆ ಇದು ರೋಗದ ವಿರುದ್ಧ 40 ಪ್ರತಿಶತದಷ್ಟು ರಕ್ಷಣೆ ನೀಡುವ ಸಾಮರ್ಥ್ಯವನ್ನ ಹೊಂದಿದೆ. ಈ ಲಸಿಕೆಯನ್ನು ಜಿಎಸ್‌ಕೆ ತಯಾರಿಸಿದ್ದು, ಇದನ್ನ ಕಳೆದ ವರ್ಷವಷ್ಟೇ ಜನರಿಗೆ ನೀಡಲು ಪ್ರಾರಂಭಿಸಲಾಗಿದೆ.
ಈಗ ಜೀವ ಉಳಿಸಬಹುದು.!
ಈ ಲಸಿಕೆ ಮಲೇರಿಯಾದಿಂದ ಮಕ್ಕಳನ್ನ ಸಾವಿನಿಂದ ರಕ್ಷಿಸುತ್ತದೆ ಎಂದು ಮಲೇರಿಯಾ ನೋ ಮೋರ್ ಚಾರಿಟಿ ಈಗಾಗಲೇ ಹೇಳಿದೆ. ಇದರೊಂದಿಗೆ ಮಲೇರಿಯಾವನ್ನ ಪ್ರಪಂಚದಿಂದ ಸಂಪೂರ್ಣವಾಗಿ ನಿರ್ಮೂಲನೆ ಮಾಡಬಹುದು ಎಂದು ಭಾವಿಸಬಹುದು. ಆದಾಗ್ಯೂ, ಮಲೇರಿಯಾಕ್ಕೆ ಈ ಶಕ್ತಿಯುತ ಲಸಿಕೆಯನ್ನು ತಯಾರಿಸಲು ಒಂದು ಶತಮಾನಕ್ಕೂ ಹೆಚ್ಚು ಸಮಯ ತೆಗೆದುಕೊಂಡಿದೆ. ಸೊಳ್ಳೆಗಳಿಂದ ಹರಡುವ ಈ ರೋಗವನ್ನು ಅತ್ಯಂತ ಅಪಾಯಕಾರಿ ಎಂದು ಪರಿಗಣಿಸಲಾಗಿದೆ. ಈ ರೋಗವು ದೇಹದೊಳಗೆ ಹಲವು ರೂಪಗಳನ್ನ ತೆಗೆದುಕೊಳ್ಳುತ್ತದೆ ಮತ್ತು ಈ ಕಾರಣದಿಂದಾಗಿ ಅದನ್ನ ತಪ್ಪಿಸಲು ಅಸಾಧ್ಯವೆಂದು ಪರಿಗಣಿಸಲಾಗಿದೆ.
ಸೀರಮ್ ಇನ್ಸ್ಟಿಟ್ಯೂಟ್ ಒಪ್ಪಂದ ಮಾಡಿಕೊಂಡಿದೆ.!
ವಿಶ್ವವಿದ್ಯಾನಿಲಯದ ಜೆನ್ನರ್ ಇನ್‌ಸ್ಟಿಟ್ಯೂಟ್‌ನ ನಿರ್ದೇಶಕ ಪ್ರೊಫೆಸರ್ ಆಡ್ರಿಯನ್ ಹಿಲ್, ಈ ಅಂಕಿಅಂಶಗಳು ಯಾವುದೇ ಮಲೇರಿಯಾ ಲಸಿಕೆಗೆ ಸಂಬಂಧಿಸಿದ ಡೇಟಾದಲ್ಲಿ ಅತ್ಯುತ್ತಮವೆಂದು ಪರಿಗಣಿಸಲಾಗಿದೆ ಎಂದು ಹೇಳುತ್ತಾರೆ. ತಂಡದಿಂದ ಲಸಿಕೆಗೆ ಅನುಮೋದನೆ ಪಡೆಯುವ ಕೆಲಸ ಕೆಲವೇ ದಿನಗಳಲ್ಲಿ ಪ್ರಾರಂಭವಾಗಲಿದೆ. ಆದ್ರೆ, ಈ ವರ್ಷದ ಕೊನೆಯಲ್ಲಿ 4800 ಮಕ್ಕಳ ಮೇಲೆ ಪ್ರಯೋಗ ಮಾಡಿದ ನಂತರವೇ ಅಂತಿಮ ನಿರ್ಧಾರ ತೆಗೆದುಕೊಳ್ಳಲಾಗುವುದು. ವಿಶ್ವದ ಅತಿದೊಡ್ಡ ಔಷಧೀಯ ಕಂಪನಿಯಾದ ಸೀರಮ್ ಇನ್ಸ್ಟಿಟ್ಯೂಟ್, ಅದರ 100 ಮಿಲಿಯನ್ ಡೋಸ್‌ಗಳನ್ನು ತಯಾರಿಸಲು ಈಗಾಗಲೇ ಒಪ್ಪಂದ ಮಾಡಿಕೊಂಡಿದೆ.
ಲಸಿಕೆ ಹೆಸರು.!
ಲಸಿಕೆಗೆ R21 ಎಂದು ಹೆಸರಿಸಲಾಗಿದೆ ಮತ್ತು ಅದನ್ನ ಕೆಲವೇ ಡಾಲರ್‌ಗಳಲ್ಲಿ ತಯಾರಿಸಬಹುದು ಎಂದು ಪ್ರೊಫೆಸರ್ ಹಿಲ್ ಹೇಳಿದರು. ಜನರ ಜೀವ ಉಳಿಸುವ ಉದ್ದೇಶದಿಂದ ಈ ಲಸಿಕೆಯನ್ನ ಅಭಿವೃದ್ಧಿಪಡಿಸಿ ಎಲ್ಲರಿಗೂ ಲಭ್ಯವಾಗುವಂತೆ ಮಾಡಲಾಗುವುದು ಎಂದು ಭರವಸೆ ವ್ಯಕ್ತಪಡಿಸಿದರು. ಮಲೇರಿಯಾವನ್ನ ವಿಶ್ವದ ಅತ್ಯಂತ ಅಪಾಯಕಾರಿ ಕಾಯಿಲೆ ಎಂದು ಹೇಳಲಾಗುತ್ತದೆ. ಈ ಕಾಯಿಲೆಯಿಂದ ನವಜಾತ ಶಿಶುಗಳ ಸಾವಿನ ಸಂಖ್ಯೆ ಹೆಚ್ಚು. ಈ ರೋಗದಿಂದಾಗಿ, ಪ್ರಪಂಚದಾದ್ಯಂತ ಪ್ರತಿ ವರ್ಷ ಸುಮಾರು 400,000 ಜನರು ಸಾಯುತ್ತಾರೆ.
