ರೈಲಿನಲ್ಲಿ ಆಗಾಗ್ಗೆ ಪ್ರಯಾಣಿಸುವವರಿಗೆ ಈ ಮಾಹಿತಿ ಬಹಳ ಉಪಯುಕ್ತವಾಗಬಹುದು. ಕೊನೆಯ ಕ್ಷಣದ ಪ್ರಯಾಣದ ಯೋಜನೆಗಳು ಪ್ರಯಾಣಿಕರನ್ನು ಕನ್ಫರ್ಮ್ ಟಿಕೆಟ್ ಪಡೆಯಲು ಪರದಾಡುವಂತೆ ಮಾಡುತ್ತವೆ, ಇದರಿಂದಾಗಿ ಅನೇಕರು ವೇಟ್ಲಿಸ್ಟ್ (Waitlisted) ಟಿಕೆಟ್ಗಳನ್ನೇ ನಂಬಿ ಪ್ರಯಾಣಿಸಬೇಕಾಗುತ್ತದೆ.
ಕೆಲವರು ಖಾಲಿ ಬರ್ತ್ ಪಡೆಯಲು ಟಿಟಿಇ (TTE) ಬಳಿ ಮನವಿ ಮಾಡುತ್ತಾರೆ, ಆದರೆ ಅದು ಯಾವಾಗಲೂ ಯಶಸ್ವಿಯಾಗುತ್ತದೆ ಎಂದು ಹೇಳಲಾಗದು. ಚಲಿಸುವ ರೈಲಿನಲ್ಲಿರುವ ಖಾಲಿ ಸೀಟುಗಳನ್ನು ಪತ್ತೆಹಚ್ಚಿ, ನಂತರ ಟಿಟಿಇ ಬಳಿ ಹೋಗಿ ಸೀಟು ಪಡೆಯಲು ಐಆರ್ಸಿಟಿಸಿ (IRCTC) ಸೌಲಭ್ಯವೊಂದನ್ನು ಕಲ್ಪಿಸಿದೆ ಎಂಬುದು ಅನೇಕರಿಗೆ ತಿಳಿದಿಲ್ಲ.
ಇದನ್ನು ಹೇಗೆ ಮಾಡುವುದು ಎಂಬ ಮಾಹಿತಿ ಇಲ್ಲಿದೆ:
ಐಆರ್ಸಿಟಿಸಿಯ ಈ ಫೀಚರ್ ಏನು?
ಖಾಲಿ ಸೀಟುಗಳ ಬಗ್ಗೆ ತಿಳಿಯಲು ಐಆರ್ಸಿಟಿಯು ವಿಶೇಷ ಫೀಚರ್ ಅನ್ನು ಹೊಂದಿದೆ. ರೈಲಿನ ಚಾರ್ಟ್ ಸಿದ್ಧವಾದ ನಂತರ, ಲೈವ್ ರಿಸರ್ವೇಶನ್ ಚಾರ್ಟ್ ಆನ್ಲೈನ್ನಲ್ಲಿ ಲಭ್ಯವಾಗುತ್ತದೆ. ಇದು ಕೋಚ್ವಾರು ಖಾಲಿ ಸೀಟುಗಳು ಮತ್ತು ಬರ್ತ್ಗಳನ್ನು ತೋರಿಸುತ್ತದೆ. ಇದರಿಂದ ವೇಟ್ಲಿಸ್ಟ್ ಟಿಕೆಟ್ ಹೊಂದಿರುವ ಪ್ರಯಾಣಿಕರು ಖಾಲಿ ಸೀಟುಗಳ ಲಭ್ಯತೆಯನ್ನು ಪರಿಶೀಲಿಸಿ ಟಿಟಿಇ ಬಳಿ ಸೀಟು ಪಡೆಯಲು ವಿನಂತಿಸಬಹುದು.
ಖಾಲಿ ಸೀಟು ಪಡೆಯುವುದು ಹೇಗೆ?
ರೈಲಿನಲ್ಲಿ ಖಾಲಿ ಸೀಟು ಪಡೆಯಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ:
ಮೊದಲನೆಯದಾಗಿ, ಐಆರ್ಸಿಟಿಸಿಯ ಅಧಿಕೃತ ವೆಬ್ಸೈಟ್ಗೆ ಹೋಗಿ ಅಥವಾ ‘ರೈಲ್ ಕನೆಕ್ಟ್’ (Rail Connect) ಆ್ಯಪ್ ತೆರೆಯಿರಿ.
ನಂತರ ಹೋಮ್ ಪೇಜಿನಲ್ಲಿರುವ ‘Charts / Vacancy’ ಎಂಬ ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
ಆಗ ನಿಮ್ಮ ಪರದೆಯ ಮೇಲೆ ‘ರಿಸರ್ವೇಶನ್ ಚಾರ್ಟ್’ ಪುಟ ತೆರೆಯುತ್ತದೆ.
ಈ ಪುಟದಲ್ಲಿ ರೈಲು ಸಂಖ್ಯೆ, ಪ್ರಯಾಣದ ದಿನಾಂಕ ಮತ್ತು ಬೋರ್ಡಿಂಗ್ ಸ್ಟೇಷನ್ ನಮೂದಿಸಿ, ನಂತರ ‘Get Train Chart’ ಮೇಲೆ ಕ್ಲಿಕ್ ಮಾಡಿ.
ಈಗ ರೈಲಿನ ಚಾರ್ಟ್ ಕ್ಲಾಸ್-ವಾರು ವಿನ್ಯಾಸದಲ್ಲಿ ನಿಮ್ಮ ಪರದೆಯ ಮೇಲೆ ಕಾಣಿಸುತ್ತದೆ.
ನಿಮ್ಮ ಕೋಚ್ ಪ್ರಕಾರವನ್ನು ಆಯ್ಕೆ ಮಾಡಿ, ಅಲ್ಲಿ ನಿಮಗೆ ಖಾಲಿ ಇರುವ ಸೀಟುಗಳ ಸಂಪೂರ್ಣ ಪಟ್ಟಿ ಸಿಗುತ್ತದೆ.
ಖಾಲಿ ಬರ್ತ್ ಪತ್ತೆಹಚ್ಚಿದ ನಂತರ, ಆ ಕೋಚ್ ಮತ್ತು ಸೀಟು ಸಂಖ್ಯೆಯನ್ನು ಗಮನಿಸಿ ತಕ್ಷಣ ಟಿಟಿಇಯನ್ನು ಭೇಟಿ ಮಾಡಿ. ಸೀಟು ಇನ್ನೂ ಲಭ್ಯವಿದ್ದರೆ, ರೈಲ್ವೆ ನಿಯಮಗಳ ಪ್ರಕಾರ ಟಿಟಿಇ ಅದನ್ನು ನಿಮಗೆ ಹಂಚಿಕೆ ಮಾಡಬಹುದು. ನೀವು ಅಗತ್ಯವಿರುವ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ, ಅದರ ನಂತರ ನಿಮಗೆ ರಸೀದಿ ನೀಡಲಾಗುತ್ತದೆ ಮತ್ತು ನೀವು ಆ ಸೀಟಿನಲ್ಲಿ ಪ್ರಯಾಣಿಸಬಹುದು.
