ಲಾಹೋರ್: ಬಲೂಚಿಸ್ತಾನ ಮತ್ತು ಪಂಜಾಬ್ ಪ್ರಾಂತ್ಯಗಳ ಕೆಲವು ಭಾಗಗಳಲ್ಲಿ ಶನಿವಾರ ಭಾರಿ ಮಳೆಯಾಗಿದ್ದು, ಸಿಡಿಲು ಬಡಿದು ಕನಿಷ್ಠ 14 ಜನರು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳನ್ನು ಉಲ್ಲೇಖಿಸಿ ಜಿಯೋ ನ್ಯೂಸ್ ವರದಿ ಮಾಡಿದೆ.
ಬಲೂಚಿಸ್ತಾನದ ಸುರಬ್, ಡೇರಾ ಬುಗ್ತಿ ಮತ್ತು ಪಿಶಿನ್ ಜಿಲ್ಲೆಗಳಲ್ಲಿ ಮಳೆ ಹೆಚ್ಚಾಗಿದ್ದು ಸಿಡಿಲು ಬಡಿದು ನಾಲ್ವರು ಸಾವನ್ನಪ್ಪಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಸುರಬ್ ಜಿಲ್ಲೆಯ ತನಾಕ್ ಪ್ರದೇಶದ ತೋಟದಲ್ಲಿ ಕುಳಿತಿದ್ದ ಫರೀದ್ ಅಹ್ಮದ್ ಮತ್ತು ಜಬೀರ್ ಅಹ್ಮದ್ ಎಂಬ ಇಬ್ಬರು ಯುವಕರು ಸಿಡಿಲು ಬಡಿದು ಸ್ಥಳದಲ್ಲೇ ಸಾವನ್ನಪ್ಪಿದ್ದರೆ, ಇನ್ನೊಬ್ಬರು ಗಾಯಗೊಂಡಿದ್ದಾರೆ. ಏತನ್ಮಧ್ಯೆ, ಪಿಶಿನ್ ಜಿಲ್ಲೆಯಲ್ಲಿ ಒಬ್ಬರು ಮತ್ತು ಡೇರಾ ಬುಗ್ತಿ ಜಿಲ್ಲೆಯಲ್ಲಿ ಇನ್ನೊಬ್ಬರು ಸಿಡಿಲು ಬಡಿದು ಸಾವನ್ನಪ್ಪಿದ್ದಾರೆ.
ರಹೀಮ್ ಯಾರ್ ಖಾನ್ ಜಿಲ್ಲೆಯ ಬಸ್ತಿ ಕಲ್ವಾರ್ನಲ್ಲಿ ಇಬ್ಬರು, ತುಲ್ ಹಸನ್ನಲ್ಲಿ ಒಬ್ಬರು, ಬಸ್ತಿ ಖೋಖ್ರಾನ್ ಫಿರೋಜಾದಲ್ಲಿ ದಂಪತಿ, ಖಾನ್ ಬೇಲಾದಲ್ಲಿ ರೈತ ಮತ್ತು ಮಾರಿ ಅಲ್ಲಾಹ್ನಲ್ಲಿ ಕುರುಬ ಸಿಡಿಲು ಬಡಿದು ಸಾವನ್ನಪ್ಪಿದ್ದಾರೆ.
ಏತನ್ಮಧ್ಯೆ, ಖೈರ್ಪುರ್ ದಹಾದಲ್ಲಿ ಇನ್ನೊಬ್ಬ ವ್ಯಕ್ತಿ ಮತ್ತು ಬಹವಾಲ್ಪುರ ಜಿಲ್ಲೆಯ ಚಕ್ -113 ಪ್ರದೇಶದಲ್ಲಿ ಎಂಟು ವರ್ಷದ ಮಗು ಸಿಡಿಲು ಬಡಿದು ಸಾವನ್ನಪ್ಪಿದೆ. ಲೋದ್ರಾನ್ನಲ್ಲಿ ಇದೇ ರೀತಿಯ ಘಟನೆಯಲ್ಲಿ ಮಹಿಳೆಯೊಬ್ಬರು ಸಾವನ್ನಪ್ಪಿದ್ದಾರೆ ಎಂದು ಜಿಯೋ ನ್ಯೂಸ್ ವರದಿ ಮಾಡಿದೆ.
