ನವದೆಹಲಿ: ಪಿಎಂ ಕಿಸಾನ್ ಯೋಜನೆ(PM Kisan Yojana)ಯ ಫಲಾನುಭವಿ ರೈತರು ತಮ್ಮ ಇ-ಕೆವೈಸಿ(e-KYC)ಯನ್ನು ಡಿಸೆಂಬರ್ 31 ರೊಳಗೆ ಪರಿಶೀಲಿಸಿಕೊಳ್ಳುವಂತೆ ಕಡ್ಡಾಯಗೊಳಿಸಲಾಗಿದೆ
ʻಪಿಎಂ-ಕಿಸಾನ್ ಯೋಜನೆಯ ಎಲ್ಲಾ ಫಲಾನುಭವಿ ರೈತರು ಡಿಸೆಂಬರ್ 31, 2022 ರೊಳಗೆ ಇ-ಕೆವೈಸಿ ಪರಿಶೀಲನೆಯನ್ನು ಮಾಡುವುದನ್ನು ಕಡ್ಡಾಯಗೊಳಿಸಲಾಗಿದೆʼ ಎಂದು ರಾಜಸ್ಥಾನ ರಾಜ್ಯ ನೋಡಲ್ ಅಧಿಕಾರಿ (ಪಿಎಂ-ಕಿಸಾನ್) ಮೇಘರಾಜ್ ಸಿಂಗ್ ರತ್ನು ಹೇಳಿದ್ದಾರೆ.
ಇ-ಕೆವೈಸಿ ಪರಿಶೀಲನೆ ಇಲ್ಲದಿದ್ದಲ್ಲಿ ಫಲಾನುಭವಿ ರೈತರು ಮುಂಬರುವ ಕಂತುಗಳಿಂದ ವಂಚಿತರಾಗಬೇಕಾಗಬಹುದು. ಇದಕ್ಕಾಗಿ ಫಲಾನುಭವಿ ರೈತರು ಇ-ಮಿತ್ರ ಕೇಂದ್ರಕ್ಕೆ ತೆರಳಿ ಆಧಾರ್ ಕಾರ್ಡ್ ಮೂಲಕ ಬಯೋಮೆಟ್ರಿಕ್ ವ್ಯವಸ್ಥೆಯ ಮೂಲಕ ಇ-ಕೆವೈಸಿ ಪರಿಶೀಲನೆಯನ್ನು ಪೂರ್ಣಗೊಳಿಸಬೇಕು ಎಂದು ರತ್ನು ತಿಳಿಸಿದ್ದಾರೆ.
ಎಲ್ಲಾ ಇ-ಮಿತ್ರ ಕೇಂದ್ರಗಳಲ್ಲಿ ಇ-ಕೆವೈಸಿ ಶುಲ್ಕವನ್ನು ಪ್ರತಿ ಫಲಾನುಭವಿಗೆ (ತೆರಿಗೆ ಸೇರಿದಂತೆ) 15 ರೂ.ಗೆ ನಿಗದಿಪಡಿಸಲಾಗಿದೆ. ಇ-ಕೆವೈಸಿ ಪೂರ್ಣಗೊಂಡ ನಂತರವೇ ಈ ಯೋಜನೆಯಲ್ಲಿ ಮುಂಬರುವ ಕಂತಿನ ಲಾಭವನ್ನು ರೈತರುಪಡೆಯುತ್ತಾರೆ. ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಮೂಲಕ ಸರ್ಕಾರವು ಪ್ರತಿ ವರ್ಷ 3 ಕಂತುಗಳಲ್ಲಿ 2 ಸಾವಿರ ರೂ. ಒಟ್ಟು ಆರು ಸಾವಿರ ರೂಪಾಯಿಗಳನ್ನು ರೈತರ ಬ್ಯಾಂಕ್ ಖಾತೆಗೆ ನೇರವಾಗಿ ವರ್ಗಾಯಿಸುತ್ತದೆ.
ಈ ಯೋಜನೆಯ ಫಲಾನುಭವಿಗಳು ಯಾರು?
ಪ್ರಧಾನಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ ಲಾಭವನ್ನು 2 ಹೆಕ್ಟೇರ್‌ಗಿಂತ ಹೆಚ್ಚು ಭೂಮಿ ಹೊಂದಿರದ ರೈತರಿಗೆ ನೀಡಲಾಗುತ್ತದೆ. ಇದರೊಂದಿಗೆ ಸರ್ಕಾರದ ಪಿಂಚಣಿ ಯೋಜನೆಯ ಫಲಾನುಭವಿಗಳಾಗದ ರೈತರಿಗೆ ಮಾತ್ರ ಈ ಯೋಜನೆಯ ಲಾಭವನ್ನು ನೀಡಲಾಗುತ್ತದೆ. ಆದಾಯ ತೆರಿಗೆ ರಿಟರ್ನ್ ಸಲ್ಲಿಸುವ ವ್ಯಕ್ತಿಯೂ ಈ ಯೋಜನೆಯ ಲಾಭವನ್ನು ಪಡೆಯಲು ಸಾಧ್ಯವಿಲ್ಲ. ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯನ್ನು ಕೇಂದ್ರ ಸರ್ಕಾರವು 2019 ರಲ್ಲಿ ಪ್ರಾರಂಭಿಸಿತು.
ಈ ಯೋಜನೆಯ ಮೂಲಕ ಇದುವರೆಗೆ 10 ಕೋಟಿಗೂ ಹೆಚ್ಚು ರೈತರಿಗೆ ಈ ಪ್ರಯೋಜನ ಲಭ್ಯವಾಗಿದೆ. ಈ ಯೋಜನೆಯನ್ನು ಕೃಷಿ ಸಚಿವಾಲಯ ಮತ್ತು ರೈತರ ಕಲ್ಯಾಣ ಇಲಾಖೆ ಅಡಿಯಲ್ಲಿ ಆಯೋಜಿಸಲಾಗಿದೆ. PM ಕಿಸಾನ್ KYC ನವೀಕರಣ eKYC ನೋಂದಣಿಯನ್ನು pmkisan.gov.in ನಲ್ಲಿ ಮಾಡಬಹುದು.
pmkisan.gov.in ನಲ್ಲಿ ನೋಂದಾಯಿಸುವುದು ಹೇಗೆ?
1: PM ಕಿಸಾನ್‌ನ ಅಧಿಕೃತ ಪೋರ್ಟಲ್‌ಗೆ ಹೋಗಿ
2: ಮುಖಪುಟದಲ್ಲಿ, e-KYC ಗಾಗಿ ನೋಂದಾಯಿಸಲು KYC ಮೇಲೆ ಕ್ಲಿಕ್ ಮಾಡಿ
3: ನಿಮ್ಮ ಆಧಾರ್ ಕಾರ್ಡ್ ಸಂಖ್ಯೆಯನ್ನು ನಮೂದಿಸಿ
4: ಕ್ಯಾಪ್ಚಾ ಕೋಡ್ ಅನ್ನು ನಮೂದಿಸಿ ಮತ್ತು ನಂತರ ಸರ್ಚ್‌ ಮಾಡಿ
5: ನಿಮ್ಮ ಆಧಾರ್ ಕಾರ್ಡ್‌ನೊಂದಿಗೆ ನೀವು ನೋಂದಾಯಿಸಿದ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ
6: ಫೋನ್ ಸಂಖ್ಯೆಯಲ್ಲಿ OTP ಸ್ವೀಕರಿಸಲು ಗೆಟ್ OTP ಕ್ಲಿಕ್ ಮಾಡುವ ಮೂಲಕ ವಿವರಗಳನ್ನು ಸಲ್ಲಿಸಿ
7: ನೀವು OTP ಸ್ವೀಕರಿಸಿದ ತಕ್ಷಣ, ಪುಟದಲ್ಲಿ ಒದಗಿಸಲಾದ ಜಾಗದಲ್ಲಿ ಅದನ್ನು ನಮೂದಿಸಿ ಮತ್ತು Enter ಅನ್ನು ಕ್ಲಿಕ್ ಮಾಡಿ.
SHOCKING NEWS: ಪುತ್ರನಿಂದಲೇ ನೌಕಾಪಡೆಯ ಮಾಜಿ ಅಧಿಕಾರಿಯ ಹತ್ಯೆ: ದೇಹವನ್ನು ತುಂಡರಿಸಿ ಕೊಳಕ್ಕೆ ಎಸೆದ ಮಗ
BIGG NEWS: ಮೊಬೈಲ್‌ನಲ್ಲಿ ಮಾತನಾಡುತ್ತಾ ಡ್ರೈವಿಂಗ್‌: ಖಾಸಗಿ ಬಸ್‌ ಪಲ್ಟಿ, 40 ಕ್ಕೂ ಹೆಚ್ಚು ಮಂದಿಗೆ ಗಾಯ
