ಸರ್ಕಾರದಿಂದ ನಡೆಸಲಾಗುವ ಹಲವು ಯೋಜನೆಗಳಲ್ಲಿ ಸುಕನ್ಯಾ ಸಮೃದ್ಧಿ ಯೋಜನೆ ಕೂಡ ಒಂದಾಗಿದೆ. ಸಣ್ಣ ಮಗುವಿನಿಂದ ಹಿಡಿದು 10 ವರ್ಷದೊಳಗಿನ ವಯಸ್ಸಿನ ಹೆಣ್ಮಗುವಿನ ಹೆಸರಿನಲ್ಲಿ ಈ ಯೋಜನೆ ಪ್ರಾರಂಭಿಸಬಹುದು. ಕುಟುಂಬದ ಪ್ರತಿ ಹೆಣ್ಣು ಮಗುವಿಗೆ ಉಳಿತಾಯದ ಪ್ರಯೋಜನ ಸಿಗಲು ಸುಕನ್ಯಾ ಸಮೃದ್ಧಿ ಯೋಜನೆ ಯೋಜನೆಯನ್ನು ಪ್ರಾರಂಭಿಸಲಾಗಿದೆ. ದೇಶದ ಹೆಣ್ಣು ಮಕ್ಕಳನ್ನು ಸುಧಾರಿಸಲು ಸುಕನ್ಯಾ ಸಮೃದ್ಧಿ ಯೋಜನೆ ಪ್ರಾರಂಭಿಸಲಾಗಿದ್ದು, ಇದರ ಅಧಿಕಾರಾವಧಿಯು ಖಾತೆ ತೆರೆದ ದಿನಾಂಕದಿಂದ 21 ವರ್ಷಗಳು ಇಲ್ಲವೇ 18 ವರ್ಷಗಳನ್ನು ಪೂರೈಸಿದ ನಂತರ ಹುಡುಗಿಯ ಮದುವೆಯವರೆಗೆ ಹೂಡಿಕೆ ಮಾಡಲು ಅವಕಾಶವಿದೆಯಾಗಿದೆ.
ಒಂದು ಕುಟುಂಬದಲ್ಲಿ ಗರಿಷ್ಠ ಇಬ್ಬರು ಹೆಣ್ಣುಮಕ್ಕಳನ್ನು ಯೋಜನೆಗೆ ಸೇರಿಸಬಹುದು. ಜೀವಿತಾವಧಿಯಲ್ಲಿ ಅವಳಿ ಅಥವಾ ತ್ರಿವಳಿ ಮಕ್ಕಳ ಸಂದರ್ಭದಲ್ಲಿ, ಅವರಿಗೆ ಮಾತ್ರ ನಿಯಮದಿಂದ ವಿನಾಯಿತಿ ನೀಡಲಾಗುತ್ತದೆ. ಹೆಣ್ಣು ಮಗುವಿನ ಪೋಷಕರನ್ನು ಹೊರತುಪಡಿಸಿ, ಮಗುವಿನ ಪರವಾಗಿ ಕಾನೂನುಬದ್ಧ ಪೋಷಕರು ಖಾತೆಗೆ ಸೇರಬಹುದು.ಸುಕನ್ಯಾ ಸಮೃದ್ಧಿ ಖಾತೆಯನ್ನು ನಿರ್ವಹಿಸುತ್ತಿರುವ ಪೋಷಕರು/ಪೋಷಕರ ವರ್ಗಾವಣೆಯ ಸಂದರ್ಭದಲ್ಲಿ SSY ಖಾತೆಯನ್ನು ದೇಶದ ಒಂದು ಭಾಗದಿಂದ ಇನ್ನೊಂದು ಭಾಗಕ್ಕೆ (ಬ್ಯಾಂಕ್/ಪೋಸ್ಟ್ ಆಫೀಸ್) ಮುಕ್ತವಾಗಿ ವರ್ಗಾಯಿಸಬಹುದು. ಇದು ಸಣ್ಣ ಉಳಿತಾಯ ಯೋಜನೆಯಾಗಿರುವ ಹಿನ್ನೆಲೆ ಮಾಸಿಕ ಪಾವತಿ ಮಾಡುವ ಅವಶ್ಯಕತೆಯಿಲ್ಲ. ಒಂದು ವರ್ಷದವರೆಗೆ ಪಾವತಿ ಮಾಡಬಹುದು.ಖಾತೆಯಲ್ಲಿ ಹಣವನ್ನು ಸರಿಯಾಗಿ ಹೂಡಿಕೆ ಮಾಡದೆ ಇದ್ದಲ್ಲಿ 50 ರೂ.ಗಳ ದಂಡವನ್ನು ಪಾವತಿ ಮಾಡಬೇಕಾಗುತ್ತದೆ. ಸುಕನ್ಯಾ ಸಮೃದ್ಧಿ ಯೋಜನೆಯ ಬಡ್ಡಿ ದರ ಈಗ 8 ಪ್ರತಿಶತ ಸಿಗುತ್ತದೆ. ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ಕನಿಷ್ಠ ಹೂಡಿಕೆ ಮೊತ್ತ 250 ರೂಪಾಯಿ, ಗರಿಷ್ಠ 1.5 ಲಕ್ಷ ರೂಪಾಯಿ ಹೂಡಿಕೆ ಮಾಡಬಹುದು.ಈ ಯೋಜನೆಯು ತೆರಿಗೆ ವಿನಾಯಿತಿ ಪ್ರಯೋಜನಗಳನ್ನು ಸಹ ಹೊಂದಿದೆ.
ಎಸ್‌ಎಸ್‌ಎ ಫಾರ್ಮ್ 1 ರಲ್ಲಿ, ಮಗುವಿನ ಹೆಸರು, ಪೋಷಕರು ಅಥವಾ ಪೋಷಕರ ಹೆಸರು, ಮಗುವಿನ ಜನನ ಪ್ರಮಾಣಪತ್ರ, ಪೋಷಕರು ಅಥವಾ ಪೋಷಕರ ಕೆವೈಸಿ ಮಾಹಿತಿಯನ್ನು ತುಂಬಬೇಕು. ಭರ್ತಿ ಮಾಡಿದ ಅರ್ಜಿಯನ್ನು ಸಂಬಂಧಿತ ದಾಖಲೆಗಳು, ಮಕ್ಕಳು ಮತ್ತು ಪೋಷಕರ ಸಾಕ್ಷ್ಯಗಳ ಜೊತೆಗೆ ಸಲ್ಲಿಸಬೇಕು. ಎಲ್ಲಾ ವಿವರಗಳನ್ನು ಪರಿಶೀಲಿಸಿದ ಬಳಿಕ, ಬ್ಯಾಂಕ್ ಅಥವಾ ಅಂಚೆ ಕಚೇರಿ ನಿಮ್ಮ ಖಾತೆಯನ್ನು ಸಕ್ರಿಯಗೊಳಿಸುತ್ತದೆ. ಖಾತೆಗೆ ಸಂಬಂಧಿಸಿದ ಪಾಸ್ ಬುಕ್ ನಿಮಗೆ ಸಿಗಲಿದೆ. 250 ಅಥವಾ ಚೆಕ್ ಅಥವಾ ಡ್ರಾಫ್ಟ್ ಪಾವತಿ ಮಾಡುವ ಮೂಲಕ ಖಾತೆಯನ್ನು ತೆರೆಯಬಹುದಾಗಿದ್ದು, ಗರಿಷ್ಠ ರೂ. 1.5 ಲಕ್ಷ ಪಾವತಿಸಬಹುದು. ಯೋಜನೆಯ ಗರಿಷ್ಠ ಹೂಡಿಕೆ ಅವಧಿ 15 ವರ್ಷವಾಗಿದ್ದು, ನೀವು ಪ್ರತಿ ತಿಂಗಳು ಸುಮಾರು 1000 ರೂ.ಗಳನ್ನು ಹೂಡಿಕೆ ಮಾಡಿದರೆ, ನೀವು 5.70 ಲಕ್ಷ ರೂ.ಗಳ ಮೆಚೂರಿಟಿ ಮೊತ್ತವನ್ನು ಪಡೆಯಬಹುದಾಗಿದೆ.
