ಕೆಎನ್‍ಎನ್‍ ಡಿಜಿಟಲ್ ಡೆಸ್ಕ್ : ಗೋಡಂಬಿ ಅಂದ್ರ ಯಾರಿಗೆ ತಾನೆ ಇಷ್ಟಯಿಲ್ಲ ಹೇಳಿ. ಪ್ರತಿಯೊಬ್ಬರಿಗೆ ಇದು ಇಷ್ಟವಾಗುತ್ತದೆ. ಇದು ತುಂಬಾ ಆರೋಗ್ಯಕರ ಬೀಜಗಳಲ್ಲಿ ಒಂದಾಗಿದೆ.
ಇದು ಪಾಲಿಫಿನಾಲ್‌ಗಳು, ಕ್ಯಾರೊಟಿನಾಯ್ಡ್‌ಗಳು, ಆಂಟಿಆಕ್ಸಿಡೆಂಟ್‌ಗಳಂತಹ ವಿವಿಧ ಪೋಷಕಾಂಶಗಳನ್ನು ಒಳಗೊಂಡಿದೆ. ಗೋಡಂಬಿಯನ್ನು ಹಲವು ವಿಧಗಳಲ್ಲಿ ಸೇವಿಸಬಹುದು. ಕೆಲವರು ಇದನ್ನು ಹಸಿಯಾಗಿ ತಿನ್ನಲು ಇಷ್ಟಪಡುತ್ತಾರೆ, ಕೆಲವರು ಇದನ್ನು ಹುರಿಯಲು ಇಷ್ಟಪಡುತ್ತಾರೆ. ಗೋಡಂಬಿ ತಿನ್ನುವುದು ಆರೋಗ್ಯಕ್ಕೆ ಪ್ರಯೋಜನಕಾರಿ. ಆದರೆ ಅದನ್ನು ತಿನ್ನಲು ಸರಿಯಾದ ಸಮಯ, ಸರಿಯಾದ ವಿಧಾನವೂ ಇದೆ.
ಗೋಡಂಬಿಯನ್ನು ಖಾಲಿ ಹೊಟ್ಟೆಯಲ್ಲಿ ತಿನ್ನುವುದು ಆರೋಗ್ಯಕರವೇ?
ಖಾಲಿ ಹೊಟ್ಟೆಯಲ್ಲಿ ಗೋಡಂಬಿಯನ್ನು ಸೇವಿಸುವುದರಿಂದ ಹಲವು ಆರೋಗ್ಯದಾಯಕ ಪ್ರಯೋಜನಗಳಿವೆ. ಇದರ ಜೊತೆಗೆ ಸ್ವಲ್ಪ ಹಾನಿ ಕೂಡ ಉಂಟಾಗಬಹುದು.
-ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ಗೋಡಂಬಿ ತಿಂದರೆ ಮಲಬದ್ಧತೆ ಸಮಸ್ಯೆ ಇರುವವರು ಪ್ರಯೋಜನ ಪಡೆಯಬಹುದು. ಇದು ಫೈಬರ್ ಅನ್ನು ಹೊಂದಿರುವುದರಿಂದ, ಇದು ಮಲವನ್ನು ಸಡಿಲಗೊಳಿಸುತ್ತದೆ. ಜೀರ್ಣ ಶಕ್ತಿಯನ್ನು ಸುಧಾರಿಸುತ್ತದೆ.
-ಅಧಿಕ ತೂಕ ಹೊಂದಿದ್ದರೆ, ಬೆಳಿಗ್ಗೆ 7-8 ಗೋಡಂಬಿಯನ್ನು ತಿನ್ನುವುದರಿಂದ ಹೆಚ್ಚುತ್ತಿರುವ ತೂಕವನ್ನು ನಿಯಂತ್ರಿಸಬಹುದು. ಗೋಡಂಬಿ ತಿಂದರೆ ಹೊಟ್ಟೆ ತುಂಬಿದ ಅನುಭವವಾಗುತ್ತದೆ. ಇದು ನಿಮ್ಮನ್ನು ಅತಿಯಾಗಿ ತಿನ್ನುವುದನ್ನು ತಡೆಯುತ್ತದೆ.
-ಮಕ್ಕಳಿಗೆ ಗೋಡಂಬಿ ತಿನ್ನಿಸಿ. ಇದರಿಂದ ಅವರ ನೆನಪಿನ ಶಕ್ತಿ ಹೆಚ್ಚುತ್ತದೆ. ಇದರಲ್ಲಿ ಮೆಗ್ನೀಸಿಯಮ್ ಇದ್ದು ಮಾನಸಿಕ ಆರೋಗ್ಯವನ್ನು ಹೆಚ್ಚಿಸುತ್ತದೆ.
-ಮೂಳೆಗಳು ದುರ್ಬಲವಾಗಿದ್ದರೆ, ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಗೋಡಂಬಿಯನ್ನು ಸೇವಿಸಬಹುದು.ಗೋಡಂಬಿಯಲ್ಲಿ ಮೆಗ್ನೀಸಿಯಮ್ ಮತ್ತು ತಾಮ್ರದಂತಹ ಪೋಷಕಾಂಶವು ಮೂಳೆಗಳನ್ನು ಬಲಪಡಿಸುತ್ತದೆ. ತಾಮ್ರದ ಕೊರತೆಯಿಂದಾಗಿ ಮೂಳೆಗಳ ಸಾಂದ್ರತೆಯು ಕಡಿಮೆಯಾಗಲು ಪ್ರಾರಂಭಿಸುತ್ತದೆ.
ಗೋಡಂಬಿಯನ್ನು ಖಾಲಿ ಹೊಟ್ಟೆಯಲ್ಲಿ ತಿನ್ನುವುದರಿಂದಾಗುವ ಅನಾನುಕೂಲಗಳು
-ದೇಹದಲ್ಲಿ ಸೋಡಿಯಂ ಪ್ರಮಾಣ ಹೆಚ್ಚಾಗಬಹುದು.
-ಅಧಿಕ ರಕ್ತದೊತ್ತಡ ಇರಬಹುದು.
-ದೇಹದಲ್ಲಿನ ಹೆಚ್ಚುವರಿ ಫೈಬರ್ ಗ್ಯಾಸ್, ಉಬ್ಬುವುದು ಮುಂತಾದ ಸಮಸ್ಯೆಗಳನ್ನು ಉಂಟುಮಾಡಬಹುದು.
-ಹೆಚ್ಚಿನ ಪೊಟ್ಯಾಸಿಯಮ್ ಮಟ್ಟಗಳು ಮೂತ್ರಪಿಂಡದ ಹಾನಿಗೆ ಕಾರಣವಾಗಬಹುದು.
