ಕೆಎನ್‌ಎನ್‌ಡಿಜಿಟಲ್‌ ಡೆಸ್ಕ್‌ : ಭಾರತವು ಇಂದು 75ನೇ ಸ್ವಾತಂತ್ರ್ಯ ದಿನಾಚರಣೆಯ ಆಚರಣೆಯಲ್ಲಿ ಮುಳುಗಿದ್ದು, ಇತರ ದೇಶಗಳಿಂದ್ಲೂ ಅಭಿನಂದನೆಗಳ ಮಹಾಪೂರವೇ ಹರಿದು ಬರ್ತಿದೆ. ಅದ್ರಂತೆ, ಕೆಲವರು ಸಾಮಾಜಿಕ ಮಾಧ್ಯಮದಲ್ಲಿ ಬರೆಯುವ ಮೂಲಕ ಅಭಿನಂದಿಸುತ್ತಿದ್ದರೆ, ಇನ್ನು ಹಲವರು ಫೋಟೋಗಳು ಮತ್ತು ವೀಡಿಯೊಗಳನ್ನ ಪೋಸ್ಟ್ ಮಾಡುತ್ತಿದ್ದಾರೆ. ಅದ್ರಂತೆ, ಪಾಕಿಸ್ತಾನದ ಸಂಗೀತಗಾರ (ಪಾಕಿಸ್ತಾನಿ ರಬಾಬ್ ವಾದಕ ಜನ ಗಣ ಮನ) ವಿಶೇಷ ವೀಡಿಯೊವನ್ನ ಹಂಚಿಕೊಂಡಿದ್ದು, ಸ್ವಾತಂತ್ರ್ಯ ದಿನಾಚರಣೆಯನ್ನ ಅಭಿನಂದಿಸಿದ್ದಾರೆ, ಇದು ಸಧ್ಯ ವೈರಲ್ ಆಗುತ್ತಿದೆ.
ವರದಿಯ ಪ್ರಕಾರ, ಪಾಕಿಸ್ತಾನದ ಖೈಬರ್ ಪಖ್ತುನ್ಖ್ವಾ ಪ್ರಾಂತ್ಯದ ರಾಜ್ಯಶಾಸ್ತ್ರ ವಿಷಯದ ವಿದ್ಯಾರ್ಥಿ ಸಿಯಾಲ್ ಖಾನ್ ಅರಬ್‌ನವರು. ಅಂದ್ಹಾಗೆ, ರಬಾಬ್ ಸಂತೂರ್ʼನಂತಹ ಸಂಗೀತ ವಾದ್ಯವಾಗಿದ್ದು, ಇದನ್ನ ಬಳಸಿಕೊಂಡು, ಸಿಯಾಲ್ ಭಾರತದ ರಾಷ್ಟ್ರಗೀತೆಯ ರಾಗವನ್ನ ನುಡಿಸಿದ್ದಾರೆ. ಈ ಕಾರಣಕ್ಕಾಗಿ, ಭಾರತೀಯರು ಈ ವೀಡಿಯೊವನ್ನು ತುಂಬಾ ಶ್ಲಾಘಿಸುತ್ತಿದ್ದಾರೆ.
ವಿಡಿಯೋದಲ್ಲಿ ಸಿಯಾಲ್ ಖಾನ್ ಪಾಕಿಸ್ತಾನದ ಪರ್ವತ ಪ್ರದೇಶದಲ್ಲಿ ಕುಳಿತಿರುವುದನ್ನ ಕಾಣಬಹುದು. ಹಿಂದಿನ ದೃಶ್ಯವು ಮನಸ್ಸನ್ನ ತಣಿಸುತ್ತೆ. ಸಿಯಾಲ್ ತನ್ನ ಕೈಯಲ್ಲಿ ರಬಾಬ್ ಹಿಡಿದು, ಜನ ಗಣ ಮನದ ರಾಗವನ್ನು ನುಡಿಸುವುದನ್ನ ಕಾಣಬಹುದು. ಇನ್ನು ಈ ವೀಡಿಯೋ ಹಂಚಿಕೊಂಡ ಸಿಯಾನ್, ಶೀರ್ಷಿಕೆಯಲ್ಲಿ “ಗಡಿಯಾಚೆಗಿನ ನನ್ನ ಪ್ರೇಕ್ಷಕರಿಗೆ ಇದು ನನ್ನ ಕೊಡುಗೆ” ಎಂದು ಬರೆದುಕೊಂಡಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ.!
Here’s a gift for my viewers across the border. 🇵🇰🇮🇳 pic.twitter.com/apEcPN9EnN
— Siyal Khan (@siyaltunes) August 14, 2022
