ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಭಾರತದ ಮಾಜಿ ನಾಯಕ ಮತ್ತು ಸ್ಟಾರ್ ಆಟಗಾರ ರೋಹಿತ್ ಶರ್ಮಾ ಸೃಷ್ಟಿಸಿದ ದಾಖಲೆಗಳನ್ನ ಉಲ್ಲೇಖಿಸುವ ಅಗತ್ಯವಿಲ್ಲ. ಅವರು ತಮ್ಮ ಆಕ್ರಮಣಕಾರಿ ಬ್ಯಾಟಿಂಗ್ ಮೂಲಕ ಅನೇಕ ದಾಖಲೆಗಳನ್ನ ಮುರಿದಿದ್ದಾರೆ. ದೀರ್ಘ ವಿರಾಮದ ನಂತರ, ಅವರು ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಮೂರು ಪಂದ್ಯಗಳ ಏಕದಿನ ಸರಣಿಯೊಂದಿಗೆ ಮರುಪ್ರವೇಶ ಮಾಡಿದರು. ಮೊದಲ ಪಂದ್ಯದಲ್ಲಿ ಕ್ರಿಕೆಟ್ ಅಭಿಮಾನಿಗಳನ್ನ ನಿರಾಶೆಗೊಳಿಸಿದ್ದ ಹಿಟ್ ಮ್ಯಾನ್, ಎರಡನೇ ಪಂದ್ಯದಲ್ಲಿ ಅದ್ಭುತವಾಗಿ ಅರ್ಧಶತಕ ಗಳಿಸಿದರು. ಈ ಪ್ರಕ್ರಿಯೆಯಲ್ಲಿ, ಅವ್ರು ತಮ್ಮ ಖಾತೆಯಲ್ಲಿ ಅಪರೂಪದ ದಾಖಲೆಯನ್ನ ಸ್ಥಾಪಿಸಿದರು.
ರೋಹಿತ್ ಶರ್ಮಾ ಆಸ್ಟ್ರೇಲಿಯಾ ವಿರುದ್ಧ ಏಕದಿನ ಕ್ರಿಕೆಟ್’ನಲ್ಲಿ 1000* ರನ್ ಗಳಿಸಿದ ಮೊದಲ ಭಾರತೀಯ ಬ್ಯಾಟ್ಸ್‌ಮನ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಗುರುವಾರ ಅಡಿಲೇಡ್‌’ನಲ್ಲಿ ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಏಕದಿನ ಪಂದ್ಯದಲ್ಲಿ ಅರ್ಧಶತಕ ಗಳಿಸುವ ಮೂಲಕ ರೋಹಿತ್ ಈ ಸಾಧನೆ ಮಾಡಿದ್ದಾರೆ. ರೋಹಿತ್ ನಂತರ, ವಿರಾಟ್ ಕೊಹ್ಲಿ (802), ಸಚಿನ್ ತೆಂಡೂಲ್ಕರ್ (740), ಎಂಎಸ್ ಧೋನಿ (684) ಮತ್ತು ಶಿಖರ್ ಧವನ್ (517) ಈ ಪಟ್ಟಿಯಲ್ಲಿದ್ದಾರೆ. ರೋಹಿತ್ ಇದುವರೆಗೆ 275 ಏಕದಿನ ಪಂದ್ಯಗಳಲ್ಲಿ 11,184 ರನ್ ಗಳಿಸಿದ್ದಾರೆ. ಇದರಲ್ಲಿ 32 ಶತಕಗಳು ಮತ್ತು 59 ಅರ್ಧಶತಕಗಳು ಸೇರಿವೆ. ಅವರ ಗರಿಷ್ಠ ಸ್ಕೋರ್ 264. ನವೆಂಬರ್ 13, 2014 ರಂದು ಈಡನ್ ಗಾರ್ಡನ್ಸ್‌’ನಲ್ಲಿ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಅವರು ಈ ಸ್ಕೋರ್ ಗಳಿಸಿದರು.
ಸತತ 2ನೇ ಬಾರಿಗೆ ಸೊನ್ನೆಗೆ ಔಟಾದ ‘ಕೊಹ್ಲಿ’, ಅಭಿಮಾನಿಗಳಿಗೆ ನಿವೃತ್ತಿ ಸುಳಿವು.? ಕೊಲಾಹಲ ಸೃಷ್ಟಿಸ್ತಿದೆ ಈ ವಿಡಿಯೋ
ಭಾರತದ ಮೊದಲ ತೀವ್ರ ಬಡತನ ಮುಕ್ತ ರಾಜ್ಯವಾಗಿ ‘ಕೇರಳ’ ಘೋಷಣೆ | Kerala State
BREAKING : 20ನೇ ಪೂರ್ವ ಏಷ್ಯಾ ಶೃಂಗಸಭೆಗೆ ‘ಮೋದಿ’ ಗೈರು, ಪ್ರಧಾನಿ ಪ್ರತಿನಿಧಿಸಲಿರುವ ಸಚಿವ ‘ಜೈ ಶಂಕರ್’
