ಹನೋಯಿ: ವಿಯೆಟ್ನಾಂನ ವಿಮಾನ ನಿಲ್ದಾಣದ ಟಾರ್ಮ್ಯಾಕ್ನಲ್ಲಿ ಭಾರತೀಯರು ಗರ್ಬಾ ನೃತ್ಯ ಮಾಡಿದ್ದ ವಿಡಿಯೋ ವೈರಲ್ ಆಗಿ ಕೆಲವೇ ದಿನಗಳಾಗಿವೆ. ಇದೀಗ ಅದೇ ದೇಶದಲ್ಲಿ ಭಾರತೀಯ ಪ್ರವಾಸಿಗರು ನಡೆಸಿದ ಮತ್ತೊಂದು ಕೃತ್ಯ ಸಾಮಾಜಿಕ ಜಾಲತಾಣಗಳಲ್ಲಿ ತೀವ್ರ ಚರ್ಚೆಗೆ ಮತ್ತು ವಿಭಜನೆಗೆ ಕಾರಣವಾಗಿದೆ.
ಈ ಬಾರಿ ವಿವಾದಕ್ಕೆ ಕಾರಣವಾಗಿರುವುದು ಹನೋಯಿ ನಗರದ ಪ್ರಸಿದ್ಧ ‘ಟ್ರೈನ್ ಸ್ಟ್ರೀಟ್’ (Train Street). ಇದು ರೈಲ್ವೆ ಹಳಿಗಳ ಅಕ್ಕಪಕ್ಕದಲ್ಲಿ ಕೆಫೆಗಳು ಮತ್ತು ಮನೆಗಳನ್ನು ಹೊಂದಿರುವ ಕಿರಿದಾದ ಪ್ರದೇಶವಾಗಿದ್ದು, ವಿಯೆಟ್ನಾಂನ ಪ್ರಮುಖ ಪ್ರವಾಸಿ ತಾಣಗಳಲ್ಲಿ ಒಂದಾಗಿದೆ.
ಈ ವಿಡಿಯೋವನ್ನು ಮುಂಬೈ ಮೂಲದ ಜ್ಯುವೆಲ್ಲರಿ ಬ್ರ್ಯಾಂಡ್ನ ಸಂಸ್ಥಾಪಕಿ ಶ್ವೇತಾ ಜೈನ್ ಅವರು ತಮ್ಮ ವಿಯೆಟ್ನಾಂ ಪ್ರವಾಸದ ವೇಳೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ವಿಡಿಯೋದಲ್ಲಿ ಈ ಗುಂಪು ಬಾಲಿವುಡ್ನ ಜನಪ್ರಿಯ ‘ಛಯ್ಯ ಛಯ್ಯ’ ಹಾಡಿಗೆ ನೃತ್ಯ ಮಾಡುತ್ತಿರುವುದನ್ನು ಕಾಣಬಹುದು. ಶ್ವೇತಾ ಈ ವಿಡಿಯೋಗೆ “ಫಿಲ್ಮಿ ಹಾರ್ಟ್, ಗ್ಲೋಬಲ್ ಸ್ಟ್ರೀಟ್ಸ್” (Filmy heart, global streets) ಎಂದು ಶೀರ್ಷಿಕೆ ನೀಡಿದ್ದಾರೆ.
ಮೂಲ ಇನ್ಸ್ಟಾಗ್ರಾಮ್ ಪೋಸ್ಟ್ನಲ್ಲಿ ಕಾಮೆಂಟ್ಗಳನ್ನು ನಿಷ್ಕ್ರಿಯಗೊಳಿಸಲಾಗಿದ್ದರೂ, ಈ ವಿಡಿಯೋ ಇತರ ವೇದಿಕೆಗಳಲ್ಲಿ ಹರಡುತ್ತಿದ್ದಂತೆಯೇ ನೆಟ್ಟಿಗರು ಕಿಡಿಕಾರಿದ್ದಾರೆ.
“ವಿದೇಶಕ್ಕೆ ಹೋದ ತಕ್ಷಣ ಎಲ್ಲರೂ ಏಕೆ ನೃತ್ಯ ಮಾಡಲು ಶುರು ಮಾಡುತ್ತಾರೆ? ನಾವು ವಿದೇಶದಲ್ಲಿ ಸಾಮಾನ್ಯ ಪ್ರವಾಸಿಗರಂತೆ ಇರಲು ಸಾಧ್ಯವಿಲ್ಲವೇ?” ಎಂದು ಎಕ್ಸ್ (X) ಬಳಕೆದಾರರೊಬ್ಬರು ಪ್ರಶ್ನಿಸಿದ್ದಾರೆ. “ಇತರ ಪ್ರವಾಸಿಗರು ಅಲ್ಲಿ ಶಾಂತವಾಗಿ ಕುಳಿತು ಆನಂದಿಸುತ್ತಿದ್ದರೆ, ಇವರು ಮಾತ್ರ ಎಲ್ಲೆಡೆ ಬಾಲಿವುಡ್ ಸೆಟ್ ರೀತಿಯಲ್ಲಿ ವರ್ತಿಸುತ್ತಾರೆ. ಭಾರತೀಯರಿಗೆ ನಾಗರಿಕ ಪ್ರಜ್ಞೆ ಇಲ್ಲವೇ? ಎಂದು ಹಲವರು ತೀವ್ರವಾಗಿ ಟೀಕಿಸಿದ್ದಾರೆ. ಇಂತಹ ವರ್ತನೆಯಿಂದ ಭಾರತೀಯರು ವಿದೇಶದಲ್ಲಿ ಹೀಯಾಳಿಕೆಗೆ ಗುರಿಯಾಗುತ್ತಾರೆ ಎಂದು ಹಲವರು ಬೇಸರ ವ್ಯಕ್ತಪಡಿಸಿದ್ದಾರೆ.
ಮತ್ತೊಂದೆಡೆ, ಕೆಲವರು ಈ ಪ್ರವಾಸಿಗರನ್ನು ಸಮರ್ಥಿಸಿಕೊಂಡಿದ್ದಾರೆ. “ಸಾಮಾನ್ಯವಾಗಿ ವರ್ತಿಸುವುದು ಎಂದರೆ ಏನು? ಐರೋಪ್ಯರು ಮತ್ತು ಅಮೆರಿಕನ್ನರು ಫ್ಲ್ಯಾಶ್ ಮಾಬ್ ಡ್ಯಾನ್ಸ್ ಮಾಡಿದಾಗ ಯಾಕೆ ಯಾರೂ ಪ್ರಶ್ನಿಸುವುದಿಲ್ಲ?” ಎಂದು ಒಬ್ಬರು ಕೇಳಿದ್ದಾರೆ. ಇನ್ನು ಕೆಲವರು, “ಜನರು ಮೋಜು ಮಾಡುತ್ತಿದ್ದರೆ ನಿಮ್ಮ ಸಮಸ್ಯೆ ಏನು?” ಎಂದು ಮರುಪ್ರಶ್ನಿಸಿದ್ದಾರೆ.
Only question: why can’t we just act normal when we’re abroad? Foreign jaate hi sabka dance kyun bahr ane lagta hai ? Why do we feel the need to stand out everywhere across the globe? Everyone else is sitting quietly and enjoying the moment, but our people somehow have to pull… pic.twitter.com/WO4uwUL2u5
— Nikhil saini (@iNikhilsaini) May 29, 2026
