ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋವೊಂದು ನೆಟ್ಟಿಗರ ರಕ್ತ ಕುದಿಯುವಂತೆ ಮಾಡಿದೆ. ಕುಡಿದ ಅಮಲಿನಲ್ಲಿ ಮಹಿಳೆಯೊಬ್ಬಳು ರಸ್ತೆ ಬದಿಯಲ್ಲೇ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಬಿದ್ದಿದ್ದರೆ, ಆಕೆಯ ಪಕ್ಕದಲ್ಲೇ ಕೂಸು ಹಸಿದು ಕಣ್ಣೀರಿಡುತ್ತಿರುವ ಹೃದಯವಿದ್ರಾವಕ ಘಟನೆ ನಡೆದಿದೆ.
ವೈರಲ್ ಆಗಿರುವ ವಿಡಿಯೋದಲ್ಲಿ, ಮಹಿಳೆ ರಸ್ತೆಯ ಬದಿಯಲ್ಲಿ ಸಂಪೂರ್ಣವಾಗಿ ಪ್ರಜ್ಞೆ ತಪ್ಪಿ ಬಿದ್ದಿರುವುದನ್ನು ಕಾಣಬಹುದು. ಆಕೆಯ ಪಕ್ಕದಲ್ಲೇ ಇರುವ ಪುಟ್ಟ ಮಗು, ತಾಯಿಯ ಬಟ್ಟೆಯನ್ನು ಎಳೆಯುತ್ತಾ, ಹಸಿವಿನಿಂದ ಅಳುತ್ತಾ ರಸ್ತೆಯತ್ತ ತೆವಳುತ್ತಾ ಸಾಗುತ್ತಿದೆ. ಮಗು ಅಪಾಯಕಾರಿ ವಾಹನಗಳ ಸಂಚಾರವಿರುವ ರಸ್ತೆಯ ಹತ್ತಿರಕ್ಕೆ ಹೋದರೂ ತಾಯಿ ಮಾತ್ರ ಎಚ್ಚರಗೊಳ್ಳದ ಸ್ಥಿತಿಯಲ್ಲಿದ್ದಾಳೆ.
ವಿಡಿಯೋ ಚಿತ್ರೀಕರಿಸಿದವರು ಹಾಗೂ ಅಲ್ಲಿಂದ ಹಾದುಹೋದವರು ಮಗುವಿನ ರಕ್ಷಣೆಗೆ ತಕ್ಷಣ ಧಾವಿಸದೆ, ವಿಡಿಯೋ ಮಾಡುತ್ತಾ ನಿಂತಿರುವುದು ಸಾರ್ವಜನಿಕರ ಕೆಂಗಣ್ಣಿಗೆ ಗುರಿಯಾಗಿದೆ.ಮಗು ಅಪಾಯದಲ್ಲಿದ್ದಾಗ ಸಮಾಜ ಹೇಗೆ ಸ್ಪಂದಿಸುತ್ತದೆ ಎಂಬುದು ಇಲ್ಲಿ ಮುಖ್ಯವಾಗುತ್ತದೆ” ಎಂದು ಮಕ್ಕಳ ಕಲ್ಯಾಣ ಕಾರ್ಯಕರ್ತರು ಆತಂಕ ವ್ಯಕ್ತಪಡಿಸಿದ್ದಾರೆ.
ಇದು ಅತ್ಯಂತ ನೋವಿನ ಸಂಗತಿ, ಮಗುವಿಗೆ ಮೊದಲು ರಕ್ಷಣೆ ಸಿಗಬೇಕು” ಎಂದು ಒಬ್ಬರು ಕಾಮೆಂಟ್ ಮಾಡಿದರೆ, “ಆ ತಾಯಿಗೆ ಕುಡಿತದ ವ್ಯಸನವಿದ್ದರೆ ತಕ್ಷಣ ಆಕೆಯನ್ನು ಪುನರ್ವಸತಿ ಕೇಂದ್ರಕ್ಕೆ ಸೇರಿಸಿ, ಮಗುವನ್ನು ಸುರಕ್ಷಿತ ಸ್ಥಳಕ್ಕೆ ಸ್ಥಳಾಂತರಿಸಬೇಕು” ಎಂದು ಮತ್ತೊಬ್ಬರು ಆಗ್ರಹಿಸಿದ್ದಾರೆ.
ಅಧಿಕಾರಿಗಳ ಕ್ರಮಕ್ಕೆ ಆಗ್ರಹ:
ಈ ವಿಡಿಯೋ ವೈರಲ್ ಬೆನ್ನಲ್ಲೇ, ಸಂಬಂಧಪಟ್ಟ ಅಧಿಕಾರಿಗಳು ತಕ್ಷಣವೇ ಈ ಮಹಿಳೆಯನ್ನು ಪತ್ತೆಹಚ್ಚಿ ಮಗುವಿಗೆ ಸೂಕ್ತ ರಕ್ಷಣೆ ನೀಡಬೇಕು ಎಂಬ ಒತ್ತಾಯ ಕೇಳಿಬಂದಿದೆ. ಆ ಮಹಿಳೆ ಬಡತನ ಅಥವಾ ಕೌಟುಂಬಿಕ ದೌರ್ಜನ್ಯಕ್ಕೆ ಒಳಗಾಗಿದ್ದಾಳೆಯೇ ಅಥವಾ ಇದು ಕೇವಲ ನಿರ್ಲಕ್ಷ್ಯವೇ ಎಂಬುದನ್ನು ತನಿಖೆ ಮಾಡಬೇಕೆಂದು ಸಾರ್ವಜನಿಕರು ಒತ್ತಾಯಿಸುತ್ತಿದ್ದಾರೆ.
She got drunk and slept on the road while her baby kept crying.
According to feminist girls, this is truly empowering.
I won’t say anything. It’s her choice.
Will you marry a woman like her? pic.twitter.com/LQe4ILDg0t
— ︎ ︎venom (@venom1s) May 13, 2026
