ಮಣಿಪುರ: ಇಲ್ಲಿನ ನೊನಿ ಜಿಲ್ಲೆಯಲ್ಲಿ ಬುಧವಾರ ವಿದ್ಯಾರ್ಥಿಗಳನ್ನು ಕರೆದೊಯ್ಯುತ್ತಿದ್ದ ಎರಡು ಬಸ್ಸುಗಳು ನಿಯಂತ್ರಣ ತಪ್ಪಿದ ಅಪಘಾತಗೊಂಡ ಪರಿಣಾಮ ಕನಿಷ್ಠ 15 ವಿದ್ಯಾರ್ಥಿಗಳು ಸಾವನ್ನಪ್ಪಿದ್ದಾರೆ ಎಂದು ಇಂಡಿಯಾ ಟುಡೇ ವರದಿ ಮಾಡಿದೆ.
ಮಣಿಪುರದ ನೊನಿ ಜಿಲ್ಲೆಯ ಬಿಸ್ನುಪುರ್ – ಖೂಪಮ್ ರಸ್ತೆಯಲ್ಲಿ ಈ ಅಪಘಾತ ಸಂಭವಿಸಿದೆ.
ವರದಿಗಳ ಪ್ರಕಾರ, ವಿದ್ಯಾರ್ಥಿಗಳನ್ನು ಕರೆದೊಯ್ಯುತ್ತಿದ್ದ ಎರಡು ಬಸ್ಸುಗಳು ಯಾರಿಪೋಕ್ನ ತಂಬಲ್ ನ ಹೈಯರ್ ಸೆಕೆಂಡರಿ ಶಾಲೆಗೆ ಸೇರಿದ್ದವು. ಬಸ್ ಗಳು ಅಧ್ಯಯನ ಪ್ರವಾಸಕ್ಕಾಗಿ ಖೂಪಮ್ ಕಡೆಗೆ ಹೋಗುತ್ತಿದ್ದವು. ಈ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿಯನ್ನು ನಿರೀಕ್ಷಿಸಲಾಗಿದೆ.
