ಬೆಳ್ತಂಗಡಿ : ಭಾರತದಲ್ಲಿ ಮುಸ್ಲಿಮರ ಜನಸಂಖ್ಯೆ 80 ಕೋಟಿಯಾಗಿ ಹಿಂದೂಗಳ ಜನಸಂಖ್ಯೆ ಇಳಿದಲ್ಲಿ ಭಾರತದಲ್ಲಿ ಹಿಂದುಗಳ ಪರಿಸ್ಥಿತಿ ಹೇಗಿರುತ್ತದೆ ಎಂದು ಯೋಚನೆ ಮಾಡಬೇಕಾಗಿದೆ ಎಂದು ಬೆಳ್ತಂಗಡಿ ಬಿಜೆಪಿ ಶಾಸಕ ಹರೀಶ್ ಪೂಂಜ ಮಾಡಿರುವ ಭಾಷಣದ 46 ಸೆಕೆಂಡ್ ನ ವೀಡಿಯೊ ತುಣುಕು ವೈರಲ್ ಆಗುತ್ತಿದೆ.
ಬೆಳ್ತಂಗಡಿ ತಾಲೂಕಿನ ಪೆರಾಡಿಯಲ್ಲಿ ನಡೆದ 50ನೇ ವರ್ಷದ ಶ್ರೀ ಅಯ್ಯಪ್ಪ ದೀಪೋತ್ಸವ ಜನವರಿ 7ರಂದು ನಡೆದಿತ್ತು. ಅಂದು ರಾತ್ರಿ ಶಾಸಕ ಹರೀಶ್ ಪೂಂಜ ತುಳುವಿನಲ್ಲಿ ಮಾಡಿರುವ ಭಾಷಣದ ವೀಡಿಯೊ ವೈರಲ್ ಆಗಿದೆ. ಭಾಷಣದಲ್ಲಿ ಅವರು, ಹೆಚ್ಚಿನವರಿಗೆ ಹಿಂದೂಗಳ ಜನಸಂಖ್ಯೆ 80 ಕೋಟಿ ಇದೆ. ಆದರೆ, ಏನೂ ಆಗೋಲ್ಲ ಎಂಬ ಭಾವನೆಯಿದೆ. ಆದರೆ, ಹಿಂದೂಗಳಿಗೆ ಹುಟ್ಟುವುದು ಒಂದು ಅಥವಾ ಎರಡು ಮಕ್ಕಳು. ಮುಸ್ಲಿಮರಿಗೆ ನಾಲ್ಕು ಮಕ್ಕಳು ಹುಟ್ಟುತ್ತದೆ. ಒಂದು ಸಲ ಈ ಬಗ್ಗೆ ಯೋಚನೆ ಮಾಡಿದ್ದಲ್ಲಿ 20 ಕೋಟಿ ಇರುವ ಜನರಿಗೆ ನಾಲ್ಕು ನಾಲ್ಕು ಮಕ್ಕಳು ಆದರೆ ಜನಸಂಖ್ಯೆ ಎಷ್ಟಾಗುತ್ತದೆ. ಭಾರತದಲ್ಲಿ ಮುಸ್ಲಿಮರ ಜನಸಂಖ್ಯೆ ಹೆಚ್ಚಾದಲ್ಲಿ ಹಿಂದೂಗಳ ಪರಿಸ್ಥಿತಿ ಏನಾಗಬಹುದು ಎಂದು ಅವರು ಅಗ್ರಹಿಸಿದ್ದಾರೆ.
