ಹಾಸನ : ಪ್ರಜ್ವಲ್‌ ರೇವಣ್ಣ ಅಶ್ಲೀಲ ವಿಡಿಯೋ ಪ್ರಕರಣ ಸಂಬಂಧ ಹಾಸನದ ಸೈಬರ್‌ ಕ್ರೈಂ ಪೊಲೀಸರು ಜೆಡಿಎಸ್‌ ಶಾಸಕ ಎ.ಮಂಜುರನ್ನು ವಿಚಾರಣೆ ನಡೆಸಿದ್ದಾರೆ.
ಇಂದು ಹಾಸನದ ಸೈಬರ್‌ ಕ್ರೈಂ ಪೊಲೀಸ್‌ ಠಾಣೆಯಲ್ಲಿ ಎಎಸ್‌ ಪಿ ಎಂ.ಕೆ. ತಮ್ಮಯ್ಯ ಅವರು ಅರಕಲಗೂಡು ಜೆಡಿಎಸ್‌ ಶಾಸಕ ಎ.ಮಂಜು ಅವರನ್ನು ಕರೆದು ವಿಚಾರಣೆ ನಡೆಸಿದ್ದಾರೆ.
ಶಾಸಕ ಎ. ಮಂಜುಗೆ ಪೆನ್‌ ಡ್ರೈ ಕೊಟ್ಟಿರುವುದಾಗಿ ನವೀನ್‌ ಗೌಡ ಫೇಸ್‌ ಬುಕ್‌ ನಲ್ಲಿ ಪೋಸ್ಟ್‌ ಹಾಕಿದ್ದ. ನವೀನ್‌ ಗೌಡನನ್ನು ಬಂಧಿಸಿ ವಿಚಾರಣೆ ನಡೆಸಿದ ಎಸ್‌ ಐಟಿ ಅಧಿಕಾರಿಗಳಿಗೆ ನವೀನ್‌ ಕೊಟ್ಟ ಮಾಹಿತಿ ಆಧಾರಿಸಿ ಎ.ಮಂಜುಗೆ ವಿಚಾರಣೆಗೆ ಹಾಜರಾಗುವಂತೆ ನೋಟಿಸ್ ನೀಡಲಾಗಿತ್ತು. ಈ ಹಿನ್ನೆಲೆಯಲ್ಲಿ ಎ. ಮಂಜು ಇಂದು ವಿಚಾರಣೆಗೆ ಹಾಜರಾಗಿದ್ದರು.
