ನವದೆಹಲಿ : ಬಲೂಚಿಸ್ತಾನ ನಾಯಕ ಮೀರ್ ಯಾರ್ ಬಲೂಚ್ ಭಾರತವನ್ನ ನೇರವಾಗಿ ಬೆಂಬಲಿಸಿದ್ದಾರೆ. ಭಾರತೀಯ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರಿಗೆ ಬರೆದ ಪತ್ರದಲ್ಲಿ, ಮೀರ್ ಯಾರ್ ಬಲೂಚ್ ಪಾಕಿಸ್ತಾನದ ಬಗ್ಗೆ ಆಂತರಿಕ ಮಾಹಿತಿಯನ್ನ ಹಂಚಿಕೊಂಡಿದ್ದಾರೆ. ತಮ್ಮ ಪತ್ರದಲ್ಲಿ, ಬಲೂಚ್ ನಾಯಕ ಪಾಕಿಸ್ತಾನ ಮತ್ತು ಚೀನಾದ ಯೋಜನೆಗಳನ್ನ ಸಹ ಬಹಿರಂಗಪಡಿಸಿದ್ದಾರೆ.
ಬಲೂಚಿಸ್ತಾನದಿಂದ ಭಾರತಕ್ಕೆ ಪತ್ರ.!
ಭಾರತೀಯ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರಿಗೆ ಬರೆದ ಪತ್ರದಲ್ಲಿ ಮೀರ್ ಯಾರ್ ಬಲೂಚ್, ಚೀನಾ ಮುಂದಿನ ದಿನಗಳಲ್ಲಿ ಪಾಕಿಸ್ತಾನದಲ್ಲಿ ತನ್ನ ಮಿಲಿಟರಿಯನ್ನ ನಿಯೋಜಿಸಬಹುದು ಎಂದು ಹೇಳಿಕೊಂಡಿದ್ದಾರೆ. ಇಸ್ಲಾಮಾಬಾದ್ ಮತ್ತು ಬೀಜಿಂಗ್ ನಡುವಿನ ಈ ನಡೆಯುತ್ತಿರುವ ಪಾಲುದಾರಿಕೆ ಭಾರತಕ್ಕೆ ಅತ್ಯಂತ ಅಪಾಯಕಾರಿ ಎಂದು ಬಲೂಚ್ ನಾಯಕ ಬಣ್ಣಿಸಿದ್ದಾರೆ. ಬಲೂಚ್ ನಾಯಕ ಈ ಪತ್ರವನ್ನ ಭಾರತೀಯ ವಿದೇಶಾಂಗ ಸಚಿವರಿಗೆ ಸಾಮಾಜಿಕ ಮಾಧ್ಯಮ ವೇದಿಕೆ ಎಕ್ಸ್’ನಲ್ಲಿ ಹಂಚಿಕೊಂಡಿದ್ದಾರೆ.
ಪಾಕಿಸ್ತಾನವನ್ನ ಬೇರು ಸಹಿತ ಕಿತ್ತುಹಾಕಿ.!
ಮೀರ್ ಯಾರ್ ಬಲೂಚ್ ಈ ಪತ್ರವನ್ನ ಎಸ್ ಜೈಶಂಕರ್ ಅವರಿಗೆ ಬರೆದಿದ್ದು, ‘ಬಲೂಚಿಸ್ತಾನದ ಜನರು ಕಳೆದ 79 ವರ್ಷಗಳಿಂದ ಭಯೋತ್ಪಾದನೆ ಮತ್ತು ಮಾನವ ಹಕ್ಕುಗಳ ಉಲ್ಲಂಘನೆಯನ್ನು ಎದುರಿಸುತ್ತಿದ್ದಾರೆ’ ಎಂದು ಹೇಳಿದ್ದಾರೆ.
‘ಬಲೂಚಿಸ್ತಾನದ ಜನರಿಗೆ ಶಾಶ್ವತ ಶಾಂತಿ ಮತ್ತು ಸಾರ್ವಭೌಮತ್ವವನ್ನ ಖಚಿತಪಡಿಸಿಕೊಳ್ಳಲು ಈ ಗಂಭೀರ ಸಮಸ್ಯೆಯನ್ನ ಬೇರುಸಹಿತ ಕಿತ್ತೊಗೆಯುವ ಸಮಯ ಬಂದಿದೆ’ ಎಂದು ಬಲೂಚ್ ನಾಯಕ ಬರೆದಿದ್ದಾರೆ.
ಬಲೂಚಿಸ್ತಾನದಲ್ಲಿ ಚೀನಾ ಸೇನೆ ನಿಯೋಜನೆ.!
“ಪಾಕಿಸ್ತಾನ ಮತ್ತು ಚೀನಾ ನಡುವೆ ಬೆಳೆಯುತ್ತಿರುವ ಕಾರ್ಯತಂತ್ರದ ಮೈತ್ರಿಯನ್ನು ಬಲೂಚಿಸ್ತಾನ್ ಗಣರಾಜ್ಯವು ಅತ್ಯಂತ ಅಪಾಯಕಾರಿ ಎಂದು ಪರಿಗಣಿಸುತ್ತದೆ. ಪಾಕಿಸ್ತಾನದ ಸಹಕಾರದೊಂದಿಗೆ ಚೀನಾ ಚೀನಾ-ಪಾಕಿಸ್ತಾನ ಆರ್ಥಿಕ ಕಾರಿಡಾರ್ (ಸಿಪಿಇಸಿ) ಅನ್ನು ಅಂತಿಮ ಹಂತಕ್ಕೆ ತಂದಿದೆ ಎಂದು ನಾವು ಎಚ್ಚರಿಸುತ್ತೇವೆ” ಎಂದು ಬಲೂಚ್ ನಾಯಕ ಬರೆದಿದ್ದಾರೆ.
‘ಬಲೂಚ್ ಪ್ರತಿರೋಧ ಮತ್ತು ರಕ್ಷಣಾ ಪಡೆಗಳನ್ನು ಬಲಪಡಿಸದಿದ್ದರೆ ಮತ್ತು ಬಲೂಚ್ ಜನರನ್ನು ಗಂಭೀರವಾಗಿ ಪರಿಗಣಿಸದಿದ್ದರೆ, ಭವಿಷ್ಯದಲ್ಲಿ ಚೀನಾದ ಸೈನ್ಯವು ಶೀಘ್ರದಲ್ಲೇ ಈ ಪ್ರದೇಶದಲ್ಲಿ ಕಾಣಿಸಿಕೊಳ್ಳಬಹುದು’ ಎಂದು ಮಿರ್ ಯಾರ್ ಬಲೂಚ್ ಹೇಳಿದ್ದಾರೆ.
ಆರೋಪಗಳನ್ನು ತಿರಸ್ಕರಿಸಿದ ಪಾಕಿಸ್ತಾನ-ಚೀನಾ.!
ಸಿಪಿಇಸಿ ಅಡಿಯಲ್ಲಿ ಮಿಲಿಟರಿ ವಿಸ್ತರಣೆಯ ಆರೋಪಗಳನ್ನ ಪಾಕಿಸ್ತಾನ ಮತ್ತು ಚೀನಾ ಪದೇ ಪದೇ ನಿರಾಕರಿಸಿವೆ. ಈ ಯೋಜನೆಯು ಆರ್ಥಿಕ ಸ್ವರೂಪದ್ದಾಗಿದೆ ಎಂದು ಚೀನಾ ಮತ್ತು ಪಾಕಿಸ್ತಾನ ಸಮರ್ಥಿಸುತ್ತಿವೆ. ಆದಾಗ್ಯೂ, ಭಾರತವು ಸಿಪಿಇಸಿಯನ್ನ ನಿರಂತರವಾಗಿ ವಿರೋಧಿಸುತ್ತಾ ಬಂದಿದೆ, ಈ ಮಾರ್ಗವು ಪಾಕಿಸ್ತಾನ ಆಕ್ರಮಿತ ಜಮ್ಮು ಮತ್ತು ಕಾಶ್ಮೀರದ ಮೂಲಕ ಹಾದುಹೋಗುತ್ತದೆ ಎಂದು ಹೇಳುತ್ತಾ, ಭದ್ರತಾ ಕಳವಳಗಳನ್ನು ಹುಟ್ಟುಹಾಕಿದೆ.
Open letter to Honorable Foreign Minister of #Bharat Shri @DrSJaishankar ji
From,
Baloch Representative,
Republic of Balochistan
State.
The Honorable Dr. S. Jaishankar,
Minister of External Affairs,
Government of Bharat,
South Block, Raisina Hill,
New Delhi – 110011January… https://t.co/WdjaACsG2V pic.twitter.com/IOEusbUsOB
— Mir Yar Baloch (@miryar_baloch) January 1, 2026
BREAKING : ವಿವಾದದ ನಡುವೆಯೂ 2026ರ ‘ಭಾರತ ಪ್ರವಾಸ ವೇಳಾಪಟ್ಟಿ’ ಪ್ರಕಟಿಸಿದ ಬಾಂಗ್ಲಾದೇಶ
ಆ.15, 2027ರಂದು ಮೊದಲ ಬುಲೆಟ್ ರೈಲು ಸಂಚಾರ ಆರಂಭ: ರೈಲ್ವೆ ಸಚಿವ ಅಶ್ವಿನಿ ವೈಷ್ಣವ್
BIGG NEWS ; 2026ರ ಬೋರ್ಡ್ ಪರೀಕ್ಷೆಗಳಿಗೂ ಮುನ್ನ ‘CBSE 10, 12ನೇ ತರಗತಿ ವಿದ್ಯಾರ್ಥಿ’ಗಳಿಗೆ ಬಿಗ್ ವಾರ್ನಿಂಗ್!
