ಮುಂಬೈ: ಮುಂಬೈನಲ್ಲಿ ವ್ಯಕ್ತಿಯೊಬ್ಬ ತನ್ನ ಆಟೋರಿಕ್ಷಾವನ್ನು ರೈಲ್ವೇ ಪ್ಲಾಟ್‌ಫಾರ್ಮ್‌ನೊಳಗೆ ಚಲಾಯಿಸಿದ್ದು, ಆತನಿಗೆ ರೈಲ್ವೆ ರಕ್ಷಣಾ ಪಡೆ (ಆರ್‌ಪಿಎಫ್) ದಂಡ ವಿಧಿಸಿದೆ.
ಬುಧವಾರ ನಸುಕಿನ 1 ಗಂಟೆ ಸುಮಾರಿಗೆ ಮುಂಬೈನ ಕುರ್ಲಾ ರೈಲು ನಿಲ್ದಾಣದಲ್ಲಿ ಈ ಘಟನೆ ನಡೆದಿದೆ. ಈ ಆಟೋರಿಕ್ಷಾವು ನಿಲ್ದಾಣವು ಖಾಲಿಯಾಗಿದ್ದಾಗ ಮತ್ತು ಯಾವುದೇ ರೈಲುಗಳು ಇಲ್ಲದಿರುವಾಗ ಆಕಸ್ಮಿಕವಾಗಿ ಹಿಂಬದಿಯ ಪ್ರವೇಶದ್ವಾರದಿಂದ ಪ್ಲಾಟ್‌ಫಾರ್ಮ್ ನಂ 1 ಅನ್ನು ಪ್ರವೇಶಿಸಿದೆ.
ಆಟೋರಿಕ್ಷಾ ಒಳಗೆ ನುಗ್ಗಿದ್ದರ ಬಗ್ಗೆ ಎಚ್ಚರಿಕೆ ಸಂದೇಶ ಬಂದ ಕೂಡಲೇ ರೈಲ್ವೆ ರಕ್ಷಣಾ ಪಡೆ ಆಟೊರಿಕ್ಷಾವನ್ನು ನಿಲ್ದಾಣದಿಂದ ಸುರಕ್ಷಿತವಾಗಿ ಹೊರ ಕಳುಹಿಸಿದ್ದು, ನಂತರ ಅದನ್ನು ವಶಪಡಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲದೇ, ಆಟೋ ಚಾಲಕನನ್ನು ಅರೆಸ್ಟ್‌ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಪ್ಲಾಟ್‌ಫಾರ್ಮ್‌ಗೆ ಬಂದ ಆಟೋರಿಕ್ಷಾದ ವೀಡಿಯೊ ಇದೀಗ ವೈರಲ್ ಆಗುತ್ತಿದೆ. ವಿಡಿಯೋದಲ್ಲಿ, ಆಟೋ ಚಾಲಕ ತನ್ನ ತ್ರಿಚಕ್ರ ವಾಹನವನ್ನು ಪ್ಲಾಟ್‌ಫಾರ್ಮ್‌ನಲ್ಲಿ ಓಡಿಸುತ್ತಿರುವುದನ್ನು ವೀಡಿಯೊದಲ್ಲಿ ಕಾಣಬಹುದು ಮತ್ತು ಈ ಮಧ್ಯೆ ಹಲವಾರು ಜನರು ಅವನನ್ನು ಮುಂದೆ ಹೋಗದಂತೆ ತಡೆಯಲು ಪ್ರಯತ್ನಿಸುತ್ತಿರುವುದನ್ನು ನೋಡಬಹುದು.
Kurla station auto mafia on the platform. Please check & verify this. Too much freedom given by Kurla @MTPHereToHelp & @RPFCRBB Coincidentally on the first day of new @drmmumbaicr Isn’t this a safety hazard for trains? @SrdsoM @RailMinIndia @RPF_INDIA pic.twitter.com/dXGd95jkHL
— Rajendra B. Aklekar (@rajtoday) October 15, 2022
ಆಟೊರಿಕ್ಷಾ ಚಾಲಕನಿಗೆ ರೈಲ್ವೆ ಕಾಯ್ದೆಯಡಿ ₹ 500 ದಂಡ ವಿಧಿಸಲಾಗಿದೆ ಎಂದು ವರದಿಯಾಗಿದೆ
