ನಾವು ಶಾಪಿಂಗ್ ಮಾಲ್, ರೆಸ್ಟೋರೆಂಟ್, ಜಿಮ್ ಅಥವಾ ಹೋಟೆಲ್ಗಳಿಗೆ ಹೋದಾಗ ಅಲ್ಲಿನ ಶೌಚಾಲಯಗಳ ಹೊರಗೆ ಬೇರೆ ಬೇರೆ ಬೋರ್ಡ್ಗಳನ್ನು ನೋಡಿರುತ್ತೇವೆ. ಕೆಲವು ಕಡೆ “WC” ಎಂದು ಬರೆದಿದ್ದರೆ, ಇನ್ನು ಕೆಲವು ಕಡೆ “Bathroom” ಅಥವಾ “Washroom” ಎಂದು ಬರೆದಿರುತ್ತದೆ.
ಇವುಗಳಲ್ಲಿ “WC” (Water Closet) ಎಂದರೆ ಶೌಚಾಲಯ ಎಂದು ಬಹುತೇಕರಿಗೆ ತಿಳಿದಿರುತ್ತದೆ. ಆದರೆ, ಬಾತ್ರೂಮ್ (Bathroom) ಮತ್ತು ವಾಶ್ರೂಮ್ (Washroom) ನಡುವಿನ ವ್ಯತ್ಯಾಸದ ಬಗ್ಗೆ ಅನೇಕರಲ್ಲಿ ಇಂದಿಗೂ ಗೊಂದಲವಿದೆ. ಈ ಎರಡರ ನಡುವಿನ ಪ್ರಮುಖ ವ್ಯತ್ಯಾಸಗಳೇನು ಎಂಬ ಮಾಹಿತಿ ಇಲ್ಲಿದೆ:
1. ಬಾತ್ರೂಮ್ (Bathroom)
ಹೆಸರೇ ಸೂಚಿಸುವಂತೆ ಬಾತ್ರೂಮ್ ಎನ್ನುವುದು ಮುಖ್ಯವಾಗಿ ಸ್ನಾನ ಮಾಡುವ ಉದ್ದೇಶಕ್ಕಾಗಿ ಇರುವ ಸ್ಥಳ.
ಇಲ್ಲಿ ಸ್ನಾನ ಮಾಡಲು ಬೇಕಾದ ಶವರ್, ಬಾತ್ಟಬ್ ಮತ್ತು ವಾಶ್ ಬೇಸಿನ್ ಇರುತ್ತದೆ.
ಕೆಲವು ಮನೆಗಳಲ್ಲಿ ಬಾತ್ರೂಮ್ನ ಒಳಗಡೆಯೇ ಶೌಚಾಲಯದ (Toilet) ವ್ಯವಸ್ಥೆಯೂ ಇರಬಹುದು.
ಸರಳವಾಗಿ ಹೇಳುವುದಾದರೆ, ಎಲ್ಲಿ ಸ್ನಾನ ಮಾಡಲು ವ್ಯವಸ್ಥೆ ಇರುತ್ತದೆಯೋ ಅದನ್ನು ನಾವು ‘ಬಾತ್ರೂಮ್’ ಎಂದು ಕರೆಯುತ್ತೇವೆ. ಇದು ಸಾಮಾನ್ಯವಾಗಿ ಮನೆಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ.
2. ವಾಶ್ರೂಮ್ (Washroom)
ವಾಶ್ರೂಮ್ ಎಂಬುದು ಸಾಮಾನ್ಯವಾಗಿ ಕೈ ಕಾಲು ತೊಳೆಯಲು, ಮುಖ ಸ್ವಚ್ಛಗೊಳಿಸಲು ಮತ್ತು ಶೌಚಾಲಯದ ಉದ್ದೇಶಕ್ಕಾಗಿ ಬಳಸುವ ಸ್ಥಳವಾಗಿದೆ.
ಮಾಲ್, ಆಫೀಸ್, ಸಿನಿಮಾ ಥಿಯೇಟರ್ ಅಥವಾ ಹೋಟೆಲ್ಗಳಂತಹ ಸಾರ್ವಜನಿಕ ಸ್ಥಳಗಳಲ್ಲಿ ಹೆಚ್ಚಾಗಿ ‘ವಾಶ್ರೂಮ್’ ಎಂಬ ಪದವನ್ನೇ ಬಳಸಲಾಗುತ್ತದೆ.
ಇಲ್ಲಿ ಸ್ನಾನ ಮಾಡಲು ಬೇಕಾದ ಶವರ್ ಅಥವಾ ಬಾತ್ಟಬ್ಗಳ ಸೌಲಭ್ಯ ಇರುವುದಿಲ್ಲ.
ಕೇವಲ ತುರ್ತು ಕೆಲಸಗಳು ಮತ್ತು ನೈರ್ಮಲ್ಯಕ್ಕಾಗಿ (Hygiene) ಮೀಸಲಾದ ಜಾಗವಿದು.
