ನವದೆಹಲಿ: ಕಾಮನ್ ವೆಲ್ತ್ ಗೇಮ್ಸ್ ನಲ್ಲಿ ಭಾರತದ ಪದಕಗಳ ಭೇಟೆ ಮುಂದುವರೆದಿದೆ. ಇಂದು 60 ಕೆಜಿ ಪುರುಷರ ಜುಡೋ ಸ್ಪರ್ಧೆಯಲ್ಲಿ ಭಾರತದ ವಿಜಯ್ ಕುಮಾರ್ ಯಾದವ್ ಅವರು ಕಂಚಿನ ಪದಕ ಗೆದ್ದಿದ್ದಾರೆ.
ಪುರುಷರ 60 ಕೆಜಿ ಜೂಡೋ ಕಂಚಿನ ಪದಕದ ಪಂದ್ಯದಲ್ಲಿ ವಿಜಯ್ ಕುಮಾರ್ ಯಾದವ್ ಸೈಪ್ರಸ್ನ ಪೆಟ್ರೋಸ್ ಕ್ರಿಟೊಡೌಲಿಡೆಸ್ ಅವರನ್ನು ಸೋಲಿಸಿದರು. ಬೌಟ್ ಮಿಂಚಿನಂತೆ ಕೊನೆಗೊಂಡಿತು. ಈ ಮೂಲಕ ಭಾರತಕ್ಕೆ ಕಂಚಿನ ಪದಕವನ್ನು ವಿಜಯ್ ಕುಮಾರ್ ಯಾದವ್ ತಂದುಕೊಟ್ಟಿದ್ದಾರೆ.
