ವರದಿ : ಅವಿನಾಶ್ ಆರ್ ಭೀಮಸಂದ್ರ
ಬೆಂಗಳೂರು : ವಿಜ್ಞಾನ-ತಂತ್ರಜ್ಞಾನ ಬೆಳವಣಿಗೆ ಹೆಚ್ಚಾದಂತೆ ಕಳ್ಳರ ಕಾಟ ಕೂಡ ಹೆಚ್ಚಾಗುತ್ತಿದೆ, ಅದರಲ್ಲೂ ಹಣಕಾಸಿಗೆ ಸಂಬಂಧಪಟ್ಠಂತೆ ಇತ್ತೀಚಿನ ದಿನಗಳಲ್ಲಿ ಸೈಬರ್ ಕಳ್ಳತನ ಹೆಚ್ಚಾಗುತ್ತಿದ್ದು, ಅನೇಕ ಮಂದಿ ಮೋಸ ಹೋಗಿ ತಮ್ಮ ದುಡ್ಡನ್ನು ಕಳೆದುಕೊಳ್ಳುತ್ತಿರುವುದು ಹೆಚ್ಚಾಗುತ್ತಿದೆ. ಹಾಗಾದ್ರೇ ಸೈಬರ್ ಕ್ರೈಮ್‌ ಅಂದ್ರೆ ಏನು? ಭಾರತದಲ್ಲಿ ಇದರ ಸ್ವರೂಪ ಹೇಗಿದೆ? ಹೇಗಲ್ಲ ಜನತೆಯಲ್ಲಿ ಸೈಬರ್ ಕಳ್ಳರು ಮೋಸ ಮಾಡುತ್ತಾರೆ ಎನ್ನುವುದನ್ನು ನೋಡುವುದಾದ್ರೆ.
ಹ್ಯಾಕಿಂಗ್ ಮಾಡೋದು: ಇತ್ತೀಚಿನ ದಿನಗಳಲ್ಲಿ ಇದು ಭಾರತದಲ್ಲಿ ಸೈಬರ್ ಅಪರಾಧದಲ್ಲಿ ಹೆಚ್ಚು ಕಾಣಿಸಿಕೊಳ್ಳುತ್ತಿದ್ದು, ಜನತೆಯ ಆರ್ಥಿಕ ಜೀವನಕ್ಕೆ ತೊಂದರೆ ಉಂಟು ಮಾಡುತ್ತಿದೆ. ಹ್ಯಾಂಕಿಂಗ್‌ ಹೇಗೆ ಮಾಡ್ತಾರೆ: ಬ್ಯಾಂಕಿಂಗ್ ವಿವರಗಳು, ಇಮೇಲ್ ಖಾತೆಗಳು, ಇತ್ಯಾದಿಗಳಂತಹ ವ್ಯಕ್ತಿಯ ವೈಯಕ್ತಿಕ ಮತ್ತು ಸೂಕ್ಷ್ಮ ಮಾಹಿತಿಗೆ ಪ್ರವೇಶವನ್ನು ಹೊಂದಲು ಒಬ್ಬ ವ್ಯಕ್ತಿಯು ಬೇರೊಬ್ಬರ ಕಂಪ್ಯೂಟರ್ ಗೆ ಪ್ರವೇಶಿಸಿ ಅಲ್ಲಿರುವ ಮಾಹಿತಿಯನ್ನು ಕದಿಯುತ್ತಾನೆ.
ಸೈಬರ್ ಸ್ಟಾಕಿಂಗ್ : ಹ್ಯಾಕಿಂಗ್ ನಂತರ ಸೈಬರ್ ಸ್ಟಾಕಿಂಗ್ ನಂತರದ ಸ್ಥಾನವನ್ನು ಪಡೆದುಕೊಂಡಿದ್ದು, ಅಂತರ್ಜಾಲದ ಮೂಲಕ ಆನ್ ಲೈನ್ ಕಿರುಕುಳವನ್ನು ನೀಡಲಾಗುತ್ತದೆ. ಸಾಮಾನ್ಯವಾಗಿ ಮಹಿಳೆಯರಿಗೆ ಕಿರುಕುಳ್ಳವನ್ನು ನೀಡಲಾಗುತ್ತದೆ.
ಆನ್ಲೈನ್ ಕಳ್ಳತನ: ವೈಯಕ್ತಿಕ ಬ್ಯಾಂಕ್ ಖಾತೆ, ಕ್ರೆಡಿಟ್ ಕಾರ್ಡ್, ಡೆಬಿಟ್ ಕಾರ್ಡ್ ಮತ್ತು ಇತರ ಸೂಕ್ಷ್ಮ ಮಾಹಿತಿಯನ್ನು ಅಂತರ್ಜಾಲದ ಮೂಲಕ ಪ್ರವೇಶಿಸಿ ಮಾಹಿತಿಯನ್ನು ಕಳ್ಳತನ ಮಾಡಲಾಗುತ್ತದೆ.
ಸೈಬರ್ ಭಯೋತ್ಪಾದನೆ -: ಸುಲಿಗೆ ಅಥವಾ ಇನ್ನಾವುದೇ ವಿಷಯಕ್ಕಾಗಿ ಒಬ್ಬ ವ್ಯಕ್ತಿಗೆ ಬೆದರಿಕೆ ಹಾಕಿದಾಗ ಅದು ಸೈಬರ್ ಭಯೋತ್ಪಾದನೆಯ ಅಪರಾಧವಾಗಿದೆ.
ಹಾಗಾದ್ರೇ ದೂರು ನೀಡುವುದು ಹೇಗೆ?
ಅಪರಾಧ ತನಿಖಾ ತಂಡವು ಕರ್ನಾಟಕ ಸೇರಿದಂತೆ ಭಾರತದ ವಿವಿಧ ನಗರಗಳಲ್ಲಿ ಅನೇಕ ಸೈಬರ್ ಠಾಣೆಗಳನ್ನು ಸ್ಥಾಪನೆ ಮಾಡಲಾಗಿದೆ. ಇವು ಅಪರಾಧ , ಸೈಬರ್ ಅಪರಾಧಗಳ ವರದಿಗಳು ಮತ್ತು ತನಿಖೆಗಳನ್ನು ನೋಡಿಕೊಳ್ಳುತ್ತಿದೆ. ನೀವು ಯಾವುದೇ ಸಮಯದಲ್ಲಿ ಸೈಬರ್ ಪೊಲೀಸ್ ಅಥವಾ ಅಪರಾಧ ತನಿಖಾ ವಿಭಾಗಕ್ಕೆ ಆಫ್ಲೈನ್ ಅಥವಾ ಆನ್ಲೈನ್ನಲ್ಲಿ ದೂರು ನೀಡಬಹುದು. ಬಹು ಬೇಗ ನೀವು ದೂರು ನೀಡಿದ್ರೆ, ಪೋಲಿಸರಿಗೆ ತನಿಖೆ ಮಾಡಲು ಸಹಾಯವಾಗುತ್ತಿದೆ. ಮತ್ತು ನೀವು ಕಳೆದುಕೊಂಡ ಮಾಹಿತಿ, ಹಣ ನಿಮ್ಮ ಬಳಿಯೇ ಇರಲು, ಬರಲು ಸಹಾಯವಾಗುತ್ತದೆ. ಸೈ
ಬರ್ ಅಪರಾಧಕ್ಕೆ ಶಿಕ್ಷೆ ನೀಡುವ ಸಲುವಾಗಿ, ಅಪರಾಧದ ವಿರುದ್ಧ ದೂರುಗಳನ್ನು ದಾಖಲಿಸುವುದು ಮೊದಲ ಮತ್ತು ಪ್ರಮುಖ ಹಂತವಾಗಿದೆ. ನೀವು ಯಾವುದೇ ಸೈಬರ್ ಠಾಣೆಯಲ್ಲಿ ಲಿಖಿತ ದೂರು ದಾಖಲಿಸಬೇಕು. ಲಿಖಿತ ದೂರಿನಲ್ಲಿ, ನೀವು ನಿಮ್ಮ ಹೆಸರು, ಸಂಪರ್ಕ ವಿವರಗಳು ಮತ್ತು ಮೇಲ್ ಮಾಡಲು ವಿಳಾಸವನ್ನು ಒದಗಿಸಬೇಕಾಗುತ್ತದೆ. ನೀವು ಸೈಬರ್ ಅಪರಾಧದ ದೂರನ್ನು ದಾಖಲಿಸುತ್ತಿರುವ ನಗರದ ಸೈಬರ್ ಅಪರಾಧ ಕೋಶದ ಮುಖ್ಯಸ್ಥರಿಗೆ ಲಿಖಿತ ದೂರನ್ನು ನೀಡಬೇಕು. ಭಾರತದ ಐಟಿ ಕಾಯ್ದೆಯು ಸೈಬರ್ ಅಪರಾಧವನ್ನು ಮಾಡಿದಾಗ ಅದು ಜಾಗತಿಕ ನ್ಯಾಯವ್ಯಾಪ್ತಿಯನ್ನು ಹೊಂದಿರುತ್ತದೆ ಎಂದು ಹೇಳುತ್ತದೆ. ಆದ್ದರಿಂದ, ನಿಮ್ಮ ನಗರ ಅಥವಾ ಬೇರೆಡೆ ಇರುವ ಯಾವುದೇ ಸೈಬರ್ ಸೆಲ್ / ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಬಹುದು. ಬೇಗನೇ ನಿಮ್ಮ ಸ್ಥಳಕ್ಕೆ ಹತ್ತಿರವಿರುವ ಸೈಬರ್ ಠಾಣೆಯನ್ನು ಯಾವಾಗಲೂ ಸಂಪರ್ಕಿಸುವುದು ಒಳ್ಳೆಯದು.
ಆನ್ ಲೈನ್ ನಲ್ಲಿ ಸೈಬರ್ ಕ್ರೈಂ ದೂರು ದಾಖಲಿಸುವುದು ಹೇಗೆ?
ನಂದವರು ಸೈಬರ್ ಅಪರಾಧ ದೂರು ದಾಖಲಿಸಬಹುದಾದ ಆನ್ ಲೈನ್ ಪೋರ್ಟಲ್ https://cyber crime.gov.in/Accept.aspx, ಇದು ಭಾರತ ಸರ್ಕಾರದ ಉಪಕ್ರಮವಾಗಿದ್ದು, ಇದು ಆನ್ ಲೈನ್ ಚೈಲ್ಡ್ ಪೋರ್ನೋಗ್ರಫಿ (ಸಿಪಿ), ಚೈಲ್ಡ್ ಸೆಕ್ಸುಯಲ್ ಅಬ್ಯೂಸ್ ಮೆಟೀರಿಯಲ್ (ಸಿಎಸ್ಎಎಂ) ಅಥವಾ ರೇಪ್ / ಗ್ಯಾಂಗ್ ರೇಪ್ (ಸಿಪಿ / ಆರ್ ಜಿಆರ್) ಕಂಟೆಂಟ್ ಮತ್ತು ಸಾಮಾಜಿಕ ಮಾಧ್ಯಮ ಅಪರಾಧಗಳಂತಹ ಇತರ ಸೈಬರ್ ಅಪರಾಧಗಳಿಗೆ ಸಂಬಂಧಿಸಿದ ದೂರುಗಳನ್ನು ನೋಡಿಕೊಳ್ಳುತ್ತದೆ. ಆನ್ಲೈನ್ ಹಣಕಾಸು ವಂಚನೆಗಳು, ರಾನ್ಸಮ್ವೇರ್, ಹ್ಯಾಕಿಂಗ್, ಕ್ರಿಪ್ಟೋಕರೆನ್ಸಿ ಅಪರಾಧಗಳು ಮತ್ತು ಆನ್ಲೈನ್ ಸೈಬರ್ ಕಳ್ಳಸಾಗಣೆ. ಚೈಲ್ಡ್ ಪೋರ್ನೋಗ್ರಫಿ (ಸಿಪಿ) ಅಥವಾ ಅತ್ಯಾಚಾರ / ಗ್ಯಾಂಗ್ ರೇಪ್ (ಆರ್ಜಿಆರ್) ವಿಷಯದಂತಹ ಲೈಂಗಿಕವಾಗಿ ಸ್ಪಷ್ಟವಾದ ವಿಷಯವನ್ನು ವರದಿ ಮಾಡುವ ಬಗ್ಗೆ ಅನಾಮಧೇಯ ದೂರನ್ನು ವರದಿ ಮಾಡುವ ಆಯ್ಕೆಯನ್ನು ಪೋರ್ಟಲ್ ಒದಗಿಸುತ್ತದೆ. ಸೈಬರ್ ಅಪರಾಧವನ್ನು ಆನ್ ಲೈನ್ ನಲ್ಲಿ ವರದಿ (ದೂರು) ಮಾಡಲು ಒಬ್ಬರು ಈ ಕೆಳಗೆ ತಿಳಿಸಿದ ಹಂತಗಳನ್ನು ಅನುಸರಿಸಬಹುದು .
ಹಂತ 1: https://cyber crime.gov.in/Accept.aspx ಗೆ ಹೋಗಿ
ಹಂತ 2: ಮೆನುವಿನಲ್ಲಿ ‘ಇತರ ಸೈಬರ್ ಅಪರಾಧಗಳನ್ನು ವರದಿ ಮಾಡಿ’ ಮೇಲೆ ಕ್ಲಿಕ್ ಮಾಡಿ.
ಹಂತ 3: ‘ಫೈಲ್ ಎ ಕಂಪ್ಲೇಂಟ್’ ಮೇಲೆ ಕ್ಲಿಕ್ ಮಾಡಿ.
ಹಂತ 4: ಷರತ್ತುಗಳನ್ನು ಓದಿ ಮತ್ತು ಅವುಗಳನ್ನು ಸ್ವೀಕರಿಸಿ.
ಹಂತ 5: ನಿಮ್ಮ ಮೊಬೈಲ್ ಸಂಖ್ಯೆಯನ್ನು ನೋಂದಾಯಿಸಿ ಮತ್ತು ನಿಮ್ಮ ಹೆಸರು ಮತ್ತು ಸ್ಥಿತಿಯನ್ನು ಭರ್ತಿ ಮಾಡಿ.
ಹಂತ 6: ಅಪರಾಧದ ಬಗ್ಗೆ ಸಂಬಂಧಿತ ವಿವರಗಳನ್ನು ಭರ್ತಿ ಮಾಡಿ.
ಕರ್ನಾಟಕದ ನಾಗರಿಕರು 24×7 ಸೈಬರ್ ಅಪರಾಧಗಳನ್ನು ವರದಿ ಮಾಡಲು 112 ಕ್ಕೆ ಕರೆ ಮಾಡಬಹುದು. ಪ್ರಸ್ತುತ, ಗೃಹ ಸಚಿವಾಲಯದ ರಾಷ್ಟ್ರೀಯ ಸೈಬರ್ ಅಪರಾಧ ವರದಿ ಪೋರ್ಟಲ್ (155260) ಸಹಾಯವಾಣಿ ಬೆಳಿಗ್ಗೆ 10 ರಿಂದ ಸಂಜೆ 6 ರವರೆಗೆ ಲಭ್ಯವಿದೆ.
ಯಾವುದೇ ಸಂದರ್ಭದಲ್ಲಿ ಈ ಕೆಳಗಿನ ಮಾಹಿತಿಯನ್ನು ಯಾರೊಂದಿಗೂ ಹಂಚಿಕೊಳ್ಳಬೇಡಿ-
🚫 ನಿಮ್ಮ ಕ್ರೆಡಿಟ್/ ಡೆಬಿಟ್ ಕಾರ್ಡ್ ನಂಬರ್
🚫 ಮೊಬೈಲ್ ನಲ್ಲಿ ಸ್ವೀಕೃತವಾದ ಓಟಿಪಿ (OTP)/ ಪಿನ್ ನಂಬರ್
🚫 ಕಾರ್ಡ್ ಪಿನ್ (PIN) /ಸಿವಿವಿ (CVV) ಮಾಹಿತಿ
🚫 ಯಾವುದೇ ಪಾಸ್ ವರ್ಡ್ (password)
ನೀವು ಯಾವುದೇ ಸೈಬರ್ ವಂಚನೆಗೆ ಒಳಗಾಗಿದ್ದರೆ ತಕ್ಷಣ112 ಗೆ ಕರೆ ಮಾಡಿ.
