ನವದೆಹಲಿ : ರಾಷ್ಟ್ರೀಯ ಸ್ವಯಂಸೇವಕ ಸಂಘದ (RSS) ಮುಖ್ಯಸ್ಥ ಮೋಹನ್ ಭಾಗವತ್ ಗುರುವಾರ, ನಾಯಕರು 75 ವರ್ಷಕ್ಕೆ ನಿವೃತ್ತರಾಗಬೇಕು ಎಂಬ ತಮ್ಮ ಇತ್ತೀಚಿನ ಹೇಳಿಕೆಗಳ ಕುರಿತು ಹರಡಿರುವ ಊಹಾಪೋಹಗಳಿಗೆ ಸ್ಪಷ್ಟನೆ ನೀಡಲು ಪ್ರಯತ್ನಿಸಿದರು, ತಾವು ಎಂದಿಗೂ ನಿವೃತ್ತರಾಗುವುದಾಗಿ ಅಥವಾ ಬೇರೆಯವರು 75 ವರ್ಷಕ್ಕೆ ನಿವೃತ್ತರಾಗಬೇಕೆಂದು ಹೇಳಿಲ್ಲ ಎಂದು ಹೇಳಿದರು.
ಆರ್‌ಎಸ್‌ಎಸ್ ಮತ್ತು ಬಿಜೆಪಿ ನಡುವಿನ ಸಂಬಂಧದ ಕುರಿತ ಪ್ರಶ್ನೆಗೆ ಆರ್‌ಎಸ್‌ಎಸ್ ಮುಖ್ಯಸ್ಥ ಮೋಹನ್ ಭಾಗವತ್ ಉತ್ತರಿಸಿದರು. ಆರ್‌ಎಸ್‌ಎಸ್ ಎಲ್ಲವನ್ನೂ ನಿರ್ಧರಿಸಲು ಸಾಧ್ಯವಿಲ್ಲ ಎಂದು ಅವರು ಹೇಳಿದರು. ನಾನು 50 ವರ್ಷಗಳಿಂದ ಶಾಖೆಗಳನ್ನ ನಡೆಸುತ್ತಿದ್ದೇನೆ. ಅವ್ರು ಹಲವು ವರ್ಷಗಳಿಂದ ರಾಜ್ಯವನ್ನ ನಡೆಸುತ್ತಿದ್ದಾರೆ. ಅವರಿಗೆ ನನ್ನ ಪರಿಣತಿ ತಿಳಿದಿದೆ, ನನಗೆ ಅವರ ಪರಿಣತಿ ತಿಳಿದಿದೆ ಎಂದರು.
“ಈ ವಿಷಯದಲ್ಲಿ ಸಲಹೆ ನೀಡಬಹುದು. ಆದ್ರೆ, ಆ ಕ್ಷೇತ್ರದಲ್ಲಿ ನಿರ್ಧಾರ ಅವರದು ಮತ್ತು ಈ ಕ್ಷೇತ್ರದಲ್ಲಿ ನಮ್ಮದು. ಅದಕ್ಕಾಗಿಯೇ ನಾವು ನಿರ್ಧರಿಸುವುದಿಲ್ಲ. ನಾವು ನಿರ್ಧರಿಸಿದ್ದರೆ, ಅದು ತುಂಬಾ ಸಮಯ ತೆಗೆದುಕೊಳ್ಳುತ್ತಿತ್ತೇ? ನಾವು ನಿರ್ಧರಿಸುವುದಿಲ್ಲ” ಎಂದು ಮೋಹನ್ ಭಾಗವತ್ ಹೇಳಿದರು.
ಮುಖ್ಯಮಂತ್ರಿ ಮತ್ತು ಪ್ರಧಾನಿ ಜೈಲಿನಲ್ಲಿದ್ದರೆ ಅವರನ್ನ ಅವರ ಹುದ್ದೆಗಳಿಂದ ತೆಗೆದುಹಾಕಲು ಸಂಸತ್ತು ಇತ್ತೀಚೆಗೆ ಅಂಗೀಕರಿಸಿದ ಮಸೂದೆಗೆ ಸಂಬಂಧಿಸಿದ ಪ್ರಶ್ನೆಗೆ ಮೋಹನ್ ಭಾಗವತ್ ಉತ್ತರಿಸಿದರು. “ನಮ್ಮ ನಾಯಕತ್ವವು ಶುದ್ಧ ಮತ್ತು ಪಾರದರ್ಶಕವಾಗಿರಬೇಕು. ಎಲ್ಲರೂ ಇದನ್ನು ಒಪ್ಪುತ್ತಾರೆ ಎಂದು ನಾನು ಭಾವಿಸುತ್ತೇನೆ, ಸಂಘವೂ ಇದನ್ನು ಒಪ್ಪುತ್ತದೆ. ಕಾನೂನು ಹೀಗೇ ಇರುತ್ತದೆಯೋ ಇಲ್ಲವೋ ಎಂಬ ಚರ್ಚೆ ನಡೆಯುತ್ತಿದೆ, ಸಂಸತ್ತು ಏನು ನಿರ್ಧರಿಸುತ್ತದೆಯೋ ಅದು ನಡೆಯುತ್ತದೆ. ಇದರ ಫಲಿತಾಂಶವೆಂದರೆ ನಮ್ಮ ನಾಯಕತ್ವವು ಶುದ್ಧ ಮತ್ತು ಪಾರದರ್ಶಕವಾಗಿದೆ ಎಂಬ ನಂಬಿಕೆ ಎಲ್ಲರಿಗೂ ಇರಬೇಕು” ಎಂದು ಅವರು ಹೇಳಿದರು.
ಸಂಘವು ಇತರ ರಾಜಕೀಯ ಪಕ್ಷಗಳನ್ನ ಏಕೆ ಬೆಂಬಲಿಸುವುದಿಲ್ಲ? ಕೆಲವು ರಾಜಕೀಯ ಪಕ್ಷಗಳು ಸಂಘವನ್ನ ವಿರೋಧಿಸುತ್ತಿರುವಂತೆ ತೋರುತ್ತದೆ. ಅವರ ಮನಸ್ಸಿನಲ್ಲಿ ಬದಲಾವಣೆಯಾಗುವ ಸಾಧ್ಯತೆ ಇದೆಯೇ?
ಈ ಪ್ರಶ್ನೆಗೆ ಮೋಹನ್ ಭಾಗವತ್, “1948ರಲ್ಲಿ, ಜಯಪ್ರಕಾಶ್ ಬಾಬು ಉರಿಯುತ್ತಿರುವ ಟಾರ್ಚ್ ಹಿಡಿದು ಆರ್‌ಎಸ್‌ಎಸ್ ಕಚೇರಿಯನ್ನ ಸುಡಲು ಹೋದರು. ತುರ್ತು ಪರಿಸ್ಥಿತಿಯ ನಂತರ, ಬದಲಾವಣೆಯ ಭರವಸೆ ನಿಮ್ಮಿಂದ ಮಾತ್ರ ಎಂದು ಅವರು ಹೇಳಿದರು” ಎಂದು ಹೇಳಿದರು.
“ಸಂಘದ ಬಗ್ಗೆ ಪ್ರಣಬ್ ದಾ ಅವರಿಗಿದ್ದ ತಪ್ಪು ತಿಳುವಳಿಕೆಗಳು ನಿವಾರಣೆಯಾಗಿವೆ. ಒಬ್ಬರು ನಿಜವಾಗಿಯೂ ಮನುಷ್ಯನಾಗಿದ್ದರೆ, ಮನಸ್ಸು ಬದಲಾಯಿಸುವುದು ಯಾವಾಗಲೂ ಸಾಧ್ಯ. ಕೆಲವರು ಬೇಗನೆ ಮನಸ್ಸು ಬದಲಾಯಿಸುತ್ತಾರೆ, ಕೆಲವರು ಬಹಳ ಸಮಯ ತೆಗೆದುಕೊಳ್ಳುತ್ತಾರೆ. ಮನಸ್ಸು ಬದಲಾಯಿಸುವ ಸಾಧ್ಯತೆಯನ್ನ ಎಂದಿಗೂ ನಿರಾಕರಿಸಬಾರದು” ಎಂದು ಅವರು ಹೇಳಿದರು.
52% ಭಾರತೀಯರು ‘NDA’ ಸರ್ಕಾರದ ಬಗ್ಗೆ ತೃಪ್ತರಾಗಿದ್ದಾರೆ, ದೊಡ್ಡ ಸಾಧನೆ & ವೈಫಲ್ಯ ಯಾವ್ದು ಗೊತ್ತಾ.?
BREAKING : ಸೆ.7ರಂದು ‘ತಿರುಪತಿ ತಿರುಮಲ ದೇವಸ್ಥಾನ’ ಬಂದ್ ; ‘TTD’ ಘೋಷಣೆ!
52% ಭಾರತೀಯರು ‘NDA’ ಸರ್ಕಾರದ ಬಗ್ಗೆ ತೃಪ್ತರಾಗಿದ್ದಾರೆ, ದೊಡ್ಡ ಸಾಧನೆ & ವೈಫಲ್ಯ ಯಾವ್ದು ಗೊತ್ತಾ.?
