ನವದೆಹಲಿ : ಐಷಾರಾಮಿ ಕಾರು ತಯಾರಕ ಜಾಗ್ವಾರ್ ಲ್ಯಾಂಡ್ ರೋವರ್‌ನ (ಜೆಎಲ್‌ಆರ್) ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಥಿಯೆರಿ ಬೊಳ್ಳೋರ್ ಅವರು ವೈಯಕ್ತಿಕ ಕಾರಣಗಳಿಗಾಗಿ ಕಂಪನಿಗೆ ರಾಜೀನಾಮೆ ನೀಡಿದ್ದಾರೆ. ಅವರು ಡಿಸೆಂಬರ್ 31 ರಂದು ಕಂಪನಿಯನ್ನು ತೊರೆಯಲಿದ್ದಾರೆ.
ಈ ಕುರಿತಂತೆ ಟಾಟಾ ಮೋಟಾರ್ಸ್ ಟ್ವೀಟ್ ಮಾಡಿದ್ದು,ಟಾಟಾ ಮೋಟಾರ್ಸ್ ಲಿಮಿಟೆಡ್‌ನ (ಕಂಪನಿ) ನಾನ್-ಎಕ್ಸಿಕ್ಯೂಟಿವ್ ನಾನ್-ಇಂಡಿಪೆಂಡೆಂಟ್ ಡೈರೆಕ್ಟರ್ ಥಿಯೆರಿ ಬೊಲೋರೆ ಅವರು ತಮ್ಮ ರಾಜೀನಾಮೆಯನ್ನು ಸಲ್ಲಿಸಿದ್ದಾರೆ ಎಂದು ಮಾಹಿತಿ ನೀಡಿದೆ.
ಬೊಳ್ಳೋರ್ ಅವರು ಸೆಪ್ಟೆಂಬರ್ 2020 ರಲ್ಲಿ ರಾಲ್ಫ್ ಸ್ಪೆತ್ ಅವರಿಂದ ಅಧಿಕಾರ ವಹಿಸಿಕೊಂಡರು. JLR ಸಿಇಒ ಹೂಡಿಕೆದಾರರಿಗೆ ಎರಡು-ಅಂಕಿಯ EBIT (ಬಡ್ಡಿ ಮತ್ತು ತೆರಿಗೆಯ ಮೊದಲು ಗಳಿಕೆ) ಮಾರ್ಜಿನ್ ಅನ್ನು ತಲುಪಿಸುವ ಭರವಸೆ ನೀಡಿದ್ದರು. ವಿಶ್ವದ ಅತ್ಯಂತ ಲಾಭದಾಯಕ ಐಷಾರಾಮಿ ತಯಾರಕರಲ್ಲಿ ಒಬ್ಬರಾಗಿದ್ದಾರೆ.
ಗ್ರೂಪ್ ರೆನಾಲ್ಟ್‌ನ ಮಾಜಿ ಸಿಇಒ, ಬೊಲೊರೆ ಜಾಗತಿಕ ವಾಹನ ಪೂರೈಕೆದಾರ ಫೌರೆಸಿಯಾದಲ್ಲಿ ಹಿರಿಯ ಸ್ಥಾನ ಸೇರಿದಂತೆ ವಾಹನ ವ್ಯವಹಾರದಲ್ಲಿ ವ್ಯಾಪಕ ಪರಿಣತಿಯನ್ನು ಹೊಂದಿದ್ದಾರೆ.
