ಇನ್ಸ್ಟಾಗ್ರಾಮ್, ಫೇಸ್ಬುಕ್ಗಳಲ್ಲಿ ರಾತ್ರೋರಾತ್ರಿ ವೈರಲ್ ಆಗಬೇಕು, ಸೆಲೆಬ್ರಿಟಿ ಆಗಬೇಕು ಎನ್ನುವ ಹುಚ್ಚು ಜನರ ತಲೆಗೆ ಎಷ್ಟು ಕಟುವಾಗಿ ಏರಿದೆ ಎಂದರೆ, ಅದಕ್ಕಾಗಿ ಅವರು ತಮ್ಮ ಹಾಗೂ ತಮ್ಮ ಹೆತ್ತ ಮಕ್ಕಳ ಪ್ರಾಣವನ್ನೂ ಪಣಕ್ಕಿಡಲು ಹಿಂಜರಿಯುತ್ತಿಲ್ಲ.
ದಿನದಿಂದ ದಿನಕ್ಕೆ ಇಂತಹ ಮನಕಲಕುವ ಘಟನೆಗಳು ಬೆಳಕಿಗೆ ಬರುತ್ತಿದ್ದರೂ, ಈ ಕ್ರೂರ ತಾಯಿಯ ಅಮಾನವೀಯ ಕೃತ್ಯ ನೋಡಿ ಇಡೀ ಸೋಷಿಯಲ್ ಮೀಡಿಯಾ ಬೆಚ್ಚಿಬಿದ್ದಿದೆ. ಆಡುತ್ತಾ ಆಡುತ್ತಾ ಮಗುವಿನ ಕೊರಳಿಗೆ ಹಗ್ಗ ಸಿಲುಕಿಕೊಂಡಿದೆ. ಉಸಿರುಗಟ್ಟಿ ಮಗು ಪ್ರಾಣಭಯದಿಂದ “ಅಮ್ಮಾ ಕಾಪಾಡು” ಎಂದು ರೋದಿಸುತ್ತಿದ್ದರೂ, ಆ ಮಹಿಳೆ ಮಾತ್ರ ಸಹಾಯ ಮಾಡುವುದನ್ನು ಬಿಟ್ಟು ಮೊಬೈಲ್ನಲ್ಲಿ ವಿಡಿಯೋ (ರೀಲ್ಸ್) ಮಾಡುವುದರಲ್ಲಿ ಬ್ಯುಸಿಯಾಗಿದ್ದಾಳೆ. ಈ ದೃಶ್ಯಗಳನ್ನು ಕಂಡು ನೆಟ್ಟಿಗರ ಮೈಮನ ಜುಂ ಎನ್ನುತ್ತಿದೆ.
ರೀಲ್ಸ್ ಹುಚ್ಚಿನಲ್ಲಿ ಮಗುವಿನ ಪ್ರಾಣಕ್ಕೆ ಕುತ್ತು ತಂದ ತಾಯಿ!
ಕರುಳು ಹಿಂಡುವ ಈ ಘಟನೆಗೆ ಸಂಬಂಧಿಸಿದ ವೈರಲ್ ವಿಡಿಯೋವನ್ನು ‘ರೋಹಿತ್ ಸಿಂಗ್’ ಎಂಬುವವರು ತಮ್ಮ ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋಗೆ ಶೀರ್ಷಿಕೆ ನೀಡಿರುವ ಅವರು, “ಮಗುವಿನ ಕುತ್ತಿಗೆಗೆ ಹಗ್ಗ ಸಿಲುಕಿಕೊಂಡಿದೆ, ಅಮ್ಮ ಕಾಪಾಡು ಎಂದು ಮಗು ಕಿರುಚಾಡುತ್ತಿದೆ. ಇಂತಹ ನಿರ್ಲಕ್ಷ್ಯದಿಂದ ಪ್ರಾಣವೇ ಹೋಗಬಹುದು. ಆದರೆ ಆ ತಾಯಿ ಮಾತ್ರ ವಿಡಿಯೋ ಮಾಡುವುದರಲ್ಲೇ ಮಗ್ನಳಾಗಿದ್ದಾಳೆ. ಸೋಶಿಯಲ್ ಮೀಡಿಯಾ ಎಂಬುದು ಈಗ ಹಳ್ಳಿಗಳಿಗೂ ಕ್ಯಾನ್ಸರ್ ರೋಗದಂತೆ ಹರಡುತ್ತಿದೆ” ಎಂದು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
ವಿಡಿಯೋದಲ್ಲಿ ಕಾಣಿಸುವಂತೆ, ಬಾಲಕನು ಆಟವಾಡುತ್ತಿರುವಾಗ ಆಕಸ್ಮಿಕವಾಗಿ ಹಗ್ಗವನ್ನು ತನ್ನ ಕುತ್ತಿಗೆಗೆ ಸುತ್ತಿಕೊಂಡಿದ್ದಾನೆ. ಆ ಬಳಿಕ ಉಸಿರಾಡಲು ಕಷ್ಟಪಟ್ಟು ಒದ್ದಾಡುತ್ತಾ, “ಅಮ್ಮಾ.. ಅಮ್ಮಾ..” ಎಂದು ಕಿರುಚಿದ್ದಾನೆ. ಆದರೆ ಹೆತ್ತ ಕರುಳಿನ ಮಮತೆಯನ್ನೇ ಮರೆತ ಆ ತಾಯಿ, ಮಗುವನ್ನು ರಕ್ಷಿಸುವ ಬದಲು ಕ್ಯಾಮೆರಾ ಹಿಡಿದು ವಿಡಿಯೋ ರೆಕಾರ್ಡ್ ಮಾಡಲು ಆದ್ಯತೆ ನೀಡಿದ್ದಾಳೆ. ಈ ಘಟನೆ ಕೇವಲ ನಿರ್ಲಕ್ಷ್ಯ ಮಾತ್ರವಲ್ಲ, ಒಂದು ರೀತಿಯ ಕ್ರೂರತೆ ಮತ್ತು ಮಾನಸಿಕ ವಿಕೃತಿಗೆ ಕೈಗನ್ನಡಿಯಾಗಿದೆ. ಹಗ್ಗ ಸಿಲುಕಿರುವ ಭೀಕರತೆಯನ್ನು ನೋಡಿದರೆ, ಸ್ವಲ್ಪ ಹೆಚ್ಚು ಕಡಿಮೆಯಾಗಿದ್ದರೂ ಮಗುವಿನ ಜೀವಕ್ಕೆ ಅಪಾಯವಾಗುತ್ತಿತ್ತು ಎಂಬುದು ಸ್ಪಷ್ಟವಾಗಿ ತಿಳಿಯುತ್ತದೆ.
ಮಹಿಳೆಯ ವಿರುದ್ಧ ಕಠಿಣ ಕ್ರಮಕ್ಕೆ ನೆಟ್ಟಿಗರ ಆಗ್ರಹ
ಈ ಘೋರ ಘಟನೆ ಯಾವಾಗ ಮತ್ತು ಎಲ್ಲಿ ನಡೆದಿದೆ ಎಂಬ ಅಧಿಕೃತ ಮಾಹಿತಿ ಇನ್ನು ಲಭ್ಯವಾಗಿಲ್ಲ. ಆದರೆ, ಮೇ 15, 2026 ರಂದು ಎಕ್ಸ್ ಪ್ಲಾಟ್ಫಾರ್ಮ್ನಲ್ಲಿ ಈ ವಿಡಿಯೋವನ್ನು ಅಪ್ಲೋಡ್ ಮಾಡಲಾಗಿದ್ದು, ಈಗಾಗಲೇ 38,000 ಕ್ಕೂ ಹೆಚ್ಚು ವೀಕ್ಷಣೆಗಳನ್ನು (Views) ಪಡೆದುಕೊಂಡಿದೆ. ವಿಡಿಯೋ ನೋಡಿದ ನೆಟ್ಟಿಗರು ಆ ತಾಯಿಯ ವಿರುದ್ಧ ಕೆಂಡಾಮಂಡಲರಾಗಿದ್ದು, ಹೀಗೆ ಕಮೆಂಟ್ ಮಾಡುತ್ತಿದ್ದಾರೆ. ಹೆತ್ತ ತಾಯಿಯೇ ಆಗಿ ಇವಳು ಮಗುವಿಗೆ ಶತ್ರುವಿನಂತೆ ವರ್ತಿಸಿದ್ದಾಳೆ” ಎಂದು ಒಬ್ಬರು ಬರೆದಿದ್ದಾರೆ.”ರೀಲ್ಸ್ ಹುಚ್ಚು ಮುದಿರಿರುವ ಈ ರಾಕ್ಷಸಿ ವಿರುದ್ಧ ಕಠಿಣ ಕಾನೂನು ಕ್ರಮ ಕೈಗೊಳ್ಳಬೇಕು” ಎಂದು ಮತ್ತೊಬ್ಬರು ಆಗ್ರಹಿಸಿದ್ದಾರೆ.ಮಕ್ಕಳು ಇಂತಹ ಅಪಾಯಕಾರಿ ಆಟಗಳನ್ನು ಆಡುವುದು ಪ್ರಾಣಕ್ಕೇ ಕುತ್ತು ತರಬಹುದು, ಪೋಷಕರು ಎಚ್ಚರದಿಂದಿರಬೇಕು” ಎಂದು ಮೂರನೆಯವರು ಎಚ್ಚರಿಸಿದ್ದಾರೆ. ಸದ್ಯ ಇಡೀ ಸಾಮಾಜಿಕ ಜಾಲತಾಣದಲ್ಲಿ ಈ ವಿಡಿಯೋ ಭಾರೀ ಚರ್ಚೆಗೆ ಕಾರಣವಾಗಿದ್ದು, ಆ ಮಹಿಳೆಯನ್ನು ಪತ್ತೆಹಚ್ಚಿ ಕಠಿಣ ಶಿಕ್ಷೆ ವಿಧಿಸಬೇಕೆಂದು ಸಾರ್ವಜನಿಕರು ಒತ್ತಾಯಿಸುತ್ತಿದ್ದಾರೆ.
बच्चा के गले में रस्सी डाल दी बच्चा चिलाता रहा मम्मी बचाओ ऐसा लापरवाही में जान जा सकता था
लेकिन मां के वीडियो बनाती रही सोशल मीडिया अब गांव में भी कैंसर के बीमारी जैसा फैल गया है pic.twitter.com/Z2I9U2YlWJ
— ROHIT SINGH (@desHi__chora) May 15, 2026
