ನವದೆಹಲಿ: ಹವಾಮಾನ ಬದಲಾವಣೆಯು ನಾವು ಯೋಚಿಸುವುದಕ್ಕಿಂತ ಹೆಚ್ಚಿನ ಜೀವಗಳನ್ನು ತೆಗೆದುಕೊಳ್ಳುತ್ತಿದೆ. 2000-2004 ರಿಂದ 2017-2021 ರ ನಡುವೆ ಭಾರತದಲ್ಲಿ ಉಷ್ಣ ಸಂಬಂಧಿತ(Heat-Related) ಸಾವಿನ ಸಂಖ್ಯೆಯಲ್ಲಿ 55% ರಷ್ಟು ಹೆಚ್ಚಳವಾಗಿದೆ ಎಂದು ಲ್ಯಾನ್ಸೆಟ್ ಜರ್ನಲ್‌ನ ಆತಂಕಕಾರಿ ವರದಿಯಲ್ಲಿ ಇದನ್ನು ಹೈಲೈಟ್ ಮಾಡಿದೆ.
ಆರೋಗ್ಯ ಮತ್ತು ಹವಾಮಾನ ಬದಲಾವಣೆಯ ಕುರಿತಾದ ಲ್ಯಾನ್ಸೆಟ್ ಕೌಂಟ್‌ಡೌನ್‌ನ 2022 ರ ವರದಿಯ ಪ್ರಕಾರ, ವೇಗವಾಗಿ ಹೆಚ್ಚುತ್ತಿರುವ ತಾಪಮಾನದಿಂದಾಗಿ, ದುರ್ಬಲ ಜನಸಂಖ್ಯೆಯು (65 ವರ್ಷಕ್ಕಿಂತ ಮೇಲ್ಪಟ್ಟ ವಯಸ್ಕರು ಮತ್ತು ಒಂದು ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳು) ಸಾವನ್ನಪ್ಪಿದ್ದಾರೆ. 2000-04ರ ಅವಧಿಯಲ್ಲಿ 20 ಸಾವಿರ ಉಷ್ಣ ಸಂಬಂಧಿ ಸಾವುಗಳು ಸಂಭವಿಸಿದ್ದರೆ, 2017-21 ರ ನಡುವೆ ವಾರ್ಷಿಕವಾಗಿ ಸಾವುಗಳು 68% ರಷ್ಟು ಹೆಚ್ಚಾಗಿದೆ ಎಂದು ತಿಳಿಸಿದೆ.
ಪಳೆಯುಳಿಕೆ ಇಂಧನ ದಹನದಿಂದ ಕಣಗಳಿಗೆ ಒಡ್ಡಿಕೊಂಡ ಕಾರಣ 2020 ರಲ್ಲಿ ಭಾರತದಲ್ಲಿ 3,30,000 ಕ್ಕೂ ಹೆಚ್ಚು ಜನರು ಸಾವನ್ನಪ್ಪಿದ್ದಾರೆ ಎಂದು ಅಧ್ಯಯನವು ಅಂದಾಜಿಸಿದೆ. ಮಾರ್ಚ್-ಏಪ್ರಿಲ್ 2022 ರ ಅವಧಿಯಲ್ಲಿ, ಹವಾಮಾನ ಬದಲಾವಣೆಯಿಂದಾಗಿ ಸಂಭವಿಸುವ 30 ಪಟ್ಟು ಹೆಚ್ಚು ಉಷ್ಣವನ್ನು ಭಾರತ ಅನುಭವಿಸಿದೆ. ಇದು ಜನಜೀವನದ ಮೇಲೆ ಪರಿಣಾಮ ಬೀರುವುದಲ್ಲದೆ, ಬಿಸಿಗಾಳಿಯು ಜನರ ಜೀವನೋಪಾಯವನ್ನು ಸಹ ತೀವ್ರವಾಗಿ ಪರಿಣಾಮ ಬೀರಿತು. 2021 ರಲ್ಲಿ ಭಾರತೀಯರು ಶಾಖದ ಪ್ರಬಾವದಿಂದಾಗಿ 167.2 ಶತಕೋಟಿ ಸಂಭಾವ್ಯ ಕಾರ್ಮಿಕ ಸಮಯವನ್ನು ಕಳೆದುಕೊಂಡರು ಮತ್ತು ರಾಷ್ಟ್ರೀಯ GDP ಯ ಸುಮಾರು 5.4 ಪ್ರತಿಶತದಷ್ಟು ಆದಾಯದ ನಷ್ಟವನ್ನು ಹೊಂದಿದ್ದಾರೆ ಎಂದು ಲ್ಯಾನ್ಸೆಟ್ ವರದಿ ಹೇಳಿದೆ.
ಸರಾಸರಿ ಜಾಗತಿಕ ಮೇಲ್ಮೈ ಬಿಸಿ 1·1 ಡಿಗ್ರಿ ಸೆಲ್ಸಿಯಸ್‌ನೊಂದಿಗೆ, ಹವಾಮಾನ ಬದಲಾವಣೆಯು ಮಾನಸಿಕ ಮತ್ತು ದೈಹಿಕ ಆರೋಗ್ಯದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿದೆ ಎಂದು ವರದಿ ಹೇಳುತ್ತದೆ. ಬದಲಾಗುತ್ತಿರುವ ಹವಾಮಾನ ಪರಿಸ್ಥಿತಿಗಳು ಉಷ್ಣ ಸಂಬಂಧಿತ ಅನಾರೋಗ್ಯದ ಅಪಾಯವನ್ನು ಹೆಚ್ಚಿಸುತ್ತವೆ, ಸಾಂಕ್ರಾಮಿಕ ರೋಗ ಹರಡುವಿಕೆಯ ಮಾದರಿಯನ್ನು ಬದಲಾಯಿಸುತ್ತವೆ, ವಿಪರೀತ ಘಟನೆಗಳಿಂದ ಆರೋಗ್ಯದ ಅಪಾಯಗಳನ್ನು ಹೆಚ್ಚಿಸುತ್ತವೆ ಮತ್ತು ಆಹಾರ ಮತ್ತು ನೀರಿನ ಭದ್ರತೆಯ ಮೇಲೆ ಬಹು ಆಯಾಮದ ಪರಿಣಾಮಗಳನ್ನು ಬೀರುತ್ತವೆ ಎಂದಿದೆ.
“2100 ರ ವೇಳೆಗೆ ಪ್ರಪಂಚವು 2·4-3·5 ° C ಯಷ್ಟು ಬಿಸಿಯಾಗಲಿದೆ ಎಂದು ಅಂದಾಜಿಸಲಾಗಿದ್ದು, ಬಿಸಿ ಪ್ರಪಂಚದ ವಿನಾಶಕಾರಿ ಆರೋಗ್ಯ ಫಲಿತಾಂಶಗಳನ್ನು ತಡೆಗಟ್ಟಲು ಕ್ರಮ ಕೈಗಗೊಳ್ಳುವುದು ಮುಖ್ಯ ಎಂದಿದ್ದಾರೆ.
BIGG NEWS : ‘ಎಂಇಎಸ್’ ನಿಂದ ಮತ್ತೆ ಗಡಿ ಖ್ಯಾತೆ : ನ.1 ರಂದು ಕರಾಳ ದಿನ ಆಚರಣೆಗೆ ಸಿದ್ದತೆ
BIGG NEWS : ಚಳಿಗೆ ಸಿಲಿಕಾನ್ ಸಿಟಿ ಗಢಗಢ : ಬೆಂಗಳೂರಲ್ಲಿ 2 ದಿನ ಹೆಚ್ಚಾಗಲಿದೆ ‘ಚಳಿ’ : ಹವಾಮಾನ ಇಲಾಖೆ ಮುನ್ಸೂಚನೆ
