ಕೆಎನ್‌ಎನ್‌ ಡಿಜಿಟಲ್‌ ಡೆಸ್ಕ್‌ : ಜನರಲ್ಲಿ ಇತ್ತೀಚಿಗೆ ಕಾಯಿಲೆಗಳು ಹೆಚ್ಚಾಗುತ್ತಿವೆ. ಹೊಸ ಜೀವನ ಶೈಲಿಗೆ ಹೊಂದಿಕೊಂಡಂತೆ ಮತ್ತು ಪ್ರತಿದಿನ ಜಡ ಜೀವನ ಶೈಲಿ ಇರುವುದರಿಂದ ತೊಂದರೆ ಹೆಚ್ಚಾಗಿ ಕಾಡುತ್ತಿದೆ. ಅದರಲ್ಲೂ ವಿಶೇಷವಾಗಿ ರಕ್ತದ ಒತ್ತಡ, ಮಧುಮೇಹ, ಹೃದಯ ರಕ್ತನಾಳಗಳ ಕಾಯಿಲೆಗಳು, ಪಾರ್ಶ್ವವಾಯು ಇವುಗಳು ಕೂಡ ಜನರನ್ನು ಕಾಡುತ್ತಿರುವುದು ನಾವೆಲ್ಲರೂ ನೋಡುತ್ತಿದ್ದೇವೆ. ಹಾಗಾದರೆ ಈ ರೀತಿಯ ಆರೋಗ್ಯ ಸಮಸ್ಯೆಗಳ ಸಂಕೋಲೆಯಿಂದ ಹೊರಬರಲು ಸಾಧ್ಯ ವಿಲ್ಲವೇ ಎಂದು ನೀವು ಕೇಳಬಹುದು. ಖಂಡಿತ ಇದೆ….
BIGG NEWS: ಮಲೆ ಮಹದೇಶ್ವರನ ಬೆಟ್ಟದಲ್ಲಿ ಅದ್ಧೂರಿಯಾಗಿ ನಡೆದ ದೀಪಾವಳಿ ರಥೋತ್ಸವ ; ಮಾದಪ್ಪ ನೋಡಲು ಬಂದ ಭಕ್ತರು
ರಕ್ತದೊತ್ತಡ ಮತ್ತು ಟೈಪ್ 2 ಮಧುಮೇಹ
ಇಂತಹ ಕಾಯಿಲೆಗಳನ್ನು ನಿಯಂತ್ರಣ ಮಾಡುವ ಸಲಹೆಗಳ ಬಗ್ಗೆ ಗಮನ ಹರಿಸಿದರೆ ನೆಮ್ಮದಿಯ ಜೀವನ ನಡೆಸಬಹುದು. ಹೃದಯದ ವಿಚಾರವನ್ನು ತೆಗೆದುಕೊಂಡರೆ ರಕ್ತದೊತ್ತಡ ಮತ್ತು ಮಧುಮೇಹ 2 ಸಹ ಅದಕ್ಕೆ ಲಿಂಕ್ ಆಗಿರುತ್ತದೆ. ಮಧುಮೇಹ ಮತ್ತು ಹೃದಯ ರಕ್ತನಾಳಗಳಲ್ಲಿ ಕೊಬ್ಬಿನಂಶ ಸೇರಿದರೆ ಹಾರ್ಟ್ ಅಟ್ಯಾಕ್ ಆಗುವುದಂತೆ!
ಅಧ್ಯಾಯನದ ವರದಿಯ ಪ್ರಕಾರ…
ಮನುಷ್ಯನಿಗೆ ಅತೆರೋಸ್ಕ್ಲೇರೋಸಿಸ್ ಹೃದಯ ರಕ್ತನಾಳದ ಒಳಭಾಗದಲ್ಲಿ ಕೊಬ್ಬಿನ ಅಂಶ ಮತ್ತು ಕೊಲೆಸ್ಟ್ರಾಲ್ ಅಂಶ ಶೇಖರಣೆ ಆದಾಗ ಉಂಟಾಗುತ್ತದೆ. ಇದು ರಕ್ತನಾಳಗಳಲ್ಲಿ ರಕ್ತ ಹರಿಯುವಿಕೆ ಯನ್ನು ಕಡಿಮೆ ಮಾಡುತ್ತದೆ.
ಕೆಲವೊಮ್ಮೆ ಇದರಿಂದ ರಕ್ತನಾಳಗಳು ಅತಿಯಾದ ಒತ್ತಡದಿಂದ ಒಡೆದು ಹೋಗುವ ಸಾಧ್ಯತೆ ಇರುತ್ತದೆ ಮತ್ತು ರಕ್ತ ಹೆಪ್ಪುಗಟ್ಟುವ ಸಾಧ್ಯತೆ ಕೂಡ ಇರುತ್ತದೆ.
BIGG NEWS: ಮಲೆ ಮಹದೇಶ್ವರನ ಬೆಟ್ಟದಲ್ಲಿ ಅದ್ಧೂರಿಯಾಗಿ ನಡೆದ ದೀಪಾವಳಿ ರಥೋತ್ಸವ ; ಮಾದಪ್ಪ ನೋಡಲು ಬಂದ ಭಕ್ತರು
ಒಂದು ಅಧ್ಯಯನ ಹೇಳುವ ಹಾಗೆ ಯಾವ ಪುರುಷರಿಗೆ ಕಡಿಮೆ ಟೆಸ್ಟೋಸ್ಟಿರೋನ್ ಹಾರ್ಮೋನ್ ಬಿಡುಗಡೆಯಾಗುತ್ತದೆ ಮತ್ತು ಮಧುಮೇಹ ಸಮಸ್ಯೆ ಇರುತ್ತದೆ ಅಂತಹವರಿಗೆ ಅತೆರೋಸ್ಕ್ಲೇರೋಸಿಸ್ ಸಮಸ್ಯೆ ಕಾಡಬಹುದಾದ ಎಲ್ಲಾ ಸಾಧ್ಯತೆ ಇರುತ್ತದೆ.
ಟೈಪ್ 2 ಮಧುಮೇಹ ಇರುವವರಿಗೆ…
ಇದೇ ಸಂಶೋಧನೆ ಟೈಪ್ 2 ಮಧುಮೇಹ ಹೊಂದಿರುವ ಬರೋಬ್ಬರಿ 115 ಪುರುಷರನ್ನು ಅಧ್ಯಯ ನಕ್ಕೆ ಗುರಿಪಡಿಸಿದಾಗ ಅವರಲ್ಲಿ 70 ವರ್ಷಕ್ಕಿಂತ ಕಡಿಮೆ ಇದ್ದಂತಹ ಜನರಲ್ಲಿ ಹೃದಯರಕ್ತನಾಳದ ಕಾಯಿಲೆಗಳು ಇರಲಿಲ್ಲ.
ಆದರೆ ಯಾರಲ್ಲಿ ಕಡಿಮೆ ಟೆಸ್ಟೋಸ್ಟೆರಾನ್ ಹಾರ್ಮೋನ್ ಉತ್ಪತ್ತಿ ಆಗುತ್ತಿತ್ತು ಮತ್ತು ಟೈಪ್ 2 ಮಧು ಮೇಹ ಸಮಸ್ಯೆ ಇತ್ತು ಅಂತಹವರಲ್ಲಿ ಆರು ಬಾರಿ ಹೃದಯರಕ್ತನಾಳ ಕೊಬ್ಬಿನ ಮತ್ತು ಕೊಲೆಸ್ಟ್ರಾಲ್ ಅಂಶವನ್ನು ಹೊಂದಿದ ಉದಾಹರಣೆ ಇತ್ತು.
ಮಧುಮೇಹ ಕಂಟ್ರೋಲ್ ಮಾಡುವ 2 ಸುಲಭವಾದ ವಿಧಾನಗಳು
ಒಳ್ಳೆಯ ಆಹಾರ ತಿನ್ನಬೇಕು
ಮಧುಮೇಹ ಸಮಸ್ಯೆ ಹೊಂದಿರುವವರಿಗೆ ಡಯಟ್ ಅಂದರೆ ಆಹಾರ ಪದ್ಧತಿಯ ವಿಚಾರ ಬಹಳ ಮುಖ್ಯ. ಏಕೆಂದರೆ ಇದು ನಿಮ್ಮ ರಕ್ತದಲ್ಲಿನ ಸಕ್ಕರೆ ಪ್ರಮಾಣವನ್ನು ನಿರ್ವಹಣೆ ಮಾಡುತ್ತದೆ.
ಒಬ್ಬರು ಖ್ಯಾತ ಹೃದ್ರೋಗ ತಜ್ಞರು ಹೇಳುವ ಹಾಗೆ ಸಕ್ಕರೆ ಕಾಯಿಲೆ ಹೊಂದಿರುವ ಜನರು ಈ ನಾಲ್ಕು ವಿಚಾರಗಳ ಬಗ್ಗೆ ಸಾಕಷ್ಟು ಗಮನ ಹೊಂದಬೇಕು. ಅವುಗಳೆಂದರೆ, ಯಾವಾಗ ತಿನ್ನಬೇಕು, ಏನು ತಿನ್ನಬೇಕು, ಎಷ್ಟು ತಿನ್ನಬೇಕು ಮತ್ತು ಏನು ತಿನ್ನಬಾರದು ಎಂಬ ಬಗ್ಗೆ ಚೆನ್ನಾಗಿ ತಿಳಿದುಕೊಂಡಿರಬೇಕು. ಇಡೀ ದಿನ 5 ಸಣ್ಣ ಪ್ರಮಾಣದ ಆಹಾರಗಳನ್ನು ಸೇವಿಸಬೇಕು. ಸಕ್ಕರೆ, ಬೆಲ್ಲ ಮತ್ತು ರೀಫೈನ್ ಮಾಡಿದ ಹಿಟ್ಟು ಆಹಾರದಲ್ಲಿ ಇರಬಾರದು.
BIGG NEWS: ಮಲೆ ಮಹದೇಶ್ವರನ ಬೆಟ್ಟದಲ್ಲಿ ಅದ್ಧೂರಿಯಾಗಿ ನಡೆದ ದೀಪಾವಳಿ ರಥೋತ್ಸವ ; ಮಾದಪ್ಪ ನೋಡಲು ಬಂದ ಭಕ್ತರು
ವ್ಯಾಯಾಮ ಮಾಡುವುದು ಕಡ್ಡಾಯ
ಸಕ್ಕರೆ ಕಾಯಿಲೆ ಇರುವ ಜನರು ತಮ್ಮ ದೈಹಿಕ ಆರೋಗ್ಯದ ಬಗ್ಗೆ ಗಮನ ಹೊಂದಬೇಕು. ಅದಕ್ಕಾಗಿ ಪ್ರತಿದಿನ ವ್ಯಾಯಾಮ ಮಾಡಿ ತಮ್ಮ ದೇಹದ ತೂಕ ಬೊಜ್ಜಿನಿಂದ ಹೆಚ್ಚಾಗದಂತೆ ನೋಡಿಕೊಳ್ಳ ಬೇಕು. ವ್ಯಾಯಾಮ ಮಾಡುವಾಗ ದೇಹದಲ್ಲಿ ಶೇಖರಣೆಯಾಗಿರುವ ಗ್ಲೂಕೋಸ್ ಶಕ್ತಿಯ ರೂಪ ಪಡೆದುಕೊಂಡು ಬದಲಾಗುತ್ತದೆ ಮತ್ತು ಇದು ರಕ್ತದ ಹರಿಯುವಿಕೆಯಲ್ಲಿ ಸೇರಿಕೊಂಡು ಇಡೀ ದೇಹ ಸಂಚಾರ ಮಾಡುತ್ತದೆ.
ಇದರಿಂದ ರಕ್ತದಲ್ಲಿನ ಸಕ್ಕರೆ ಪ್ರಮಾಣ ನಿಯಂತ್ರಣಕ್ಕೆ ಬರುತ್ತದೆ. ಅಧ್ಯಯನಗಳು ಹೇಳುವ ಹಾಗೆ ನಿಯಮಿತವಾಗಿ ದೈಹಿಕ ಚಟುವಟಿಕೆ ಇದ್ದರೆ ಮಧುಮೇಹಿಗಳಲ್ಲಿ ಇನ್ಸುಲಿನ್ ಸೂಕ್ಷ್ಮತೆ ಅಭಿವೃದ್ಧಿ ಆಗುತ್ತದೆ. ಇದರ ಜೊತೆಗೆ ಕೊಬ್ಬಿನ ಅಂಶ ಕರಗುತ್ತದೆ ಮತ್ತು ರಕ್ತದ ಒತ್ತಡ ನಿಯಂತ್ರಣಕ್ಕೆ ಬರುತ್ತದೆ. ದೇಹದಲ್ಲಿ ರಕ್ತ ಸಂಚಾರ ಚೆನ್ನಾಗಿ ನಡೆಯಲು ಅನುಕೂಲವಾಗುತ್ತದೆ.
