ಮಧ್ಯಪ್ರದೇಶ: ಸ್ವಚ್ಛತೆ ಬಗ್ಗೆ ಅರಿವು ಮೂಡಿಸುವಂತೆ ಪೋಸ್‌ ಕೊಡಲು ಶಾಲೆಗೆ ಕೊಳಕು ಸಮವಸ್ತ್ರ ಧರಿಸಿ ಬಂದಿದ್ದ 10 ವರ್ಷದ ಬುಡಕಟ್ಟು ವಿದ್ಯಾರ್ಥಿನಿಯೊಬ್ಬಳನ್ನು ಅರೆಬೆತ್ತಲೆ ನಿಲ್ಲಿಸಿ ಎಡವಟ್ಟು ಮಾಡಿಕೊಂಡಿದ್ದಾರೆ. ತಾನು ಏನೋ ಮಾಡಲು ಹೋಗಿ ಇದೀಗ ಅಮಾನತು ಶಿಕ್ಷೆಗೆ ಒಳಗಾಗಿದ್ದಾರೆ.
ಏನಿದು ಘಟನೆ?
ಮಧ್ಯಪ್ರದೇಶದ ಶಹದೋಲ್ ಜಿಲ್ಲೆಯ ಬಾರಾ ತೋಲಾ ಗ್ರಾಮದ ಸರ್ಕಾರಿ ಪ್ರಾಥಮಿಕ ಶಾಲೆಯಲ್ಲಿ ಈ ಘಟನೆ ನಡೆದಿದೆ. ಕಳೆದ ಶುಕ್ರವಾರ 10 ವರ್ಷದ ಬುಡಕಟ್ಟು ವಿದ್ಯಾರ್ಥಿನಿಯೊಬ್ಬಳು ಕೊಳಕು ಬಟ್ಟೆ ಧರಿಸಿ ಶಾಲೆಗೆ ಬಂದಿದ್ದರು. ಇದನ್ನು ನೋಡಿದ ಶಿಕ್ಷಕ ಶ್ರವಣ್ ಕುಮಾರ್ ತ್ರಿಪಾಠಿ ವಿದ್ಯಾರ್ಥಿನಿಗೆ ತನ್ನ ಕೊಳಕು ಸಮವಸ್ತ್ರವನ್ನು ತೆಗೆಯುವಂತೆ ಹೇಳಿದ್ದಾರೆ. ಈ ವೇಳೆ ಬಾಲಕಿ ಇತರ ವಿದ್ಯಾರ್ಥಿಗಳ ಸಮ್ಮುಖದಲ್ಲಿ ಬಟ್ಟೆ ಕಳಚಿಕೊಟ್ಟು ಅರೆಬೆತ್ತಲೆಯಾಗಿ ನಿಂಲ್ಲುವಂತಾಗಿದೆ.
ಶಿಕ್ಷಕನು ತಾನು ಸ್ವತಃ “ಸ್ವಚ್ಛತಾ ಮಿತ್ರ” (ಸ್ವಚ್ಛತಾ ಸ್ವಯಂಸೇವಕ) ಎಂದು ಪೋಸ್‌ ಕೊಡಲು ವಿದ್ಯಾರ್ಥಿನಿಯ ಬಟ್ಟೆ ತೊಳೆದಿದ್ದು, ಬಟ್ಟೆ ಒಣಗುವವರೆಗೂ ಸುಮಾರು ಎರಡು ಗಂಟೆಗಳ ಕಾಲ ವಿದ್ಯಾರ್ಥಿನಿ ಹಾಗೆಯೇ ಇದ್ದಾಳೆ. ವಿಚಿತ್ರವೆಂದ್ರೆ, ಆ ಶಿಕ್ಷಕ ತಾನು ಬಟ್ಟೆ ತೊಳೆಯುತ್ತಿರುವ ಹಾಗೂ ಆ ವಿದ್ಯಾರ್ಥಿನಿ ಅರೆಬೆತ್ತಲೆಯಾಗಿ ನಿಂತಿರುವ ಫೋಟೋಗಳನ್ನು ತೆಗೆಸಿದ್ದಾರೆ.
ಇಷ್ಟಕ್ಕೂ ಸುಮ್ಮನಾಗದ ಶಿಕ್ಷಕ ತಾನು ತೆಗೆಸಿದ ಪೋಟೋಗಳನ್ನು ಇಲಾಖೆಯ ವ್ಯಾಟ್ಸ್ಆ್ಯಪ್ ಗ್ರೂಪ್ಗೆ ಶೇರ್ ಮಾಡಿದ್ದಾನೆ. ಶೇರ್ ಆದ ಫೋಟೋಗಳಲ್ಲಿ ಶಿಕ್ಷಕ ಬಟ್ಟೆ ತೊಳೆಯುತ್ತಿರುವುದು ಹಾಗೂ ಪಕ್ಕದಲ್ಲಿ ವಿದ್ಯಾರ್ಥಿನಿ ಅರೆಬೆತ್ತಲೆಯಾಗಿ ನಿಂತಿರುವುದು ಕಂಡುಬಂದಿದೆ. ಈ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್‌ ಆಗಿದ್ದು, ಇದನ್ನು ಕಂಡ ಗ್ರಾಮಸ್ಥರು ಶಿಕ್ಷಕನ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ಇದರ ಬೆನ್ನಲ್ಲೇ, ಶಿಕ್ಷಕನನ್ನು ಶನಿವಾರ ಅಮಾನತುಗೊಳಿಸಲಾಗಿದೆ ಎಂದು ಸಂಸದ ಬುಡಕಟ್ಟು ಕಲ್ಯಾಣ ಇಲಾಖೆಯ ಸಹಾಯಕ ಆಯುಕ್ತ ಆನಂದ್ ರೈ ಸಿನ್ಹಾ ತಿಳಿಸಿದ್ದಾರೆ.
BIG NEWS: ʻಗುಲಾಂ ನಬಿ ಆಜಾದ್ʼ ಇಂದು ತಮ್ಮ ಹೊಸ ರಾಜಕೀಯ ಪಕ್ಷ ಘೋಷಿಸುವ ಸಾಧ್ಯತೆ | Ghulam Nabi Azad
BIG NEWS: ಉಗ್ರವಾದಕ್ಕೆ ಬೆಂಬಲ ಆರೋಪ : `PFI’ ನಿಷೇಧಕ್ಕೆ ಕೇಂದ್ರ ಸರ್ಕಾರ ಚಿಂತನೆ
