ನವದೆಹಲಿ: ಜಾಗತಿಕ ಕೊರೊನಾ ಉಲ್ಬಣದ ನಡುವೆ ಭಾರತವು ವ್ಯಾಕ್ಸಿನೇಷನ್ ಡ್ರೈವ್ ಅನ್ನು ಹೆಚ್ಚಿಸುತ್ತಿದೆ. ಲಸಿಕೆಗಳನ್ನು ಅನುಮೋದಿಸುವ ತಜ್ಞರ ಸಮಿತಿಯು ಇಂದು ಮೂಗಿನ ಲಸಿಕೆ ಬಳಕೆಗೆ ಅನುಮೋದನೆ ನೀಡಿದೆ.
ಸನ್ನದ್ಧತೆಯನ್ನು ನಿರ್ಣಯಿಸಲು ಪ್ರಧಾನಿ ನರೇಂದ್ರ ಮೋದಿಯವರು ಕೋವಿಡ್ ಪರಿಶೀಲನಾ ಸಭೆ ನಡೆಸಿತ್ತಿದ್ದು, ಸಭೆಯಲ್ಲಿ ಈ ಮಹತ್ವದ ನಿರ್ಣಯ ಕೈಗೊಳ್ಳಲಾಗಿದೆ ಎನ್ನಲಾಗುತ್ತಿದೆ.
ಚುಚ್ಚುಮದ್ದುಗಳಿಂದ ದೂರ ಸರಿಯುವ ಜನರಿಗೆ ಮೂಗಿನ ಮೂಲಕ ಹಾಕುವ ಲಸಿಕೆ ದೊಡ್ಡ ಪರಿಹಾರವಾಗಿದೆ. ಮೂಗಿನ ಲಸಿಕೆಗಳು ಚುಚ್ಚುಮದ್ದಿಗಿಂತ ಉತ್ತಮವೆಂದು ಪರಿಗಣಿಸಲಾಗುತ್ತದೆ.
ಕೇಂದ್ರ ಆರೋಗ್ಯ ಸಚಿವ ಮನ್ಸುಖ್ ಮಾಂಡವಿಯಾ, ಕೇಂದ್ರ ಗೃಹ ಸಚಿವ ಅಮಿತ್ ಶಾ, ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್, ನೀತಿ ಆಯೋಗದ ಡಾ ವಿಕೆ ಪೌಲ್ ಅವರು ವಿಡಿಯೋ ಕಾಲ್ ಮೂಲಕ ಸಭೆಯಲ್ಲಿ ಉಪಸ್ಥಿತರಿದ್ದರು.
ಮೂಗಿನ ಲಸಿಕೆಗಳು ಉತ್ತಮವೇ?
ಮೂಗಿನ ಲಸಿಕೆಗಳು ಚುಚ್ಚುಮದ್ದಿಗೆ ಹೋಲಿಸಿದರೆ ಅನೇಕ ಪ್ರಯೋಜನಗಳನ್ನು ಹೊಂದಿವೆ. ಶೇಖರಣೆಯ ಸುಲಭತೆ, ವಿತರಣೆ ಮತ್ತು ಕಡಿಮೆ ತ್ಯಾಜ್ಯ ಉತ್ಪಾದನೆಯ ಜೊತೆಗೆ, ಮೂಗಿನ ಲಸಿಕೆಗಳು ವೈರಸ್‌ನ ಪ್ರವೇಶ ಬಿಂದುಗಳಲ್ಲಿ -ಮೂಗು ಅಥವಾ ಮೇಲ್ಭಾಗದ ಶ್ವಾಸೇಂದ್ರಿಯ ಪ್ರದೇಶದಲ್ಲಿ ರಕ್ಷಣೆ ನೀಡುತ್ತವೆ.
ಡಿ. 29ಕ್ಕೆ ಪಂಚಮಸಾಲಿಗೆ 2ಎ ಮೀಸಲಾತಿ ನೀಡುವುದಾಗಿ ಸಿಎಂ ಭರವಸೆ : ಯತ್ನಾಳ್
