ನವದೆಹಲಿ:ಅಗತ್ಯ ಅನುಮೋದನೆಗಳಿಗೆ ಒಳಪಟ್ಟು, ಉಕ್ಕು ಉದ್ಯಮಿ ಲಕ್ಷ್ಮಿ ಮಿತ್ತಲ್ ಅವರು ರಾಜಸ್ಥಾನ್ ರಾಯಲ್ಸ್ನ ನೂತನ ಬಹುಪಾಲು ಷೇರುದಾರರಾಗಲಿದ್ದಾರೆ. ಭಾನುವಾರ ಈ ಕುರಿತು ಪ್ರಕಟಣೆ ಹೊರಡಿಸಿರುವ ಮಿತ್ತಲ್ ಕುಟುಂಬವು, ಅದಾರ್ ಪೂನಾವಾಲಾ ಅವರೊಂದಿಗೆ ಪಾಲುದಾರಿಕೆಯಲ್ಲಿ ಐಪಿಎಲ್ನ ಈ ಚಾಂಪಿಯನ್ ತಂಡವನ್ನು ಸ್ವಾಧೀನಪಡಿಸಿಕೊಳ್ಳಲು ನಿರ್ಣಾಯಕ ಒಪ್ಪಂದಕ್ಕೆ ಬಂದಿರುವುದಾಗಿ ತಿಳಿಸಿದೆ.
ಜೈಪುರ ಮೂಲದ ಈ ಫ್ರಾಂಚೈಸಿಯ ನೂತನ ಮೌಲ್ಯವು ಬರೋಬ್ಬರಿ 1.65 ಶತಕೋಟಿ ಡಾಲರ್ (ಸುಮಾರು 13,750 ಕೋಟಿ ರೂಪಾಯಿ) ಎಂದು ಅಂದಾಜಿಸಲಾಗಿದೆ.ಮಿತ್ತಲ್ ಕುಟುಂಬವು 75% ಮತ್ತು ಅದಾರ್ ಪೂನಾವಾಲಾ 18% ಷೇರುಗಳನ್ನು ಹೊಂದಲಿದ್ದಾರೆ. ಉಳಿದ 7% ಷೇರುಗಳನ್ನು ಸಂಸ್ಥಾಪಕ ಮನೋಜ್ ಬಡಾಲೆ ಸೇರಿದಂತೆ ಅಸ್ತಿತ್ವದಲ್ಲಿರುವ ಷೇರುದಾರರು ಉಳಿಸಿಕೊಳ್ಳಲಿದ್ದಾರೆ.
ರಾಜಸ್ಥಾನ್ ರಾಯಲ್ಸ್ ತಂಡವು ದಕ್ಷಿಣ ಆಫ್ರಿಕಾದ SA20 ನಲ್ಲಿ ‘ಪಾರ್ಲ್ ರಾಯಲ್ಸ್’ ಮತ್ತು ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿ (CPL) ‘ಬಾರ್ಬಡೋಸ್ ರಾಯಲ್ಸ್’ ತಂಡಗಳನ್ನು ಸಹ ಹೊಂದಿದೆ.
ಬಿಸಿಸಿಐ, ಐಪಿಎಲ್ ಆಡಳಿತ ಮಂಡಳಿ ಮತ್ತು ಸಿಸಿಐ (CCI) ನಂತಹ ನಿಯಂತ್ರಕ ಸಂಸ್ಥೆಗಳ ಅನುಮೋದನೆಯ ನಂತರ, 2026 ರ ಮೂರನೇ ತ್ರೈಮಾಸಿಕದಲ್ಲಿ ಈ ಪ್ರಕ್ರಿಯೆ ಪೂರ್ಣಗೊಳ್ಳುವ ನಿರೀಕ್ಷೆಯಿದೆ.
