ಕೊಡೈಕೆನಾಲ್‌ : ತಮಿಳುನಾಡಿನ ಕೊಡೈಕೆನಾಲ್‌ನಲ್ಲಿ 28 ವರ್ಷದ ಯುವಕನೊಬ್ಬ ಫೋಟೋ ತೆಗೆಯಲು ಪ್ರಯತ್ನಿಸುತ್ತಿದ್ದಾಗ ಕಾಲು ಜಾರಿ ಜಲಪಾತಕ್ಕೆ ಬಿದ್ದಿದ್ದಾನೆ. ಇಡೀ ಘಟನೆಯ ವೀಡಿಯೊವನ್ನ ಆತನ ಸ್ನೇಹಿತ ಕ್ಯಾಮೆರಾದಲ್ಲಿ ಸೆರೆಹಿಡಿದ್ದಾನೆ. ಅಂದ್ಹಾಗೆ, ಆಗಸ್ಟ್ 3ರ ಬುಧವಾರ ಈ ಘಟನೆ ನಡೆದಿದೆ.
ಘಟನಾ ಸ್ಥಳಕ್ಕೆ ಧಾವಿಸಿ ಶೋಧ ಆರಂಭಿಸಿದ ಅಗ್ನಿಶಾಮಕ ಮತ್ತು ರಕ್ಷಣಾ ಸಿಬ್ಬಂದಿಗೆ ಕಾಣೆಯಾದ ವ್ಯಕ್ತಿ ಪತ್ತೆಯಾಗಿಲ್ಲ. ಮೃತನನ್ನು ಅಜಯ್ ಪಾಂಡಿಯನ್ ಎಂದು ಗುರುತಿಸಲಾಗಿದೆ. ಕಲ್ಯಾಣಸುಂದರಂ ಎಂದು ಗುರುತಿಸಲಾದ ಸಂತ್ರಸ್ತನ ಸ್ನೇಹಿತ ರೆಕಾರ್ಡ್ ಮಾಡಿದ ಇಡೀ ಘಟನೆಯ 47 ಸೆಕೆಂಡುಗಳ ವೀಡಿಯೊ ಈಗ ಸಾಮಾಜಿಕ ಮಾಧ್ಯಮ ಮತ್ತು ಅಂತರ್ಜಾಲದಲ್ಲಿ ವೈರಲ್ ಆಗಿದೆ.
ವೀಡಿಯೋದಲ್ಲಿ, ಸಂತ್ರಸ್ತ ಕೊಡೈಕೆನಾಲ್‌ನ ಜಲಪಾತದ ಅಂಚಿನಲ್ಲಿರುವ ಬಂಡೆಯ ಮೇಲೆ ಕುಳಿತು ಫೋಟೋಗೆ ಪೋಸ್ ನೀಡುತ್ತಿದ್ದಾನೆ. ಅವನು ಹಿಂದಿನಿಂದ ವೀಡಿಯೊವನ್ನ ರೆಕಾರ್ಡ್ ಮಾಡುತ್ತಿರುವ ತನ್ನ ಸ್ನೇಹಿತನಿಗೆ ಸನ್ನೆ ಮಾಡುತ್ತಾನೆ. ನಂತ್ರ ಬಲಿಪಶು ಜಲಪಾತದ ಅಂಚಿನಲ್ಲಿರುವ ಜಾರುವ ಬಂಡೆಯ ಮೇಲೆ ಇಳಿದು ಕ್ಯಾಮೆರಾಗೆ ಪೋಸ್ ನೀಡಲು ಜಲಪಾತದ ಕಡೆಗೆ ಮುಖ ಮಾಡುತ್ತಾನೆ. ಆಗ ಬಲಿಪಶುವಿನ ಪಾದದಡಿ ಇರುವ ಬಂಡೆ ಜಾರಿದ್ದು, ಆತ ಸಮತೋಲನವನ್ನ ಕಳೆದುಕೊಂಡು ಜಲಪಾತದೊಳಗೆ ಜಾರಿ ಬಿದ್ದು ಕಣ್ಮರೆಯಾಗಿದ್ದಾನೆ.
ಅಜಯ್ ಎಡವಿ ನೀರಲ್ಲಿ ಕೊಚ್ಚಿಹೋಗುತ್ತಿರುವಾಗ ಸಂತ್ರಸ್ತನ ಸ್ನೇಹಿತ ಮಚ್ಚಾ ಎಂದು ಕೂಗುವುದನ್ನ ಕೇಳಬಹುದು. ಘಟನೆಯ ಬಗ್ಗೆ ಕಲ್ಯಾಣಸುಂದರಂ ಸ್ಥಳೀಯ ಪೊಲೀಸರಿಗೆ ಮಾಹಿತಿ ನೀಡಿದ್ದು, ಅಗ್ನಿಶಾಮಕ ಮತ್ತು ರಕ್ಷಣಾ ಸಿಬ್ಬಂದಿ ಸ್ಥಳಕ್ಕೆ ತಲುಪಿದರು ಮತ್ತು ಶೋಧವನ್ನ ಪ್ರಾರಂಭಿಸಿದರು. ಆದ್ರೆ, ಅಜಯ್ʼನನ್ನ ಕಂಡುಹಿಡಿಯಲು ಇನ್ನೂ ಸಾಧ್ಯವಾಗಿಲ್ಲ.
ವೈರಲ್ ವಿಡಿಯೋ ನೋಡಿ
