ಬೆಂಗಳೂರು: ಸಿಲಿಕಾನ್‌ ಸಿಟಿ, ಐಟಿಸಿಟಿ, ಮೆಟ್ರೋ ಸಿಟಿ ಎಂದು ಪ್ರಸಿದ್ಧಿ ಪಡೆದ ಬೆಂಗಳೂರು ಇದೀಗ ಶೇ.35ರಷ್ಟು ಕೆರೆಗಳು ʻಜಲಚರಗಳ ವಾಸಕ್ಕೂ ಯೋಗ್ಯವಿಲ್ಲʼ ಎಂದು ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ (ಕೆಎಸ್‌ಪಿಸಿಬಿ ) ಮಾಹಿತಿ ಬಹಿರಂಗ ಪಡಿಸಿದೆ.
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
ನಗರದ 36 ಕೆರೆಗಳು ನೀರನ್ನು ನೀರಾವರಿ, ಕೈಗಾರಿಕೆಗಳಲ್ಲಿ ಕೂಲಿಂಗ್‌ ನಿಯಂತ್ರಣಕ್ಕೆ ಮಾತ್ರ ಬಳಸಬಹುದು ಎಂದು ಸಲಹೆ ಮಾಡಿದೆ.
ಜಲಚರಗಳ ವಾಸಕ್ಕೆ ಯೋಗ್ಯವಲ್ಲದ ಕೆರೆಗಳು ಯಾವುದು ಗೊತ್ತಾ?
ಕೆಂಗೇರಿ ಕೆರೆ
ಮಾಚೋಹಳ್ಳಿ ಕೆರೆ
ಕಾಚೋಹಳ್ಳಿ ಕೆರೆ
ಆಂದ್ರಹಳ್ಳಿ ಕೆರೆ
ಹೇರೋಹಳ್ಳಿ ಕೆರೆ
ಹಲಸೂರು ಕೆರೆ
ಸಾರಕ್ಕಿ ಕೆರೆ
ಯಡಿಯೂರು ಕೆರೆ
ಲಾಲ್‌ಬಾಗ್‌ ಕೆರೆ
ಚಂದಾಪುರ ಕೆರೆ
ರಾಯಸಂದ್ರ ಕೆರೆ
ಕಮ್ಮಸಂದ್ರ ಕೆರೆ
ಎಲೆಮಲ್ಲಪ್ಪ ಕೆರೆ
ಉಳ್ಳಾಲ ಕೆರೆ
ಕೆಎಸ್‌ಪಿಸಿಬಿ ಕರ್ನಾಟಕದಲ್ಲಿ 278 ಕೆರೆಗಳನ್ನು ಮೇಲ್ವಿಚಾರಣೆ ಮಾಡುತ್ತದೆ. ಅವುಗಳಲ್ಲಿ 106 ಕೆರೆಗಳು ಬೆಂಗಳೂರಿನಲ್ಲಿವೆ. ಪ್ರತಿ ತಿಂಗಳು ರಾಜಧಾನಿಯ ಎಲ್ಲ ಕೆರೆಗಳ ನೀರಿನ ಗುಣಮಟ್ಟ ಪರಿಶೀಲಿಸಲಾಗುತ್ತದೆ.
ಮಾಹಿತಿಯ ಪ್ರಕಾರ, ನಗರದ ಶೇ.35ರಷ್ಟು ಕೆರೆಗಳ ಗುಣಮಟ್ಟವು ಮೀನುಗಳಿಗೆ ಅಪಾಯಕಾರಿಯಾಗಿದೆ. 2017ರಿಂದ 2022ರ ನಡುವೆ ಬೆಂಗಳೂರಿನಲ್ಲಿ ಒಟ್ಟು 32 ಮೀನುಗಳ ಸಾವಿನ ಘಟನೆಗಳು ವರದಿಯಾಗಿವೆ. ಇದು ಪರಿಸರ ಪ್ರೇಮಿಗಳಲ್ಲಿ ಆತಂಕ ಮೂಡಿಸಿದೆ.
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
ಕೆಎಸ್‌ಪಿಸಿಬಿ ಅಂಕಿ- ಅಂಶಗಳ ಪ್ರಕಾರ
ಈ ವರ್ಷದ ಏಪ್ರಿಲ್‌ನಲ್ಲಿ 33 ಕೆರೆಗಳು ‘ಇ -ಕೆಟಗರಿ’ಯಲ್ಲಿದ್ದು, ಮೀನು ಸೇರಿ ಇತರೆ ಜಚಲರಗಳ ವಾಸಕ್ಕೆ ಪೂರಕವಾಗಿರಲಿಲ್ಲ. ಜೂನ್‌ನಲ್ಲಿ ಈ ಸಂಖ್ಯೆ 37ಕ್ಕೆ ಏರಿಕೆಯಾಗಿದ್ದರೆ, ಜುಲೈನಲ್ಲಿ 36 ಕ್ಕೆ ಕುಸಿದಿದೆ. ಉಳಿದ ಜಲಮೂಲಗಳು ‘ಡಿ’ ವರ್ಗದಲ್ಲಿವೆ. ಇವುಗಳನ್ನು ಜೀವವೈವಿಧ್ಯ ಸಂರಕ್ಷಣೆಗೆ ಮತ್ತು ಮೀನುಗಾರಿಕೆಗೆ ಬಳಸಿಕೊಳ್ಳಬಹುದು.
ಕರ್ನಾಟಕ ರಾಜ್ಯ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯು ಕೆರೆಗಳ ನೀರನ್ನು ನಿಯಮಿತವಾಗಿ ಪರೀಕ್ಷೆಗೆ ಒಳಪಡಿಸುತ್ತದೆ. ಅದರ ಫಲಿತಾಂಶದ ಆಧಾರದಲ್ಲಿ’ಎ’ ವರ್ಗದ ಕೆರೆ ನೀರನ್ನು ಸಂಸ್ಕರಣೆಗೊಳಪಡಿಸದೆಯೇ ಕುಡಿಯಬಹುದು. ಬಿವರ್ಗದ ಕೆರೆಗಳ ನೀರನ್ನು ಸ್ನಾನಕ್ಕೆ ಬಳಸಬಹುದು. ‘ಸಿ’ ವರ್ಗದ ಕೆರೆಗಳ ನೀರನ್ನು ಸಂಸ್ಕರಣೆಗೊಳಪಡಿಸಿ ಕುಡಿಯಬಹುದು ಮತ್ತು ‘ಡಿ’ ವರ್ಗದ ನೀರನ್ನು ಜೀವಿವೈವಿಧ್ಯ, ಮೀನುಗಾರಿಕೆಗೆ ಬಳಸಬಹುದು. ‘ಇ’ ವರ್ಗದ ನೀರನ್ನು ನೀರಾವರಿ, ಕೈಗಾರಿಕೆಗಳಲ್ಲಿ ಕೂಲಿಂಗ್‌ ನಿಯಂತ್ರಣಕ್ಕೆ ಮಾತ್ರ ಬಳಸಬಹುದು ಎಂದು ವರ್ಗೀಕರಿಸಲಾಗಿದೆ.
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
ನಗರದ ಪ್ರಸಿದ್ಧ ಕೆರೆಗಳಾದ ಸಾರಕ್ಕಿ, ಹಲಸೂರು, ಎಲೆಮಲ್ಲಪ್ಪ, ಲಾಲ್‌ಬಾಗ್‌ ಮತ್ತು ಹೇರೋಹಳ್ಳಿ ಕೆರೆಗಳು ಮೂರು ತಿಂಗಳಿಂದ ನಿರಂತರವಾಗಿ ವರ್ಗ ‘ಇ ‘ಯಲ್ಲಿವೆ. ಇವುಗಳ ಜತೆ ಕಳೆದ ಮೂರು ತಿಂಗಳ ಅವಧಿಯಲ್ಲಿ ಮೂವತ್ತೆರಡು ಕೆರೆಗಳು ‘ಇ’ ವರ್ಗದಲ್ಲಿ ಕಾಣಿಸಿಕೊಂಡಿವೆ.
ಕೆರೆಗೆ ಮಾಲಿನ್ಯಕಾರಕ ಆಗದಂತೆ ಎಚ್ಚರ :
ಕೆರೆಗಳಲ್ಲಿ ಮೀನುಗಳ ಸಾವು ಹಾಗೂ ಕೆರೆಯ ನೀರಿನ ಗುಣಮಟ್ಟದ ಬಗ್ಗೆ ಕಾಳಜಿ ವಹಿಸುತ್ತಿರುವ ಕೆರೆ ರಕ್ಷಣೆಯ ಕಾರ್ಯಕರ್ತ ರಾಘವೇಂದ್ರ ಪಚ್ಚಾಪುರ ಮಾತನಾಡಿ ” ಬಿಬಿಎಂಪಿ ಆದ್ಯತೆಯ ಮೇಲೆ ಈ ಕೆರೆಗಳಿಗೆ ಭೇಟಿ ನೀಡಬೇಕು ಮತ್ತು ಈ ಜಲಮೂಲಗಳಿಗೆ ಯಾವುದೇ ನೇರ ಮಾಲಿನ್ಯಕಾರಕ ಸೇರದಂತೆ ಎಚ್ಚರಿಕೆ ವಹಿಸಬೇಕು. ಒಂದು ವೇಳೆ ಅಂತಹ ನೀರು ಹರಿಯುತ್ತಿದ್ದರೆ ತಕ್ಷಣವೇ ಅದನ್ನು ತಡೆಯಬೇಕು” ಎನ್ನುತ್ತಾರೆ.
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
”ರಾಜಕಾಲುವೆಗಳಲ್ಲಿ ಕೆರೆಗೆ ಹರಿದು ಬರುವ ಕೊಳಚೆ ನೀರು ಹೂಳು, ಮಾಲಿನ್ಯಕಾರಕಗಳನ್ನು ಮತ್ತು ಪೋಷಕಾಂಶಗಳನ್ನು ಜಲಮೂಲಗಳಿಗೆ ತಂದು ಸೇರಿಸುತ್ತಿದೆ. ಇದು ನೀರಿನ ಗುಣಮಟ್ಟವನ್ನು ಹದಗೆಡಿಸುತ್ತದೆ. ಅಸಹಜ ಪ್ರಮಾಣದಲ್ಲಿ ಕೆರೆ ಸೇರುವ ಸಾವಯವ ಪೋಷಕಾಂಶಗಳು ಕೆರೆಯಲ್ಲಿ ಕಳೆ ಸಸ್ಯ ಬೆಳೆಯುವುದಕ್ಕೆ ಕಾರಣವಾಗುತ್ತಿವೆ. ಕೆರೆಯ ಪರಿಸರ ವ್ಯವಸ್ಥೆ ಹದಗೆಡುವಂತೆ ಮಾಡುತ್ತಿವೆ” ಎಂದು ಹೇಳಿದರು.
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
ಗಳಲ್ಲಿ ನೀರು ಕಲುಷಿತವಾಗುತ್ತಿರುವುದಕ್ಕೆ ಕಾರಣ ಗುರುತಿಸಲು ಕೆಎಸ್‌ಪಿಸಿಬಿ ಮತ್ತು ಬಿಬಿಎಂಪಿ ಒಟ್ಟಾಗಿ ಕೆಲಸ ಮಾಡಬೇಕಾಗಿದೆ. ಇಲ್ಲವಾದಲ್ಲಿ ಕಾರ್ಯಕರ್ತರು ಕಾನೂನು ಕ್ರಮ ಕೈಗೊಳ್ಳದೆ ಬೇರೆ ದಾರಿಯಿಲ್ಲ.
ರಾಮಪ್ರಸಾದ್‌ ವಿ., ಕೆರೆ ಸಂರಕ್ಷಣೆ ಹೋರಾಟಗಾರ
ಕಸ ವಿಲೇವಾರಿ:
ಕಸ ವಿಲೇವಾರಿ ಅವ್ಯವಸ್ಥೆ ಕೆರೆಗಳು ಕಲುಷಿತವಾಗಲು ಪ್ರಮುಖ ಕಾರಣವಾಗುತ್ತಿದೆ. ಕೆರೆಗಳು ಡಂಪಿಂಗ್‌ ಯಾರ್ಡ್‌ಗಳಂತೆ ಬಳಕೆಯಾಗುತ್ತಿವೆ. ಮನೆ ಕಸ, ಹೋಟೆಲ್‌ಗಳು ಮತ್ತು ರೆಸ್ಟೋರೆಂಟ್‌ಗಳ ಆಹಾರ ತ್ಯಾಜ್ಯ ಜತೆಗೆ ಪ್ರಾಣಿಗಳ ತ್ಯಾಜ್ಯ, ಕೈಗಾರಿಕೆಗಳ ಕಸವನ್ನೂ ಗುಟ್ಟಾಗಿ ತಂದು ಕೆರೆ ಒಡಲಿಗೆ ಸುರಿಯಲಾಗುತ್ತಿದೆ.
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
BREAKING NEWS : ಭಾರತ-ಪಾಕ್ ಗಡಿಯಲ್ಲಿ ಭಾರೀ ಪ್ರಮಾಣದ ‘ಶಸ್ತ್ರಾಸ್ತ್ರ’ ಪತ್ತೆ, ವಶಕ್ಕೆ ಪಡೆದ BSF
