ಏಷ್ಯಾ ಕಪ್ 2025ರ ವೇಳೆ ನಡೆದ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯದಲ್ಲಿ ಹಸ್ತಲಾಘವ (Handshake) ಮಾಡದ ವಿಚಾರ ಈಗ ಮತ್ತೆ ಮುನ್ನೆಲೆಗೆ ಬಂದಿದೆ. ಟಾಸ್ ಸಮಯದಲ್ಲಿ ಭಾರತದ ನಾಯಕ ಸೂರ್ಯಕುಮಾರ್ ಯಾದವ್ ಹಸ್ತಲಾಘವ ಮಾಡಿರಲಿಲ್ಲ, ಆದರೆ ಅದಕ್ಕೂ ಮುನ್ನ ಎರಡು ಬಾರಿ ನಮ್ಮ ನಡುವೆ ಹಸ್ತಲಾಘವ ನಡೆದಿತ್ತು ಎಂದು ಸಲ್ಮಾನ್ ಆಗಾ ಬಹಿರಂಗಪಡಿಸಿದ್ದಾರೆ.
ಎರಡು ಬಾರಿ ಹಸ್ತಲಾಘವ ನಡೆದಿತ್ತು!
ಸಲ್ಮಾನ್ ಆಗಾ ಅವರ ಪ್ರಕಾರ, ಮೈದಾನದಲ್ಲಿ ವಿವಾದ ಉಂಟಾಗುವ ಮುನ್ನವೇ ಸೂರ್ಯಕುಮಾರ್ ಮತ್ತು ಅವರ ನಡುವೆ ಭೇಟಿ ನಡೆದಿತ್ತು:
ಮೊದಲ ಭೇಟಿ: ಪಂದ್ಯಕ್ಕೂ ಮುನ್ನ ನಡೆದ ಪತ್ರಿಕಾಗೋಷ್ಠಿಯಲ್ಲಿ ಇಬ್ಬರೂ ಪರಸ್ಪರ ಹಸ್ತಲಾಘವ ಮಾಡಿದ್ದರು.
ಎರಡನೇ ಭೇಟಿ: ಟ್ರೋಫಿ ಫೋಟೋಶೂಟ್ ಸಂದರ್ಭದಲ್ಲಿಯೂ ಇಬ್ಬರು ಆಟಗಾರರು ಕೈ ಕುಲುಕಿದ್ದರು.
ಆದರೆ ಪಂದ್ಯದ ಟಾಸ್ ವೇಳೆ ಪರಿಸ್ಥಿತಿ ಸಂಪೂರ್ಣ ಬದಲಾಗಿತ್ತು. “ಟಾಸ್ಗೆ ಹೋಗುವಾಗ ಎಲ್ಲವೂ ಸಹಜವಾಗಿದೆ ಎಂದೇ ಭಾವಿಸಿದ್ದೆ, ಆದರೆ ಪರಿಸ್ಥಿತಿ ಇಷ್ಟು ಕೆಳಮಟ್ಟಕ್ಕೆ ಇಳಿಯುತ್ತದೆ ಮತ್ತು ಹಸ್ತಲಾಘವ ಕೂಡ ಮಾಡುವುದಿಲ್ಲ ಎಂದು ನಾನು ಅಂದುಕೊಂಡಿರಲಿಲ್ಲ” ಎಂದು ಆಗಾ ತಿಳಿಸಿದ್ದಾರೆ.
