ಬೆಂಗಳೂರು: ರಾಜ್ಯಾದ್ಯಂತ 2026ನೇ ಸಾಲಿನ ದ್ವಿತೀಯ ಪಿಯುಸಿ ‘ಪರೀಕ್ಷೆ-2’ ಇಂದಿನಿಂದ (ಏಪ್ರಿಲ್ 30) ಆರಂಭವಾಗುತ್ತಿದ್ದು, ಮೇ 13ರವರೆಗೆ ನಡೆಯಲಿದೆ ಎಂದು ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯನಿರ್ಣಯ ಮಂಡಳಿ ತಿಳಿಸಿದೆ.
ಒಟ್ಟು ನೋಂದಾಯಿತ ವಿದ್ಯಾರ್ಥಿಗಳು 1,72,151 ವಿದ್ಯಾರ್ಥಿಗಳು, 92,554 (ಹುಡುಗರು), ವಿದ್ಯಾರ್ಥಿನಿಯರು: 79,597 (ಹುಡುಗಿಯರು), ಅಂಕ ಸುಧಾರಣೆಗಾಗಿ (Improvement): 49,512 ವಿದ್ಯಾರ್ಥಿಗಳು, ಉಳಿದವರು ಪರೀಕ್ಷೆ-1ರಲ್ಲಿ ಅನುತ್ತೀರ್ಣರಾದವರು (82,765), ಖಾಸಗಿ ಅಭ್ಯರ್ಥಿಗಳು (794) ಮತ್ತು ಪುನರಾವರ್ತಿತ ಅಭ್ಯರ್ಥಿಗಳು (29,099).
ವಿದ್ಯಾರ್ಥಿಗಳಿಗೆ ಈ ನಿಯಮ ಪಾಲನೆ ಕಡ್ಡಾಯ
ಮುಖ್ಯ ಅಧೀಕ್ಷಕರು ಕ್ಯಾಮರಾ ಹೊಂದಿರದ ಸಾಮಾನ್ಯ ಮೊಬೈಲ್ ಮಾತ್ರ ಇರಿಸಿಕೊಳ್ಳಬಹುದು.
ಎಲ್ಲಾ ಪರೀಕ್ಷಾ ಸಿಬ್ಬಂದಿಗಳು ಮತ್ತು ವಿದ್ಯಾರ್ಥಿಗಳು ಮೊಬೈಲ್, ಸ್ಮಾಟ್ ವಾಚ್ ಬಳಕೆ ನಿಷೇಧ
ಎಲೆಕ್ಟ್ರಾನಿಕ್ ಸಾಮಾಗ್ರಿಗಳನ್ನು ಒಯ್ಯುವುದು ಮತ್ತು ಬಳಸುವುದನ್ನು ನಿಷೇಧಿಸಿದೆ.
ಪರೀಕ್ಷಾ ಕೇಂದ್ರದೊಳಗೆ ಅನಧಿಕೃತ ವ್ಯಕ್ತಿಗಳ ಪ್ರವೇಶ, ಚಿತ್ರೀಕರಣ ಮುಂತಾದವುಗಳನ್ನು ಸಂಪೂರ್ಣವಾಗಿ ನಿಷೇಧಿಸಿದೆ.
ನಿಷೇಧಿತ ವಲಯದಲ್ಲಿ ಯಾವುದೇ ರೀತಿಯ ಸ್ಫೋಟಕ ವಸ್ತುಗಳನ್ನು ಕೊಂಡು ಹೋಗುವುದನ್ನು ಹಾಗೂ ಇನ್ನಿತರ ಮಾರಕ ಆಯುಧಗಳನ್ನು ಹೊಂದುವುದನ್ನು ನಿಷೇಧಿಸಿದೆ.
ನಿಷೇಧಿತ ವಲಯದಲ್ಲಿ ಪರೀಕ್ಷೆಗೆ ಸಂಬಂಧಿಸಿದ ಯಾವುದೇ ವಿಷಯಗಳನ್ನು, ಮಾಹಿತಿಯನ್ನು ರವಾನಿಸುವ, ತಿಳಿಸುವ ಸಲುವಾಗಿ ಸಂಜ್ಞೆಗಳನ್ನು ಮಾಡುವುದುಮುಂತಾದ ಕ್ರಿಯೆಗಳಲ್ಲಿ ತೊಡಗುವುದನ್ನು ಸಂಪೂರ್ಣವಾಗಿ ನಿಷೇಧಿಸಿದೆ.
ಪರೀಕ್ಷೆ ಪ್ರಾರಂಭವಾಗುವ ಒಂದು ಗಂಟೆ ಮುಂಚಿತವಾಗಿ ಹಾಗೂ ಪರೀಕ್ಷೆ ಮುಗಿಯುವ ವರೆಗೆ ಪರೀಕ್ಷಾ ಕೇಂದ್ರಗಳ 200 ಮೀಟರ್ ವ್ಯಾಪ್ತಿಯಲ್ಲಿರುವ ಜೆರಾಕ್ಸ್ ಅಂಗಡಿಗಳು ಕಾರ್ಯನಿರ್ವಹಿಸುವುದನ್ನು ಮತ್ತು ಈ ವ್ಯಾಪ್ತಿಯಲ್ಲಿ ಧ್ವನಿವರ್ಧಕ ಬಳಕೆಯನ್ನು ನಿಷೇಧಿಸಿದೆ.ಈ ಸಮಯದಲ್ಲಿ ವಿದ್ಯಾರ್ಥಿಗಳು ಪರೀಕ್ಷಾ ಪ್ರವೇಶ ಪತ್ರವನ್ನು ತೋರಿಸಿ ಬಿಎಂಟಿಸಿ ಸಾಮಾನ್ಯ ಬಸ್ಗಳಲ್ಲಿ ಉಚಿತವಾಗಿ ಪ್ರಯಾಣಿಸಲು ಅವಕಾಶ ಕಲ್ಪಿಸಲಾಗಿದೆ.
ಕೇಂದ್ರಗಳ ಸುತ್ತ ನಿಷೇಧಾಜ್ಞೆ
ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯ ನಿರ್ಣಯ ಮಂಡಳಿಯಿಂದ 2026 ರ ದ್ವಿತೀಯ ಪಿಯುಸಿ ಪರೀಕ್ಷೆ-2 ನ್ನು ಏಪ್ರಿಲ್, 30 ರಿಂದ ಮೇ, 13 ರವರೆಗೆ ಯಾವುದೇ ಅವ್ಯವಹಾರಗಳಿಲ್ಲದೆ ಸುಗಮವಾಗಿ ದ್ವಿತೀಯ ಪಿಯುಸಿ ಪರೀಕ್ಷೆ-2ನ್ನು ನಡೆಸುವ ಸಲುವಾಗಿ ಭಾರತೀಯ ನಾಗರಿಕ ಸುರಕ್ಷಾ ಸಂಹಿತೆ 2023 ರ ಕಲಂ 163 ರಡಿ ದತ್ತವಾದ ಅಧಿಕಾರದಂತೆ ಪರೀಕ್ಷಾ ಕೇಂದ್ರಗಳ ಸುತ್ತಲೂ 200 ಮೀಟರ್ ವ್ಯಾಪ್ತಿಯಲ್ಲಿನ ಪ್ರದೇಶವನ್ನು ನಿರ್ಭಂದಿತ ಸ್ಥಳ ಎಂದು ಘೋಷಿಸಲಾಗಿದೆ.
ಮೊದಲ ದಿನದ ಪರೀಕ್ಷೆ:
ಗುರುವಾರವಾದ ಇಂದು ಮೊದಲ ದಿನ ಕನ್ನಡ ಮತ್ತು ಅರೇಬಿಕ್ ಭಾಷಾ ಪರೀಕ್ಷೆಗಳು ನಡೆಯಲಿವೆ ಎಂದು ಮಂಡಳಿಯ ನಿರ್ದೇಶಕ ಗೋಪಾಲಕೃಷ್ಣ ಅವರು ಮಾಹಿತಿ ನೀಡಿದ್ದಾರೆ.
ಪರೀಕ್ಷಾ ವೇಳಾಪಟ್ಟಿ ಮುಖ್ಯಾಂಶಗಳು:
-
ಪರೀಕ್ಷೆ ಆರಂಭ: 30/04/2026 (ಗುರುವಾರ) – ವಿಷಯ: ಕನ್ನಡ, ಅರೇಬಿಕ್.
-
ಪರೀಕ್ಷೆ ಮುಕ್ತಾಯ: 13/05/2026 (ಬುಧವಾರ).
-
ಸಮಯ: ಹೆಚ್ಚಿನ ಪರೀಕ್ಷೆಗಳು ಬೆಳಿಗ್ಗೆ 10-00 ರಿಂದ ಮಧ್ಯಾಹ್ನ 1-00 ರವರೆಗೆ (3 ಗಂಟೆಗಳ ಅವಧಿ) ನಡೆಯಲಿವೆ.
-
ವೃತ್ತಿಪರ ಕೋರ್ಸ್ಗಳ ಸಮಯ: ಮಾಹಿತಿ ತಂತ್ರಜ್ಞಾನ, ರೀಟೈಲ್, ಆಟೋಮೊಬೈಲ್ ಸೇರಿದಂತೆ ಕೆಲವು ವೃತ್ತಿಪರ ವಿಷಯಗಳ ಪರೀಕ್ಷೆಯು ಮೇ 13 ರಂದು ಮಧ್ಯಾಹ್ನ 2-00 ರಿಂದ ಸಂಜೆ 4-15 ರವರೆಗೆ ನಡೆಯಲಿದೆ.
ಪ್ರಮುಖ ವಿಷಯಗಳ ಪರೀಕ್ಷಾ ದಿನಾಂಕಗಳು:
| ದಿನಾಂಕ | ವಿಷಯಗಳು |
| 30/04/2026 |
ಕನ್ನಡ, ಅರೇಬಿಕ್ |
| 02/05/2026 |
ಐಚ್ಛಿಕ ಕನ್ನಡ, ತರ್ಕಶಾಸ್ತ್ರ (Logic), ಲೆಕ್ಕಶಾಸ್ತ್ರ (Accountancy), ರಸಾಯನಶಾಸ್ತ್ರ (Chemistry) |
| 04/05/2026 |
ಇಂಗ್ಲೀಷ್ |
| 05/05/2026 |
ವ್ಯವಹಾರ ಅಧ್ಯಯನ (Business Studies), ಭೌತಶಾಸ್ತ್ರ (Physics), ಶಿಕ್ಷಣಶಾಸ್ತ್ರ (Education) |
| 06/05/2026 |
ಅರ್ಥಶಾಸ್ತ್ರ (Economics), ಜೀವಶಾಸ್ತ್ರ (Biology) |
| 07/05/2026 |
ಇತಿಹಾಸ (History), ಗಣಿತ (Mathematics), ಗೃಹವಿಜ್ಞಾನ (Home Science) |
| 08/05/2026 |
ರಾಜ್ಯಶಾಸ್ತ್ರ (Political Science), ವಿದ್ಯುನ್ಮಾನಶಾಸ್ತ್ರ (Electronics), ಗಣಕ ವಿಜ್ಞಾನ (Computer Science) |
| 09/05/2026 |
ಹಿಂದಿ |
| 11/05/2026 |
ಸಮಾಜಶಾಸ್ತ್ರ (Sociology), ಸಂಖ್ಯಾಶಾಸ್ತ್ರ (Statistics) |
| 12/05/2026 |
ಭೂಗೋಳ ಶಾಸ್ತ್ರ (Geography), ಮನಃಶಾಸ್ತ್ರ (Psychology), ಭೂಗರ್ಭ ಶಾಸ್ತ್ರ (Geology), ಮೂಲ ಗಣಿತ (Basic Maths) |
| 13/05/2026 |
ಸಂಸ್ಕೃತ, ಉರ್ದು, ಮರಾಠಿ, ಸಂಗೀತ ಮತ್ತು ವಿವಿಧ ವೃತ್ತಿಪರ ವಿಷಯಗಳು |
ಗಮನಿಸಿ: ಮೇ 1 (ಕಾರ್ಮಿಕರ ದಿನಾಚರಣೆ), ಮೇ 3 ಮತ್ತು ಮೇ 10 (ಭಾನುವಾರ) ರಂದು ಪರೀಕ್ಷೆಗಳಿಗೆ ರಜೆ ಇರುತ್ತದೆ.
ವಿದ್ಯಾರ್ಥಿಗಳು ಹೆಚ್ಚಿನ ಮಾಹಿತಿಗಾಗಿ ಮತ್ತು ಸಂಪೂರ್ಣ ವೇಳಾಪಟ್ಟಿಗಾಗಿ ಮಂಡಳಿಯ ಅಧಿಕೃತ ವೆಬ್ಸೈಟ್ ಅನ್ನು ಗಮನಿಸಬಹುದಾಗಿದೆ. ಪರೀಕ್ಷೆ ಬರೆಯುವ ಎಲ್ಲಾ ಅಭ್ಯರ್ಥಿಗಳಿಗೆ ಶುಭವಾಗಲಿ.
ವರದಿ; ವಸಂತ ಬಿ ಈಶ್ವರಗೆರೆ, ಸಂಪಾದಕರು…
