ನವದೆಹಲಿ: ದೇಶದಲ್ಲಿ ಇಂಧನ ಉಳಿತಾಯ ಕ್ರಮಗಳನ್ನು ಉತ್ತೇಜಿಸುವ ಉದ್ದೇಶದಿಂದ ಪ್ರಧಾನಿ ನರೇಂದ್ರ ಮೋದಿ ಅವರು ಬುಧವಾರ ಕೇವಲ ಎರಡು ಕಾರುಗಳ ಬೆಂಗಾವಲು ಪಡೆಯಲ್ಲಿ ಪ್ರಯಾಣಿಸುವ ಮೂಲಕ ಎಲ್ಲರ ಗಮನ ಸೆಳೆದಿದ್ದಾರೆ. ಪಶ್ಚಿಮ ಏಷ್ಯಾದಲ್ಲಿನ ಉದ್ವಿಗ್ನ ಪರಿಸ್ಥಿತಿಯಿಂದಾಗಿ ಉಂಟಾಗಿರುವ ಇಂಧನ ಬಿಕ್ಕಟ್ಟನ್ನು ಎದುರಿಸಲು ಪ್ರಧಾನಿಗಳು ಇತ್ತೀಚೆಗೆ ನೀಡಿದ್ದ ‘ಮಿತವ್ಯಯ’ದ ಕರೆಗೆ ತಾವೇ ಸ್ವತಃ ಮಾದರಿಯಾಗಿದ್ದಾರೆ.
ಈ ಹಿಂದೆ ಪ್ರಧಾನಿಗಳ ಭದ್ರತೆಗಾಗಿ 12 ರಿಂದ 14 ಕಾರುಗಳು ಇರುತ್ತಿದ್ದವು. ಆದರೆ ಈಗ ಕೇವಲ ಒಂದು ರೇಂಜ್ ರೋವರ್ (Range Rover) ಮತ್ತು ಒಂದು ಟೊಯೋಟಾ ಫಾರ್ಚುನರ್ (Toyota Fortuner) ವಾಹನಗಳನ್ನು ಮಾತ್ರ ಬಳಸಲಾಗುತ್ತಿದೆ. ಎಸ್ಪಿಜಿ (SPG) ಭದ್ರತಾ ನಿಯಮಗಳನ್ನು ಪಾಲಿಸುತ್ತಲೇ ಈ ಬದಲಾವಣೆ ಮಾಡಲಾಗಿದೆ.
ಅಮೆರಿಕ-ಇರಾನ್ ಸಂಘರ್ಷದಿಂದಾಗಿ ಕಚ್ಚಾ ತೈಲ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗುವ ಭೀತಿ ಇದೆ. ಈ ಹಿನ್ನೆಲೆಯಲ್ಲಿ ಇಂಧನ ಬಳಕೆಯನ್ನು ಕಡಿಮೆ ಮಾಡಲು ಪ್ರಧಾನಿ ಈ ಕ್ರಮ ಕೈಗೊಂಡಿದ್ದಾರೆ.
ಹಳೆಯ ಪದ್ಧತಿ ಹೇಗಿತ್ತು?: ಮೊದಲು ಪ್ರಧಾನಿಗಳ ಕಾನ್ವಾಯ್ನಲ್ಲಿ ಮರ್ಸಿಡಿಸ್-ಮೇಬ್ಯಾಕ್ ಎಸ್650 ಗಾರ್ಡ್, ಜಾಮರ್ ವಾಹನಗಳು, ಆಂಬ್ಯುಲೆನ್ಸ್ ಮತ್ತು ಹಲವಾರು ಬೆಂಗಾವಲು ವಾಹನಗಳು ಇರುತ್ತಿದ್ದವು.
ಜನರಿಗೆ ಪ್ರಧಾನಿ ನೀಡಿದ ‘ಪಂಚಸೂತ್ರ’ ಸಲಹೆಗಳು:
ಪೆಟ್ರೋಲ್ ಮತ್ತು ಡೀಸೆಲ್ ಬಳಕೆಯನ್ನು ಮಿತಿಗೊಳಿಸಿ.
ಮೆಟ್ರೋ ಮತ್ತು ಸಾರ್ವಜನಿಕ ಸಾರಿಗೆಯನ್ನು ಹೆಚ್ಚಾಗಿ ಬಳಸಿ.
ವಾಹನ ಹಂಚಿಕೆ (Carpooling) ಮತ್ತು ಎಲೆಕ್ಟ್ರಿಕ್ ವಾಹನಗಳಿಗೆ (EV) ಆದ್ಯತೆ ನೀಡಿ.
ಅನಗತ್ಯ ವಿದೇಶಿ ಪ್ರವಾಸಗಳನ್ನು ತಪ್ಪಿಸಿ.
ಖಾದ್ಯ ತೈಲ ಬಳಕೆ ಮತ್ತು ಚಿನ್ನದಂತಹ ಐಷಾರಾಮಿ ವೆಚ್ಚಗಳನ್ನು ಕಡಿಮೆ ಮಾಡಿ.
PM Modi, despite being one of the country’s highest-security-risk leaders, was seen going to today’s Cabinet meeting with a convoy of just two vehicles — reinforcing his message of fuel conservation.
On the other hand, Punjab CM Bhagwant Mann arrived to meet UM Nitin Gadkari… pic.twitter.com/fAkEAaPaax
— Megh Updates 🚨™ (@MeghUpdates) May 13, 2026
