ಮೊರಾಕೊ : ಸ್ಪೇನ್, ಪೋರ್ಚುಗಲ್ ಮತ್ತು ಮೊರಾಕೊ ಜಂಟಿಯಾಗಿ 2030 ರ ಫಿಫಾ ವಿಶ್ವಕಪ್ ಅನ್ನು ಆಯೋಜಿಸಲಿವೆ. ಟೂರ್ನಿಗೆ ಇನ್ನೂ ಐದು ವರ್ಷಗಳು ಬಾಕಿ ಇದ್ದರೂ, ಮೊರಾಕೊದಲ್ಲಿ ಇದರ ಆತಿಥ್ಯ ವಹಿಸುವ ಬಗ್ಗೆ ಗಂಭೀರ ವಿವಾದ ಹುಟ್ಟಿಕೊಂಡಿದೆ.
ಈ ವಿವಾದವು ಲಕ್ಷಾಂತರ ಬೀದಿ ನಾಯಿಗಳ ಹತ್ಯೆಗೆ ಸಂಬಂಧಿಸಿದೆ, ಇದರ ಬಗ್ಗೆ ಅಂತರರಾಷ್ಟ್ರೀಯ ಪ್ರಾಣಿ ಹಕ್ಕುಗಳ ಸಂಸ್ಥೆಗಳು ಮೊರೊಕನ್ ಸರ್ಕಾರದ ವಿರುದ್ಧ ಗಂಭೀರ ಆರೋಪಗಳನ್ನು ಮಾಡಿವೆ.
Morocco plans to kill 3 million dogs ahead of FIFA World Cup#Morocco #FIFAWorldCup pic.twitter.com/G7WTwBD4Ad
— The Tatva (@thetatvaindia) January 16, 2025
ಮೊರೊಕ್ಕೊ ಸರ್ಕಾರವು ಬೀದಿ ನಾಯಿಗಳನ್ನು ಕೊಲ್ಲುವ ಕ್ರೂರ ಅಭಿಯಾನವನ್ನು ನಡೆಸುತ್ತಿದೆ ಎಂದು ಅಂತರರಾಷ್ಟ್ರೀಯ ಪ್ರಾಣಿ ಕಲ್ಯಾಣ ರಕ್ಷಣಾ ಒಕ್ಕೂಟ (IAWPC) ಆರೋಪಿಸಿದೆ. ಮೊರಾಕೊದಲ್ಲಿ ಸ್ವಚ್ಛತಾ ಅಭಿಯಾನದ ಹೆಸರಿನಲ್ಲಿ, ಈ ನಾಯಿಗಳಿಗೆ ಬಹಿರಂಗವಾಗಿ ವಿಷಪ್ರಾಶನ ಮಾಡಿ, ಗುಂಡು ಹಾರಿಸಿ, ನಂತರ ಅವುಗಳ ದೇಹಗಳನ್ನು ಸಾಮೂಹಿಕ ಸಮಾಧಿಗಳಲ್ಲಿ ಎಸೆಯಲಾಗುತ್ತಿದೆ ಎಂದು IAWPC ಹೇಳುತ್ತದೆ.
“ಇನ್ ಡಿಫೆನ್ಸ್ ಆಫ್ ಅನಿಮಲ್ಸ್” ಎಂಬ ವೆಬ್‌ಸೈಟ್‌ನಲ್ಲಿ ಪ್ರಕಟವಾದ ವರದಿಯಲ್ಲಿ IAWPC ಮುಖ್ಯಸ್ಥೆ ಡೆಬೊರಾ ವಿಲ್ಸನ್, ಈ ಕ್ರಮವನ್ನು ತಡೆಯಲು ಮೊರೊಕನ್ ಸರ್ಕಾರವು ಯಾವುದೇ ನಿರ್ದಿಷ್ಟ ಕ್ರಮಗಳನ್ನು ತೆಗೆದುಕೊಂಡಿಲ್ಲ ಎಂದು ಹೇಳಿದ್ದಾರೆ. ಬದಲಾಗಿ, ಮೊರಾಕೊ 2030 ರ FIFA ವಿಶ್ವಕಪ್ ಅನ್ನು ಆಯೋಜಿಸುವ ಹಕ್ಕನ್ನು ಗೆದ್ದ ನಂತರ ಹತ್ಯೆಗಳು ಹೆಚ್ಚಾದವು.
ಆಗಸ್ಟ್ 2024 ರಿಂದ ಅಲ್ಲಿ ನಾಯಿಗಳ ಹತ್ಯೆಯನ್ನು ನಿಲ್ಲಿಸಲಾಗುವುದು ಎಂಬ ಮೊರೊಕನ್ ಸರ್ಕಾರದ ಹೇಳಿಕೆಯನ್ನು ಫಿಫಾ ಒಪ್ಪಿಕೊಂಡಿತ್ತು. ಮೊರೊಕನ್ ಸರ್ಕಾರವು ಬೀದಿ ನಾಯಿಗಳಿಗೆ ಚಿಕಿತ್ಸಾಲಯಗಳು ಮತ್ತು ಸಹಾಯ ಕಾರ್ಯಕ್ರಮಗಳನ್ನು ವಿಸ್ತರಿಸಲು ಸಂಪನ್ಮೂಲಗಳನ್ನು ಮಂಜೂರು ಮಾಡಿದೆ ಎಂದು ಫಿಫಾ ವರದಿ ಹೇಳಿಕೊಂಡಿದೆ. ಆದಾಗ್ಯೂ, IAWPC ಮತ್ತು ಅದರ ಪಾಲುದಾರರು ಈ ಹೇಳಿಕೆಯನ್ನು ಸುಳ್ಳು ಎಂದು ಸಾಬೀತುಪಡಿಸಲು ಸಾಕಷ್ಟು ಪುರಾವೆಗಳನ್ನು ಪ್ರಸ್ತುತಪಡಿಸಿದ್ದಾರೆ. ವರದಿಗಳ ಪ್ರಕಾರ, ಮೊರಾಕೊದಲ್ಲಿ ನಾಯಿಗಳನ್ನು ಕೊಲ್ಲುವ ಸರ್ಕಾರದ ಅಭಿಯಾನ ಇನ್ನೂ ಮುಂದುವರೆದಿದ್ದು, ಅದನ್ನು ನಿಲ್ಲಿಸುವ ಬದಲು ಇನ್ನೂ ಹೆಚ್ಚಾಗಿದೆ.
