ನವದೆಹಲಿ: ಸವರನ್ ಗೋಲ್ಡ್ ಬಾಂಡ್ ಸ್ಕೀಮ್ 2022-23 ರ (Series III) ಇತ್ತೀಚಿನ ಕಂತು ಈಗ ಡಿಸೆಂಬರ್ 19 ರಿಂದ ಡಿಸೆಂಬರ್ 23ರವರೆಗೆ ಐದು ದಿನಗಳ ಅವಧಿಗೆ ಚಂದಾದಾರಿಕೆಗಾಗಿ ತೆರೆದಿದೆ. ಕೇಂದ್ರ ಬ್ಯಾಂಕ್ ಭಾರತ ಸರ್ಕಾರದ ಪರವಾಗಿ ಚಿನ್ನದ ಬಾಂಡ್’ಗಳನ್ನ ಬಿಡುಗಡೆ ಮಾಡಿದೆ.
ಆನ್ ಲೈನ್’ನಲ್ಲಿ ಸಾವರಿನ್ ಗೋಲ್ಡ್ ಬಾಂಡ್ ಗೆ ಅರ್ಜಿ ಸಲ್ಲಿಸಿದ್ರೆ ಹಾಗೂ ಡಿಜಿಟಲ್ ಪಾವತಿ ಮಾಡಿದ್ರೆ ಪ್ರತಿ ಗ್ರಾಂಗೆ 50ರೂ. ಡಿಸ್ಕೌಂಟ್ ಸಿಗಲಿದೆ. ಇದನ್ನ ಒಬ್ಬ ವ್ಯಕ್ತಿ ಅಥವಾ ಹಿಂದೂ ಅವಿಭಕ್ತ ಕುಟುಂಬ ವಾರ್ಷಿಕ ಗರಿಷ್ಠ 4ಕೆ.ಜಿ.ಮೌಲ್ಯದ ಸಾವರಿನ್ ಗೋಲ್ಡ್ ಬಾಂಡ್ ಖರೀದಿಸಬಹುದು. ಟ್ರಸ್ಟ್ ಹಾಗೂ ಅದೇ ಮಾದರಿಯ ಇತರ ಸಂಸ್ಥೆಗಳು ಗರಿಷ್ಠ 20ಕೆ.ಜಿ ಸಾವರಿನ್ ಗೋಲ್ಡ್ ಬಾಂಡ್ ಖರೀದಿಸಲು ಅವಕಾಶ ಕಲ್ಪಿಸಲಾಗಿದೆ. ಕನಿಷ್ಠ 1ಗ್ರಾಂ ಚಿನ್ನವಾದ್ರೂ ಖರೀದಿಸಬೇಕು. ಅದಕ್ಕೆ ಕಡಿಮೆ ಚಿನ್ನ ಖರೀದಿಸಲು ಅವಕಾಶವಿಲ್ಲ.
ಚಂದಾದಾರಿಕೆ ಅವಧಿಗೆ ಮುಂಚಿನ ವಾರದ ಕೊನೆಯ ಮೂರು ಕೆಲಸದ ದಿನಗಳಲ್ಲಿ ಇಂಡಿಯಾ ಬುಲಿಯನ್ ಮತ್ತು ಜ್ಯುವೆಲ್ಲರ್ಸ್ ಅಸೋಸಿಯೇಷನ್ ಲಿಮಿಟೆಡ್ (IBJA) ಪ್ರಕಟಿಸಿದ 999 ಶುದ್ಧತೆಯ ಚಿನ್ನದ ಮುಕ್ತಾಯದ ಬೆಲೆಯ ಸರಳ ಸರಾಸರಿಯ ಆಧಾರದ ಮೇಲೆ ಎಸ್ಜಿಬಿ ಬೆಲೆಯನ್ನ ಭಾರತೀಯ ರೂಪಾಯಿಗಳಲ್ಲಿ ನಿಗದಿಪಡಿಸಲಾಗಿದೆ.
ವಿತರಣೆಯ ಬೆಲೆ : ಭಾರತೀಯ ರಿಸರ್ವ್ ಬ್ಯಾಂಕ್ (RBI) ಬಾಂಡ್’ನ ವಿತರಣಾ ಬೆಲೆಯನ್ನ ಪ್ರತಿ ಗ್ರಾಂಗೆ 5,409 ರೂ.ಗೆ ನಿಗದಿಪಡಿಸಿದೆ. ಆರ್ಬಿಐನೊಂದಿಗೆ ಸಮಾಲೋಚಿಸಿ ಕೇಂದ್ರ ಸರ್ಕಾರವು ಆನ್ಲೈನ್’ನಲ್ಲಿ ಅರ್ಜಿ ಸಲ್ಲಿಸುವ ಹೂಡಿಕೆದಾರರಿಗೆ ನಾಮಮಾತ್ರ ಮೌಲ್ಯಕ್ಕಿಂತ ಕಡಿಮೆ ಪ್ರತಿ ಗ್ರಾಂಗೆ 50 ರೂ.ಗಳ ರಿಯಾಯಿತಿಯನ್ನ ನೀಡಲು ನಿರ್ಧರಿಸಿದೆ. ಇನ್ನು ಅಪ್ಲಿಕೇಶನ್ ವಿರುದ್ಧ ಪಾವತಿಯನ್ನ ಡಿಜಿಟಲ್ ಮೋಡ್ ಮೂಲಕ ಮಾಡಲಾಗುತ್ತದೆ. ಅಂತಹ ಹೂಡಿಕೆದಾರರಿಗೆ ಚಿನ್ನದ ಬಾಂಡ್’ನ ವಿತರಣೆಯ ಬೆಲೆ ಪ್ರತಿ ಗ್ರಾಂ ಚಿನ್ನಕ್ಕೆ 5,359 ರೂಪಾಯಿ ಆಗಿದೆ.
ಚಂದಾದಾರಿಕೆ ಅವಧಿ : ಸವರನ್ ಗೋಲ್ಡ್ ಬಾಂಡ್ ಸ್ಕೀಮ್ 2022-23ರ ಸರಣಿ IIIರ ಚಂದಾದಾರಿಕೆ ಅವಧಿಯು ಡಿಸೆಂಬರ್ 19-23, 2022 ರಿಂದ ಪ್ರಾರಂಭವಾಗುತ್ತದೆ.
ಕನಿಷ್ಠ ಮತ್ತು ಗರಿಷ್ಠ ಹೂಡಿಕೆ : ಹೂಡಿಕೆದಾರರು ಎಸ್ ಜಿಬಿ ಯೋಜನೆಯಲ್ಲಿ ಕನಿಷ್ಠ ಒಂದು ಗ್ರಾಂ ಚಿನ್ನವನ್ನ ಖರೀದಿಸಬಹುದು. ಚಂದಾದಾರಿಕೆಯ ಗರಿಷ್ಠ ಮಿತಿಯು ವ್ಯಕ್ತಿಗಳಿಗೆ 4 ಕೆಜಿ, ಎಚ್ಯುಎಫ್ಗೆ 4 ಕೆಜಿ ಮತ್ತು ಟ್ರಸ್ಟ್ಗಳು ಮತ್ತು ಅದೇ ರೀತಿಯ ಘಟಕಗಳಿಗೆ 20 ಕೆಜಿ ಪ್ರತಿ ಹಣಕಾಸು ವರ್ಷದಲ್ಲಿ (ಏಪ್ರಿಲ್-ಮಾರ್ಚ್) ಇರಬೇಕು.
ಬಡ್ಡಿದರ ಮತ್ತು ಪಾವತಿಗಳು : ಆರಂಭಿಕ ಹೂಡಿಕೆಯ ಮೊತ್ತದ ಮೇಲೆ ಬಾಂಡ್’ಗಳು ವಾರ್ಷಿಕ ಶೇಕಡಾ 2.50 ರಷ್ಟು (ಸ್ಥಿರ ದರ) ದರದಲ್ಲಿ ಬಡ್ಡಿಯನ್ನ ಭರಿಸುತ್ತವೆ. ಬಡ್ಡಿಯನ್ನು ಹೂಡಿಕೆದಾರರ ಬ್ಯಾಂಕ್ ಖಾತೆಗೆ ಅರ್ಧ ವಾರ್ಷಿಕವಾಗಿ ಜಮಾ ಮಾಡಲಾಗುತ್ತದೆ ಮತ್ತು ಕೊನೆಯ ಬಡ್ಡಿಯನ್ನ ಅಸಲು ಜೊತೆಗೆ ಮೆಚ್ಯೂರಿಟಿಯ ನಂತ್ರ ಪಾವತಿಸಲಾಗುತ್ತದೆ.
SGBಗಳಲ್ಲಿ ಹೂಡಿಕೆ ಮಾಡುವಲ್ಲಿ ಯಾವುದೇ ಅಪಾಯಗಳಿವೆಯೇ?
ಚಿನ್ನದ ಮಾರುಕಟ್ಟೆ ಬೆಲೆ ಕುಸಿದರೆ ಬಂಡವಾಳ ನಷ್ಟದ ಅಪಾಯ ಉಂಟಾಗಬಹುದು. ಆದಾಗ್ಯೂ, ಹೂಡಿಕೆದಾರನು ತಾನು ಪಾವತಿಸಿದ ಚಿನ್ನದ ಘಟಕಗಳ ವಿಷಯದಲ್ಲಿ ಕಳೆದುಕೊಳ್ಳುವುದಿಲ್ಲ.
ಸವರನ್ ಗೋಲ್ಡ್ ಬಾಂಡ್ ಖರೀದಿಸುವುದು ಹೇಗೆ?
ಇತ್ತೀಚಿನ ಎಸ್ಜಿಬಿ ಸರಣಿಯ ಮೂಲಕ ಚಿನ್ನದ ಮೇಲೆ ಹೂಡಿಕೆ ಮಾಡಲು ಬಯಸುವ ಹೂಡಿಕೆದಾರರು ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾ (SBI), ಎಚ್ಡಿಎಫ್ಸಿ ಬ್ಯಾಂಕ್ ಮುಂತಾದ ನಿಗದಿತ ವಾಣಿಜ್ಯ ಬ್ಯಾಂಕುಗಳ ಮೂಲಕ ಬಾಂಡ್ ಖರೀದಿಸಬಹುದು. ಸ್ಟಾಕ್ ಹೋಲ್ಡಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (SHCIL), ಕ್ಲಿಯರಿಂಗ್ ಕಾರ್ಪೊರೇಷನ್ ಆಫ್ ಇಂಡಿಯಾ ಲಿಮಿಟೆಡ್ (CCIL), ನಿಯೋಜಿತ ಅಂಚೆ ಕಚೇರಿಗಳು ಮತ್ತು ಮಾನ್ಯತೆ ಪಡೆದ ಸ್ಟಾಕ್ ಎಕ್ಸ್ಚೇಂಜ್ಗಳಿಂದ ಸವರನ್ ಗೋಲ್ಡ್ ಬಾಂಡ್ಗಳನ್ನ ಖರೀದಿಸಬಹುದು.
ಎಸ್ ಬಿಐ ಬ್ಯಾಂಕ್ ಮೂಲಕ ಆನ್ ಲೈನ್ ನಲ್ಲಿ ಸಾವರಿನ್ ಗೋಲ್ಡ್ ಬಾಂಡ್ ಖರೀದಿಸಲು ಈ ಹಂತಗಳನ್ನ ಅನುಸರಿಸಿ
ಹಂತ 1: ಮೊದಲಿಗೆ ಎಸ್ ಬಿಐ ನೆಟ್ ಬ್ಯಾಂಕಿಂಗ್ ಗೆ ಲಾಗಿನ್ ಆಗಿ.
ಹಂತ 2: ಮುಖ್ಯ ಮೆನುವಿನಿಂದ ‘e-Service’ಮೇಲೆ ಕ್ಲಿಕ್ ಮಾಡಿ.
ಹಂತ 3: ‘Sovereign Gold Bond Scheme’ ಮೇಲೆ ಕ್ಲಿಕ್ ಮಾಡಿ.
ಹಂತ 4:’Purchase’ಆಯ್ಕೆ ಮಾಡಿ.
ಹಂತ 5: ‘Terms and Conditions’ಆಯ್ಕೆ ಮಾಡಿ.‘Proceed’ಮೇಲೆ ಕ್ಲಿಕ್ ಮಾಡಿ.
ಹಂತ 6: ‘ಚಂದಾದಾರಿಕೆ ಪ್ರಮಾಣ ಹಾಗೂ ನಾಮಿನಿ ಮಾಹಿತಿಗಳನ್ನು ನಮೂದಿಸಿ.
ಹಂತ 7: ‘Submit’ಮೇಲೆ ಕ್ಲಿಕ್ ಮಾಡಿ.
ಹಂತ 8: ಒಟಿಪಿ ನಮೂದಿಸಿ ‘Confirm’ಮೇಲೆ ಕ್ಲಿಕ್ ಮಾಡಿ.
ವಿದ್ಯಾರ್ಥಿಗಳೇ ಗಮನಿಸಿ ; CBSE 10, 12ನೇ ತರಗತಿ ‘ಪರೀಕ್ಷಾ ವೇಳಾಪಟ್ಟಿ’ ಇಂದು ಬಿಡುಗಡೆ, ಈ ‘ವೆಬ್ಸೈಟ್’ ಪರಿಶೀಲಿಸಿ
ಮೊಬೈಲ್ ಮೂಲಕ ವೋಟರ್ ಐಡಿಯೊಂದಿಗೆ ಆಧಾರ್ ಕಾರ್ಡ್ ಅನ್ನು ಲಿಂಕ್ ಮಾಡುವುದು ಹೇಗೆ? ಇಲ್ಲಿದೆ ಮಾಹಿತಿ
