ಹೈದರಾಬಾದ್ : ರಕ್ತದ ಬ್ಯಾಂಕ್‌ನಲ್ಲಿ ರಕ್ತ ವರ್ಗಾವಣೆಗೆ ಒಳಗಾದ ನಂತ್ರ ತಲಸ್ಸೇಮಿಯಾ ಪೀಡಿತ ಮೂರು ವರ್ಷದ ಬಾಲಕನಿಗೆ ಎಚ್ಐವಿ ಪಾಸಿಟಿವ್ ಆಗಿದ್ದು, ಹೈದರಾಬಾದ್‌ನ ಆದಿಕ್ಮೆಟ್‌ನಲ್ಲಿರುವ ಭಾರತೀಯ ರೆಡ್ಕ್ರಾಸ್ ಸೊಸೈಟಿ (IRCS) ವಿರುದ್ಧ ನಲ್ಲಕುಂಟಾ ಪೊಲೀಸರು ಪ್ರಕರಣ ದಾಖಲಿಸಿದ್ದಾರೆ.
ಅಂಬೆಗಾಲಿಡುವ ಮಗುವಿನ ಪೋಷಕರ ದೂರಿನ ಆಧಾರದ ಮೇಲೆ, ಭಾರತೀಯ ರೆಡ್ ಕ್ರಾಸ್ ಸೊಸೈಟಿ (IRCS) ವಿರುದ್ಧ ಸೆಕ್ಷನ್ 338 (ಜೀವಕ್ಕೆ ಅಪಾಯವನ್ನುಂಟುಮಾಡುವ ಮೂಲಕ ಗಂಭೀರ ಗಾಯ) ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು ಟೈಮ್ಸ್ ಆಫ್ ಇಂಡಿಯಾ ವರದಿ ಮಾಡಿದೆ.
ವೈದ್ಯಕೀಯ ನಿರ್ಲಕ್ಷ್ಯಕ್ಕಾಗಿ ಬ್ಲಡ್ ಬ್ಯಾಂಕ್ ತಪ್ಪಿತಸ್ಥರೇ ಎಂದು ತನಿಖೆ ನಡೆಸಲಾಗುತ್ತಿದೆ ಎಂದು ನಲ್ಲಕುಂಟಾ ಪೊಲೀಸ್ ಇನ್ಸ್ಪೆಕ್ಟರ್ ಎಂ. ರವಿ ತಿಳಿಸಿದ್ದಾರೆ. “ಐಆರ್ಸಿಎಸ್ ಅಧಿಕಾರಿಗಳು ತಮ್ಮ ಬಳಿ ರಕ್ತದಾನಿಗಳ ದಾಖಲೆಗಳಿವೆ ಎಂದು ಹೇಳಿದ್ದು, ಅವರನ್ನ ಪರಿಶೀಲನೆಗಾಗಿ ಕರೆಯಲಾಗುವುದು” ರವಿ ಹೇಳಿದರು.
ತಲಸ್ಸೇಮಿಯಾದಿಂದ ಬಳಲುತ್ತಿರುವ ಈ ಮಗು ಕಳೆದ 2.5 ವರ್ಷಗಳಿಂದ ಐಆರ್ಸಿಎಸ್‌ನಲ್ಲಿ ರಕ್ತ ವರ್ಗಾವಣೆಗೆ ಒಳಗಾಗುತ್ತಿದೆ ಮತ್ತು ಪ್ರತಿ ಹದಿನೈದು ದಿನಗಳಿಗೊಮ್ಮೆ ಕೇಂದ್ರಕ್ಕೆ ಕರೆತರಲಾಗುತ್ತಿದೆ.
ಜುಲೈನಲ್ಲಿ ಬಾಲಕನನ್ನ ಆವರ್ತಕ ರಕ್ತ ವರ್ಗಾವಣೆಗಾಗಿ ಕರೆದೊಯ್ದಾಗ, ಕಾರ್ಯವಿಧಾನದ ಪ್ರಕಾರ ಎಚ್ಐವಿ ಪರೀಕ್ಷೆಯನ್ನ ನಡೆಸಲಾಯಿತು. ಆಗ ಅಕ್ಷರಶಃ ಆತನ ಹೆತ್ತವರ ಆಘಾತಕ್ಕೆ ಒಳಗಾದ್ರು. ಯಾಕಂದ್ರೆ, ಆತನಿಗೆ ಹೆಚ್‌ಐವಿ ದೃಢಪಟ್ಟಿತ್ತು. ತದನಂತರ, ಅವರ ಪೋಷಕರು ನಲ್ಲಕುಂಟಾ ಪೊಲೀಸ್ ಠಾಣೆಯನ್ನು ಸಂಪರ್ಕಿಸಿ, ಐಆರ್ಸಿಎಸ್ ವಿರುದ್ಧ ದೂರು ದಾಖಲಿಸಿದರು ಮತ್ತು ಬ್ಲಡ್ ಬ್ಯಾಂಕ್‌ನ ನಿರ್ಲಕ್ಷ್ಯದ ಬಗ್ಗೆ ವಿವರವಾದ ತನಿಖೆ ನಡೆಸುವಂತೆ ಕೋರಿದರು.
