ವೆಲ್ಲಿಂಗ್ಟನ್: ನ್ಯೂಜಿಲೆಂಡ್ ಕ್ರಿಕೆಟ್ ಮಂಡಳಿಯು ತನ್ನ ಮುಂಬರುವ ತವರು ಸೀಸನ್ನ ಅಂತರಾಷ್ಟ್ರೀಯ ಕ್ರಿಕೆಟ್ ವೇಳಾಪಟ್ಟಿಯನ್ನು ಬಿಡುಗಡೆ ಮಾಡಿದೆ. ಇದರಲ್ಲಿ ಭಾರತ ತಂಡದ ಪ್ರವಾಸವು ಪ್ರಮುಖ ಆಕರ್ಷಣೆಯಾಗಿದ್ದು, ಅಕ್ಟೋಬರ್ 22 ರಿಂದ ಡಿಸೆಂಬರ್ 1 ರವರೆಗೆ ನಡೆಯಲಿರುವ ಈ ಸರಣಿಯಲ್ಲಿ ಭಾರತ ಮತ್ತು ನ್ಯೂಜಿಲೆಂಡ್ ತಂಡಗಳು 5 ಟಿ20, 5 ಏಕದಿನ ಮತ್ತು 2 ಟೆಸ್ಟ್ ಪಂದ್ಯಗಳನ್ನು ಆಡಲಿವೆ.
ನ್ಯೂಜಿಲೆಂಡ್ ಕ್ರಿಕೆಟ್ ಇತಿಹಾಸದಲ್ಲಿ ಒಂದು ತಂಡದ ಪ್ರವಾಸದಲ್ಲಿ ನಡೆಯುತ್ತಿರುವ ಅತಿ ಹೆಚ್ಚು ಪಂದ್ಯಗಳ ಸರಣಿ ಇದಾಗಿದೆ.
2019ರ ನಂತರ ಮೊದಲ ಬಾರಿಗೆ ಭಾರತವು ನ್ಯೂಜಿಲೆಂಡ್ ನೆಲದಲ್ಲಿ ಟೆಸ್ಟ್ ಕ್ರಿಕೆಟ್ ಆಡಲಿದೆ. ಹಾಗೆಯೇ 2022ರ ನಂತರ ಮೊದಲ ವೈಟ್-ಬಾಲ್ ಸರಣಿ ಇದಾಗಿದೆ.
ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ 100 ವರ್ಷಗಳ ಕ್ರೀಡಾ ಸಂಬಂಧವನ್ನು ಸ್ಮರಿಸಲು ಈ ಸರಣಿಯನ್ನು ನಡೆಸಲಾಗುತ್ತಿದೆ.
ವೇಳಾಪಟ್ಟಿ (Schedule):
ಭಾರತದ ನ್ಯೂಜಿಲೆಂಡ್ ಪ್ರವಾಸ (ಅಕ್ಟೋಬರ್ – ಡಿಸೆಂಬರ್ 2026):
ಟಿ20 ಸರಣಿ: ಅಕ್ಟೋಬರ್ 22, 24 (ಕ್ರೈಸ್ಟ್ಚರ್ಚ್), ಅಕ್ಟೋಬರ್ 27 (ವೆಲ್ಲಿಂಗ್ಟನ್), ಅಕ್ಟೋಬರ್ 30 (ಆಕ್ಲೆಂಡ್), ನವೆಂಬರ್ 1 (ಹ್ಯಾಮಿಲ್ಟನ್).
ಏಕದಿನ ಸರಣಿ: ನವೆಂಬರ್ 4 (ಆಕ್ಲೆಂಡ್), ನವೆಂಬರ್ 7 (ವೆಲ್ಲಿಂಗ್ಟನ್), ನವೆಂಬರ್ 10 (ಹ್ಯಾಮಿಲ್ಟನ್), ನವೆಂಬರ್ 13, 15 (ಮೌಂಟ್ ಮೌಂಗನುಯಿ).
ಟೆಸ್ಟ್ ಸರಣಿ: 1ನೇ ಟೆಸ್ಟ್ – ನವೆಂಬರ್ 19-23 (ವೆಲ್ಲಿಂಗ್ಟನ್), 2ನೇ ಟೆಸ್ಟ್ – ನವೆಂಬರ್ 27 – ಡಿಸೆಂಬರ್ 1 (ಕ್ರೈಸ್ಟ್ಚರ್ಚ್).
ಶ್ರೀಲಂಕಾದ ನ್ಯೂಜಿಲೆಂಡ್ ಪ್ರವಾಸ (ಜನವರಿ – ಫೆಬ್ರವರಿ 2027):
ಏಕದಿನ: ಜ. 16 (ನೇಪಿಯರ್), ಜ. 19 (ವೆಲ್ಲಿಂಗ್ಟನ್), ಜ. 22 (ಡುನೆಡಿನ್).
ಟಿ20: ಜ. 26, 29, 31 (ಕ್ರೈಸ್ಟ್ಚರ್ಚ್ ಮತ್ತು ನೆಲ್ಸನ್).
ಟೆಸ್ಟ್: ಫೆ. 4-8 (ಮೌಂಟ್ ಮೌಂಗನುಯಿ), ಫೆ. 12-16 (ಹ್ಯಾಮಿಲ್ಟನ್).
ಮಹಿಳಾ ತಂಡ – ಬಾಂಗ್ಲಾದೇಶ ಪ್ರವಾಸ (ಡಿಸೆಂಬರ್ 2026):
ಟಿ20: ಡಿ. 10, 12 (ನೆಲ್ಸನ್), ಡಿ. 15 (ವೆಲ್ಲಿಂಗ್ಟನ್).
ಏಕದಿನ: ಡಿ. 18 (ವೆಲ್ಲಿಂಗ್ಟನ್), ಡಿ. 21, 23 (ಮೌಂಟ್ ಮೌಂಗನುಯಿ).
ಗಮನಿಸಿ: ನ್ಯೂಜಿಲೆಂಡ್ನ ಎಂಟು ವಿವಿಧ ನಗರಗಳಲ್ಲಿ ಈ ಪಂದ್ಯಗಳು ನಡೆಯಲಿದ್ದು, ಒಟ್ಟಾರೆಯಾಗಿ ಸೀಸನ್ನಲ್ಲಿ 41 ದಿನಗಳ ಅಂತರಾಷ್ಟ್ರೀಯ ಕ್ರಿಕೆಟ್ ನಡೆಯಲಿದೆ.
