ಕೆಎನ್‍ಎನ್‍ಡಿಜಿಟಲ್ ಡೆಸ್ಕ್ : ಇಂದಿನ ಕಾಲದಲ್ಲಿ ಹಲವಾರು ರೋಗಗಳು ಬರುತ್ತಿವೆ. ಪ್ರಸ್ತುತ ದಿನಗಳಲ್ಲಿ ಎಲ್ಲಾ ರೋಗಗಳು ಸಾಮಾನ್ಯ ರೋಗಗಳಾಗಿವೆ. ಯಾವಾಗ ಮತ್ತು ಯಾವ ರೀತಿಯ ರೋಗವು ದಾಳಿ ಮಾಡುತ್ತದೆ ಎಂದು ತಿಳಿದಿಲ್ಲ. ಅನೇಕ ಜನರು ಅನುಭವಿಸುವ ಸಮಸ್ಯೆಗಳಲ್ಲಿ ಥೈರಾಯ್ಡ್ ಕೂಡ ಒಂದು. ಇದಕ್ಕೆ ಬದಲಾದ ಜೀವನಶೈಲಿ ಮತ್ತು ಆಹಾರ ಪದ್ಧತಿಯೇ ಪ್ರಮುಖ ಕಾರಣ ಎನ್ನುತ್ತಾರೆ ತಜ್ಞರು. ವಯಸ್ಕರ ಜೊತೆಗೆ ಯುವಕರು ಕೂಡ ಈ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಥೈರಾಯ್ಡ್ ಇರುವವರು ತಾವು ತಿನ್ನುವ ಆಹಾರದ ಬಗ್ಗೆ ಬಹಳ ಜಾಗರೂಕರಾಗಿರಬೇಕು. ಜಂಕ್ ಫುಡ್ ತೆಗೆದುಕೊಳ್ಳದಿರುವುದು ಉತ್ತಮ. ಆದ್ರೆ, ಥೈರಾಯ್ಡ್ ಇರುವವರು ಅನ್ನವನ್ನ ತಿನ್ನಬಾರದು ಎಂದು ಹಲವರು ಹೇಳುತ್ತಾರೆ. ಹಾಗಿದ್ರೆ, ಇದರಲ್ಲಿ ಎಷ್ಟು ಸತ್ಯವಿದೆ.? ತಜ್ಞರು ಹೇಳುವುದೇನು.? ನೋಡೋಣಾ ಬನ್ನಿ.
ಈ ಸಮಸ್ಯೆ ಪೀಳಿಗೆಗೆ ಇನ್ನಷ್ಟು ಬಿಗಡಾಯಿಸುತ್ತದೆ.!
ಬಹಳಷ್ಟು ಮಂದಿ ಅಕ್ಕಿಯನ್ನ ಅತಿಯಾಗಿ ಸೇವಿಸುತ್ತಿದ್ದಾರೆ. ಇದು ಕಾರ್ಬೋಹೈಡ್ರೇಟ್ಗಳನ್ನ ಹೊಂದಿರುತ್ತದೆ. ಅನ್ನ ತಿಂದ ತಕ್ಷಣ ಶಕ್ತಿಯ ಮಟ್ಟ ಹೆಚ್ಚುತ್ತದೆ. ಇದಲ್ಲದೇ, ರೋಗನಿರೋಧಕ ಶಕ್ತಿಯೂ ಬಲಗೊಳ್ಳುತ್ತದೆ. ಆದ್ರೆ, ಹೆಚ್ಚು ಅನ್ನ ತಿಂದರೆ ತೂಕ ಹೆಚ್ಚಾಗುತ್ತೆ. ಅದೇ ರೀತಿ ಥೈರಾಯ್ಡ್ ಇರುವವರು ಅನ್ನ ತಿಂದರೆ ಈ ಸಮಸ್ಯೆ ಗಂಭೀರವಾಗುತ್ತದೆ. ಕಾರಣ ಥೈರಾಯ್ಡ್ ಇರುವವರು ತೂಕ ಹೆಚ್ಚಾಗುತ್ತಾರೆ. ಅದಕ್ಕಾಗಿಯೇ ಥೈರಾಯ್ಡ್ ಇರುವವರು ಬಿಳಿ ಅಕ್ಕಿಯ ಬದಲಿಗೆ ಬ್ರೌನ್ ರೈಸ್ ತಿನ್ನಬೇಕು ಎಂದು ಪೌಷ್ಟಿಕತಜ್ಞರು ಸಲಹೆ ನೀಡುತ್ತಾರೆ.
ಥೈರಾಯ್ಡ್ ಇರುವವರು ಹೆಚ್ಚು ಅನ್ನವನ್ನ ತಿನ್ನಬಾರದು.!
ಏಕೆಂದರೆ ಅಕ್ಕಿಯಲ್ಲಿ ಗ್ಲುಟನ್ ಪ್ರೋಟೀನ್ ಇದೆ. ಇದು ಥೈರಾಯ್ಡ್ ಸಮಸ್ಯೆಯನ್ನ ಹೆಚ್ಚಿಸುತ್ತದೆ. ಅದಕ್ಕಾಗಿಯೇ ಥೈರಾಯ್ಡ್ ರೋಗಿಗಳು ಅನ್ನವನ್ನ ತಿನ್ನಬಾರದು ಎಂದು ಹೇಳಲಾಗುತ್ತದೆ. ಗ್ಲುಟನ್ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಗ್ಲುಟನ್ ಒಂದು ರೀತಿಯ ಪ್ರೋಟೀನ್. ಇದು ದೇಹದಲ್ಲಿನ ಪ್ರತಿ ಪ್ರತಿರೋಧಕವನ್ನ ಕಡಿಮೆ ಮಾಡುತ್ತದೆ. ಥೈರಾಕ್ಸಿನ್ ಹಾರ್ಮೋನ್ ಸಮಸ್ಯೆಗಳನ್ನ ಸಹ ಉಂಟು ಮಾಡಬಹುದು. ಅನ್ನ ತಿನ್ನುವುದರಿಂದ ತೂಕವೂ ಹೆಚ್ಚುತ್ತದೆ. ಈ ಕಾರಣಕ್ಕೂ ಥೈರಾಯ್ಡ್ ರೋಗಿಗಳು ಹೆಚ್ಚು ಅನ್ನ ತಿನ್ನಬಾರದು. ಅನ್ನವನ್ನ ತಿನ್ನುವುದರಿಂದ ಥೈರಾಯ್ಡ್’ನಲ್ಲಿ ಬದಲಾವಣೆ ಉಂಟಾಗುತ್ತದೆ ಎಂದು ತಜ್ಞರು ಹೇಳುತ್ತಾರೆ. ಇದಲ್ಲದೆ, ಹೆಚ್ಚು ಬಿಳಿ ಅಕ್ಕಿಯನ್ನ ಸೇವಿಸುವುದರಿಂದ ಟೈಪ್ -2 ಮಧುಮೇಹದ ಅಪಾಯವನ್ನು ಹೆಚ್ಚಿಸುತ್ತದೆ. ಆದ್ದರಿಂದಲೇ ಮೂರು ಹೊತ್ತಿನ ಊಟದ ಬದಲು ಒಂದು ಹೊತ್ತಿನ ಊಟ ಮಾಡಿ ಎನ್ನುತ್ತಾರೆ ತಜ್ಞರು.
JOB ALERT : ಕೆಪಿಎಸ್‌ಸಿ & ಬಿಎಂಟಿಸಿಯಿಂದ ಒಟ್ಟು 2,884 ಹುದ್ದೆಗಳಿಗೆ ಅರ್ಜಿ ಆಹ್ವಾನ! ಇಲ್ಲಿದೆ ಸಂಪೂರ್ಣ ಮಾಹಿತಿ!!
ಅಡ್ಡಮತದಾನ ವಿಚಾರ: ಸೋಮಶೇಖರ್ ರಾಜಕೀಯವಾಗಿ ‘ಸೂಸೈಡ್’ ಮಾಡಿಕೊಂಡಿದ್ದಾರೆ : ಆರ್.ಅಶೋಕ್ ಕಿಡಿ
BREAKING : ದಾರಿತಪ್ಪಿಸುವ ಜಾಹೀರಾತು ಪ್ರಕರಣ : ಪತಂಜಲಿಗೆ ‘ಸುಪ್ರೀಂಕೋರ್ಟ್’ನಿಂದ ‘ನ್ಯಾಯಾಂಗ ನಿಂದನೆ ನೋಟಿಸ್’
