ಸಹರಾನ್ಪುರ : ಸಹರಾನ್ಪುರ ಕ್ರೀಡಾಂಗಣದ ಶೌಚಾಲಯದಲ್ಲಿ ಅನ್ನ ಬೇಯಿಸುತ್ತಿರುವ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿದ್ದು, ಇದು ದೊಡ್ಡ ವಿವಾದಕ್ಕೆ ಕಾರಣವಾಗಿದೆ.
ಸಹರಾನ್ಪುರ ಜಿಲ್ಲೆಯಲ್ಲಿ ಶುಕ್ರವಾರ (ಸೆಪ್ಟೆಂಬರ್ 16) ಪ್ರಾರಂಭವಾದ ಮೂರು ದಿನಗಳ ರಾಜ್ಯ ಮಟ್ಟದ ಅಂಡರ್ -17 ಬಾಲಕಿಯರ ಕಬಡ್ಡಿ ಪಂದ್ಯಾವಳಿಯಲ್ಲಿ ಭಾಗವಹಿಸುತ್ತಿರುವ ಸುಮಾರು 200 ಆಟಗಾರರಿಗೆ ‘ಅದೇ ಅನ್ನ’ ನೀಡಲಾಗಿದೆ ಎಂದು ಆರೋಪಿಸಲಾಗಿದೆ.
ಸಹರಾನ್ಪುರದ ಕ್ರೀಡಾ ಅಧಿಕಾರಿ ಅನಿಮೇಶ್ ಸಕ್ಸೇನಾ ಈ ಆರೋಪಗಳನ್ನು ತಳ್ಳಿಹಾಕಿದ್ದು, ಅವು ಆಧಾರರಹಿತ ಎಂದು ಹೇಳಿದ್ದಾರೆ. “ಇಲ್ಲಿನ ಆಟಗಾರರಿಗೆ ನೀಡುವ ಆಹಾರವು ಉತ್ತಮ ಗುಣಮಟ್ಟದ್ದಾಗಿದೆ. ಈಜುಕೊಳದ ಬಳಿಯ ಸಾಂಪ್ರದಾಯಿಕ ಇಟ್ಟಿಗೆ ಒಲೆಯಲ್ಲಿ ಅನ್ನ, ದಾಲ್ ಮತ್ತು ಸಬ್ಜಿ ಸೇರಿದಂತೆ ಆಹಾರವನ್ನ ದೊಡ್ಡ ಪಾತ್ರೆಗಳಲ್ಲಿ ಬೇಯಿಸಲಾಯಿತು” ಎಂದು ಅವರು ಹೇಳಿದರು.
ಶಿಬಿರದಲ್ಲಿದ್ದ ಒಬ್ಬ ಆಟಗಾರ, “ಪಾತ್ರೆಯಿಂದ ಬೇಯಿಸಿದ ಅಕ್ಕಿಯನ್ನ ಒಂದು ದೊಡ್ಡ ತಟ್ಟೆಯಲ್ಲಿ ಹೊರತೆಗೆಯಲಾಯಿತು ಮತ್ತು ಗೇಟಿನ ಬಳಿಯ ಶೌಚಾಲಯದ ನೆಲದ ಮೇಲೆ ಇರಿಸಲಾಯಿತು. ಆ ತಟ್ಟೆಯ ಪಕ್ಕದಲ್ಲಿ ನೆಲದ ಮೇಲಿದ್ದ ಒಂದು ಕಾಗದದ ತುಂಡಿನ ಮೇಲೆ ಉಳಿದ ‘ಪೂರಿಗಳು’ ಇದ್ದವು. ನಂತರ ಅನ್ನವನ್ನು ಆಟಗಾರರಿಗೆ ಊಟಕ್ಕೆ ಬಡಿಸಲಾಯಿತು” ಎಂದಿದ್ದಾರೆ.
ಕೆಲವು ಆಟಗಾರರು ಈ ವಿಷಯವನ್ನ ಕ್ರೀಡಾಂಗಣದ ಅಧಿಕಾರಿಯ ಮುಂದೆ ಎತ್ತಿದರು. ಕ್ರೀಡಾ ಅಧಿಕಾರಿ ಅನಿಮೇಶ್ ಸಕ್ಸೇನಾ ಅವರಿಗೆ ಮಾಹಿತಿ ನೀಡಿದ್ದು, ಅಡುಗೆಯವರನ್ನ ‘ಛೀಮಾರಿ’ ಹಾಕಿದರು.
