ನವದೆಹಲಿ: ಕರ್ನಾಟಕ, ಮಹಾರಾಷ್ಟ್ರ ಮತ್ತು ಉತ್ತರಾಖಂಡ್ ಸೇರಿದಂತೆ ಎಂಟು ರಾಜ್ಯಗಳಲ್ಲಿ ಈ ವಾರದ ಅಂತ್ಯದವರೆಗೆ ಭಾರಿ ಮಳೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಮುನ್ಸೂಚನೆ ನೀಡಿದೆ. ಮಹಾರಾಷ್ಟ್ರ, ಕರ್ನಾಟಕ, ಮಧ್ಯಪ್ರದೇಶ, ಜಾರ್ಖಂಡ್, ಗಂಗಾ ಪಶ್ಚಿಮ ಬಂಗಾಳ, ಉತ್ತರ ಪ್ರದೇಶ, ಉತ್ತರಾಖಂಡ ಮತ್ತು ಗುಜರಾತ್ನಲ್ಲಿ ಶುಕ್ರವಾರದವರೆಗೆ ವ್ಯಾಪಕ ಮಳೆಯಾಗಲಿದೆ ಎಂದು ಹವಾಮಾನ ಇಲಾಖೆ ಮುನ್ಸೂಚನೆ ನೀಡಿದೆ.
ಮಧ್ಯಪ್ರದೇಶ, ಮಹಾರಾಷ್ಟ್ರ, ಗುಜರಾತ್ ಮತ್ತು ರಾಜಸ್ಥಾನದಲ್ಲಿ ಬುಧವಾರದವರೆಗೆ ‘ಆರೆಂಜ್’ ಅಲರ್ಟ್ ನೀಡಿದೆ. ಭಾನುವಾರದಿಂದ ಕ್ಯಾಸಲ್ ರಾಕ್ (172 ಮಿ.ಮೀ), ಕುಮಟಾ (148 ಮಿ.ಮೀ), ದಿಘಾ (114 ಮಿ.ಮೀ), ಸಾವಂತ್ವಾಡಿ (98 ಮಿ.ಮೀ), ಸಿಮ್ಲಾ (90 ಮಿ.ಮೀ), ನಾಗ್ಪುರ (83 ಮಿ.ಮೀ), ದಿಮಾಪುರ್ (81 ಮಿ.ಮೀ) ಮತ್ತು ಮಾವ್ಸಿನ್ರಾಮ್ (71 ಮಿ.ಮೀ) ಗಳಲ್ಲಿ ಭಾರಿ ಮಳೆಯಾಗಿದೆ.
