ನವದೆಹಲಿ: ವಾರ್ತಾಪತ್ರಿಕೆ(Newspapers)ಗಳು ಮತ್ತು ರಾಷ್ಟ್ರೀಯ ಪ್ರಸಾರಕ ದೂರದರ್ಶನ(national broadcaster Doordarshan)ವನ್ನು ಸುದ್ದಿ ಗ್ರಾಹಕರು ಮಾಹಿತಿಗಾಗಿ ಅತ್ಯಂತ ವಿಶ್ವಾಸಾರ್ಹ ಮೂಲವೆಂದು ಪರಿಗಣಿಸುತ್ತಾರೆ. ಆದ್ರೆ, ಅವರು ಆನ್‌ಲೈನ್ ಸುದ್ದಿ ವೆಬ್‌ಸೈಟ್‌ಗಳು, ಖಾಸಗಿ ಸುದ್ದಿ ವಾಹಿನಿಗಳು ಮತ್ತು ಆಲ್ ಇಂಡಿಯಾ ರೇಡಿಯೋ (AIR) ಅನ್ನು ಕನಿಷ್ಠ ವಿಶ್ವಾಸಾರ್ಹವೆಂದು ಪರಿಗಣಿಸುತ್ತಾರೆ ಎಂದು ಹೊಸ ಸಮೀಕ್ಷೆಯಲ್ಲಿ ತಿಳಿದುಬಂದಿದೆ.
ಗುರುವಾರ ಬಿಡುಗಡೆಯಾದ ಲೋಕನೀತಿ-ಸಿಎಸ್‌ಡಿಎಸ್ ಮತ್ತು ಕೊನ್ರಾಡ್ ಅಡೆನೌರ್ ಸ್ಟಿಫ್ಟಂಗ್ ಅವರ ‘ಭಾರತದಲ್ಲಿ ಮಾಧ್ಯಮ: ಪ್ರವೇಶ, ಅಭ್ಯಾಸಗಳು, ಕಾಳಜಿಗಳು ಮತ್ತು ಪರಿಣಾಮಗಳು’ ಸಮೀಕ್ಷೆಯಯಲ್ಲಿ ಭಾರತೀಯರು ಹೆಚ್ಚು ಇಷ್ಟಪಡುವ ಸಾಮಾಜಿಕ ಮಾಧ್ಯಮ ವೇದಿಕೆಯೆಂದರೆ ವಾಟ್ಸಾಪ್ ಮತ್ತು ಯೂಟ್ಯೂಬ್. ಇವು ಫೇಸ್‌ಬುಕ್ ಅನ್ನು ಮೂರನೇ ಸ್ಥಾನಕ್ಕೆ ತಳ್ಳಿದೆ ಎಂದು ತೋರಿಸಿದೆ. ಫೇಸ್‌ಬುಕ್‌ನ ಅನೇಕ ಬಳಕೆದಾರರು Instagram ಅನ್ನು ಬಳಸುವುದಕ್ಕೆ ಬದಲಾಗಿದ್ದಾರೆಂದು ತೋರುತ್ತದೆ ಎಂದು ಗೊತ್ತಾಗಿದೆ.
ದೆಹಲಿ, ಕರ್ನಾಟಕ, ಗುಜರಾತ್ ಮತ್ತು ಉತ್ತರ ಪ್ರದೇಶ ಸೇರಿದಂತೆ 19 ರಾಜ್ಯಗಳಲ್ಲಿ 15 ವರ್ಷ ಮತ್ತು ಅದಕ್ಕಿಂತ ಹೆಚ್ಚಿನ ವಯಸ್ಸಿನ 7,463 ನಾಗರಿಕರಲ್ಲಿ ಸಮೀಕ್ಷೆಯನ್ನು ನಡೆಸಲಾಗಿದೆ. ಸಮೀಕ್ಷೆಯ ಪ್ರಕಾರ, ಸುದ್ದಿ ಮಾಧ್ಯಮದಲ್ಲಿ ಜನರ ನಂಬಿಕೆಗೆ ಸಂಬಂಧಿಸಿದ ಸಂಶೋಧನೆಗಳು ಮಿಶ್ರ ಚಿತ್ರಣವನ್ನು ಪ್ರಸ್ತುತಪಡಿಸುತ್ತವೆ. ಏಕೆಂದರೆ, ಸುದ್ದಿಯ ಗ್ರಾಹಕರು ವಿವಿಧ ರೀತಿಯ ಸುದ್ದಿ ಮೂಲಗಳ ನಡುವೆ ಸ್ಪಷ್ಟ ವ್ಯತ್ಯಾಸವನ್ನು ತೋರುತ್ತಿದ್ದಾರೆ. ಈ ಮೂಲಕ ದೂರದರ್ಶನವು ಜನರಿಗೆ ಅತ್ಯಂತ ವಿಶ್ವಾಸಾರ್ಹವಾಗಿದೆ ಎನ್ನಲಾಗಿದೆ.
ತನ್ನ ಬಾಯಿಯಿಂದಲೇ ಪಟಪಟನೆ ಜೋಳದ ಕಡ್ಡಿಯನ್ನು ಕಟಾವು ಮಾಡಿದ ಶ್ವಾನ… WATCH VIDEO
BREAKING NEWS : ಕಲಬುರಗಿಯ ಮಾರಮ್ಮನ ದೇವಿ ಜಾತ್ರೆಯಲ್ಲಿ ಮದ್ದು ಸ್ಪೋಟ : 8ಕ್ಕೂ ಹೆಚ್ಚು ಜನರಿಗೆ ಗಂಭೀರ ಗಾಯ
