ಬೆಂಗಳೂರು: ಕೇಂದ್ರವು 2030 ರ ವೇಳೆಗೆ ಮಲೇರಿಯಾ(malaria)ವನ್ನು ನಿರ್ಮೂಲನೆ ಮಾಡುವ ಗುರಿಯನ್ನು ನೀಡಿದೆ. ಆದರೆ, ರಾಜ್ಯವನ್ನು 2025 ರ ಹೊತ್ತಿಗೆ ಮಲೇರಿಯಾ ಮುಕ್ತ ರಾಜ್ಯವನ್ನಾಗಿ ಮಾಡಲು ರಾಜ್ಯ ಸರ್ಕಾರ ಅದನ್ನು ಸವಾಲಾಗಿ ತೆಗೆದುಕೊಂಡಿದೆ ಎಂದು ಆರೋಗ್ಯ ಸಚಿವ ಕೆ ಸುಧಾಕರ್(Sudhakar) ಶನಿವಾರ ಹೇಳಿದ್ದಾರೆ.
ಮಲೇರಿಯಾ ಮತ್ತು ಇತರ ವಾಹಕಗಳಿಂದ ಹರಡುವ ರೋಗಗಳ ವಿರುದ್ಧ ಹೋರಾಡಲು ಜನರಲ್ಲಿ ಜಾಗೃತಿ ಮೂಡಿಸುವುದು ಮುಖ್ಯವಾಗಿದೆ ಎಂದು ಆರೋಗ್ಯ ಸಚಿವರು ಹೇಳಿದರು. ಮಲೇರಿಯಾ ಪ್ರಕರಣಗಳು ಹೆಚ್ಚಿರುವ ಜಿಲ್ಲೆಗಳಿಗೆ ತೆರಳಿ ರೋಗ ಬಾರದಂತೆ ಮುನ್ನೆಚ್ಚರಿಕೆ ಕ್ರಮಗಳನ್ನು ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದಾರೆ.
ರಾಜ್ಯ ಆರೋಗ್ಯ ಇಲಾಖೆ, ಏಷ್ಯಾ ಪೆಸಿಫಿಕ್ ಲೀಡರ್ಸ್ ಮಲೇರಿಯಾ ಅಲಯನ್ಸ್ (ಎಪಿಎಲ್‌ಎಂಎ) ಮತ್ತು ಏಷ್ಯಾ ಪೆಸಿಫಿಕ್ ಮಲೇರಿಯಾ ಎಲಿಮಿನೇಷನ್ ನೆಟ್‌ವರ್ಕ್ (ಎಪಿಎಂಇಎನ್) ‘2025ರ ವೇಳೆಗೆ ಮಲೇರಿಯಾ ಮುಕ್ತ ಕರ್ನಾಟಕದತ್ತ ವೇಗವರ್ಧನೆ’ ಕುರಿತು ಆಯೋಜಿಸಿದ್ದ ಕಾರ್ಯಾಗಾರದಲ್ಲಿ ಮಾತನಾಡಿದ ಸಚಿವ ಸುಧಾಕರ್,
“1980 ಮತ್ತು 1990 ರ ದಶಕದ ಮೊದಲು ಮಲೇರಿಯಾಕ್ಕೆ ಸರಿಯಾದ ಪರೀಕ್ಷಾ ಸೌಲಭ್ಯಗಳು ಇರಲಿಲ್ಲ. ಆದ್ರೆ, ಈಗ ಆ ಎಲ್ಲಾ ಸೌಲಭ್ಯಗಳೂ ಇವೆ. ಈಗ ಯಾರಿಗಾದರೂ ಜ್ವರ ಬಂದಾಗ ನಾವು ಮಲೇರಿಯಾ ಪರೀಕ್ಷೆಯನ್ನು ಪ್ರಾರಂಭಿಸಿದ್ದೇವೆ. ಇಂತಹ ಪರೀಕ್ಷೆ ಮತ್ತು ಸಮುದಾಯಗಳಲ್ಲಿ ಜಾಗೃತಿ ಕಾರ್ಯಕ್ರಮಗಳಿಂದ, ಪ್ರಕರಣಗಳ ಸಂಖ್ಯೆಯು ತೀವ್ರವಾಗಿ ಕಡಿಮೆಯಾಗಿದೆ. ಯಾವುದೇ ರೋಗದ ವಿರುದ್ಧ ಹೋರಾಡುವುದು ಮತ್ತು ಸಮಾಜದಲ್ಲಿ ಜಾಗೃತಿ ಮೂಡಿಸುವುದು ಬಹಳ ಮುಖ್ಯ” ಎಂದರು.
2020 ರಲ್ಲಿ ದೇಶದಾದ್ಯಂತ ಒಟ್ಟು 1,86,532 ಮಲೇರಿಯಾ ಪ್ರಕರಣಗಳು ಪತ್ತೆಯಾಗಿವೆ ಎಂದು ಸಿಎಂ ಬೊಮ್ಮಾಯಿ ಹೇಳಿದ್ದಾರೆ. ಕರ್ನಾಟಕವು ಕೇವಲ 1,701 ಪ್ರಕರಣಗಳನ್ನು ಹೊಂದಿದೆ. ಇದು ದೇಶದಲ್ಲಿ ಕೇವಲ 0.9 ರಷ್ಟಿದೆ ಎಂದಿದ್ದಾರೆ.
BIGG NEWS : ಇಂದು ದೇಶಾದ್ಯಂತ `NEET’ ಪರೀಕ್ಷೆ : ಅಭ್ಯರ್ಥಿಗಳಿಗೆ ಈ ನಿಯಮ ಪಾಲನೆ ಕಡ್ಡಾಯ
Breaking news: ಮಣಿಪುರದಲ್ಲಿ ಭೂಕಂಪ: ರಿಕ್ಟರ್ ಮಾಪಕದಲ್ಲಿ 4.8 ತೀವ್ರತೆ ದಾಖಲು| Earthquake Hits Manipur
