ಕೆಎನ್‌ಎನ್‌ಡಿಜಿಟಲ್‌ ಡೆಸ್ಕ್‌ : ನಿವಾಸಗಳು, ಸಾರ್ವಜನಿಕ ಆಸ್ತಿಗಳು ಮತ್ತು ಸರ್ಕಾರಿ ಕಟ್ಟಡಗಳ ನಿರ್ಮಾಣದಿಂದಾಗಿ ಅರಣ್ಯನಾಶವು ಮರಗಳ ಪ್ರಾಮುಖ್ಯತೆಯ ಬಗ್ಗೆ ಸಾರ್ವಜನಿಕ ಜಾಗೃತಿಯ ನಂತರವೂ ಮುಂದುವರಿಯುತ್ತದೆ. ಇತ್ತೀಚೆಗೆ, ಮರವೊಂದನ್ನ ಕಡಿದುಹಾಕಿ, ನೂರಾರು ಪಕ್ಷಿಗಳನ್ನ ನಿರಾಶ್ರಿತರನ್ನಾಗಿ ಮತ್ತು ಕೆಲವು ಪಕ್ಷಿಗಳನ್ನ ಸಾಯಿಸುವ ವೀಡಿಯೊ ಅಂತರ್ಜಾಲದಲ್ಲಿ ಹರಿದಾಡುತ್ತಿದೆ. ಕೇರಳದ ಮಲಪ್ಪುರಂ ಪ್ರದೇಶದ ವೈರಲ್ ವೀಡಿಯೊ ಅಂತರ್ಜಾಲದಲ್ಲಿ ಕೋಲಾಹಲವನ್ನ ಸೃಷ್ಟಿಸಿದೆ ಮತ್ತು ನೆಟ್ಟಿಗರು ತಮ್ಮ ಆಕ್ರೋಶವನ್ನ ವ್ಯಕ್ತಪಡಿಸುತ್ತಿದ್ದಾರೆ.
ಜೆಸಿಬಿ ಯಂತ್ರವು ದೈತ್ಯ ಮರವನ್ನ ಕತ್ತರಿಸುವುದರೊಂದಿಗೆ ಹೃದಯ ವಿದ್ರಾವಕ ವೀಡಿಯೊ ತೆರೆದುಕೊಳ್ಳುತ್ತದೆ. ಈ ವೀಡಿಯೊದಲ್ಲಿ ನೂರಾರು ಪಕ್ಷಿಗಳು ನಿರಾಶ್ರಿತರಾಗಿ ಮರದಿಂದ ಹೊರಗೆ ಹಾರುವುದನ್ನ ತೋರಿಸುತ್ತದೆ. ಈ ಕ್ಲಿಪ್‌ನಲ್ಲಿ ಹಕ್ಕಿಗಳು ಹಾರಲು ಅಸಮರ್ಥತೆಯಿಂದ ಅಥವಾ ಪತನದ ಬಲದಿಂದ ದೊಡ್ಡ ಮರದ ಕೆಳಗೆ ಬಿದ್ದು ಸಾಯುತ್ವೆ. ಸತ್ತ ಹಲವಾರು ಪಕ್ಷಿಗಳ ಹೃದಯಸ್ಪರ್ಶಿ ನೋಟವು ನಿಮ್ಮನ್ನ ಒಳಗಿನಿಂದ ಅಲುಗಾಡಿಸದೇ ಇರದು.
ರಾಷ್ಟ್ರೀಯ ಹೆದ್ದಾರಿಯ ವಿಸ್ತರಣೆಗಾಗಿ ಮರವನ್ನ ಕತ್ತರಿಸಲಾಗಿದೆ ಎಂದು ವರದಿಯಾಗಿದೆ. ವೈರಲ್ ವೀಡಿಯೊವನ್ನ ಐಎಫ್ಎಸ್ ಅಧಿಕಾರಿ ಪ್ರವೀಣ್ ಕಸ್ವಾನ್ ಹಂಚಿಕೊಂಡಿದ್ದಾರೆ. ಈ ಪೋಸ್ಟ್ ಹಂಚಿಕೊಂಡ ಅವ್ರು, “ಪ್ರತಿಯೊಬ್ಬರಿಗೂ ಮನೆ ಬೇಕು. ನಾವು ಎಷ್ಟು ಕ್ರೂರಿ ಆಗಿರಬೋದು” ಎಂದಿದ್ದಾರೆ.
ಅವರು ವೀಡಿಯೊವನ್ನು ಹಂಚಿಕೊಂಡ ತಕ್ಷಣ, ನೆಟ್ಟಿಗರು ಕಾಮೆಂಟ್ ವಿಭಾಗಕ್ಕೆ ಧಾವಿಸಿ ತಮ್ಮ ಕೋಪವನ್ನ ವ್ಯಕ್ತಪಡಿಸಿದರು. ಒಬ್ಬ ಬಳಕೆದಾರನು, “ಪ್ರತಿಯೊಂದು ಹುಳು, ಕೀಟ, ಪಕ್ಷಿ ಮತ್ತು ಪ್ರಾಣಿಗಳು ಗ್ರಹದ ಪರಿಸರ ಯೋಗಕ್ಷೇಮಕ್ಕಾಗಿ ಕೆಲಸ ಮಾಡುತ್ತಿವೆ. ಅತ್ಯಂತ ಬುದ್ಧಿವಂತ ಪ್ರಭೇದ ಎಂದು ಹೇಳಿಕೊಳ್ಳುವ ಮಾನವರು ಮಾತ್ರ ಅದನ್ನ ಮಾಡುತ್ತಿಲ್ಲ” ಎಂದಿದ್ದಾರೆ. ಇನ್ನೊಬ್ಬ ಬಳಕೆದಾರರು, “ನಾವು ಕ್ರೋಧವನ್ನ ಎದುರಿಸುತ್ತಿದ್ದೇವೆ. ತೀವ್ರ ಪ್ರವಾಹಗಳು…. ಬರಗಾಲಗಳು… ಸಮುದ್ರದ ನೀರಿನ ಮಟ್ಟ ಏರುತ್ತಿದೆ… ಪ್ರಕೃತಿ ಒಂದು ಪಾಠವನ್ನ ಕಲಿಸುತ್ತದೆ” ಎಂದಿದ್ದಾರೆ. ಮತ್ತೊಬ್ಬ ಬಳಕೆದಾರರೊಬ್ಬರು, “ಭಯಾನಕ! ನಾವು ಎಷ್ಟು ಹೃದಯ ಹೀನರಾಗಿದ್ದೇವೆ.. ಈ ರೀತಿಯಾಗಿ ಅವ್ರ ಮನೆಯನ್ನ ನಾಶಮಾಡಲು!” ಎಂದು ಆಕ್ರೋಶ ವ್ಯಕ್ತಿ ಪಡಿಸಿದ್ದಾರೆ.
ವೈರಲ್ ವಿಡಿಯೋ ಇಲ್ಲಿದೆ.!
Everybody need a house. How cruel we can become. Unknown location. pic.twitter.com/vV1dpM1xij
— Parveen Kaswan, IFS (@ParveenKaswan) September 2, 2022
